Chandrababu Naidu: చంద్రబాబు టూర్‌లో ఉద్రిక్తతలు! వాహనాల అద్దాలు ధ్వంసం

Dharmavaram News: ధర్మవరం ఇంచార్జ్ పరిటాల శ్రీరామ్ ధర్మవరం మాజీ ఎమ్మెల్యే బీజేపీ నేత గోనుగుంట్ల సూర్యనారాయణ వర్గీయుల మధ్య తీవ్ర గొడవ చోటుచేసుకుంది.

రోడ్డుపైనే ధర్నా

Chandrababu Naidu in Dharmavaram of Anantapuram: ఉమ్మడి అనంతపురం జిల్లా చంద్రబాబు పర్యటనలో ఉద్రిక్త పరిస్థితులు చోటుచేసుకున్నాయి. ధర్మవరం ఇంచార్జ్ పరిటాల శ్రీరామ్ ధర్మవరం మాజీ ఎమ్మెల్యే బీజేపీ నేత గోనుగుంట్ల సూర్యనారాయణ వర్గీయుల మధ్య తీవ్ర గొడవ చోటుచేసుకుంది. మాజీ ముఖ్యమంత్రి చంద్రబాబు నాయుడు పెనుగొండ నియోజకవర్గంలో నిర్వహిస్తున్న రా.. కదలిరా.. కార్యక్రమానికి పరిటాల శ్రీరామ్ వర్గీయులతో పాటు మాజీ ఎమ్మెల్యే గోనుగుంట్ల సూర్యనారాయణ వర్గీయులు వాహనాల్లో వస్తున్న సమయంలో బత్తలపల్లి మండల కేంద్రంలో ఘర్షణలకు దిగారు. ఇప్పటికే టికెట్ల విషయంలో ఇరు వర్గాలు నువ్వా నేనా అన్నటు ఉన్నారు. 

చంద్రబాబు నాయుడు జిల్లాకు వస్తున్న తరుణంలో ఇలాంటి ఘటనలు చోటు చేసుకోవడం ఆందోళనకు దారితీస్తున్నాయి. గోనుగుంట్ల సూర్యనారాయణ ధర్మవరం నుంచి పోటీ చేస్తారన్న వార్తలు గత కొద్దికాలంగా జోరుగా సాగుతూ ఉండడంతో పరిటాల శ్రీరామ్ వర్గీయులు తీవ్ర అసంతృప్తిలో ఉన్నారు. ఇదే తరుణంలో పరిటాల శ్రీరామ్ చంద్రబాబు నాయుడు ప్రకటించిన మొదటి జాబితాలో పేరు లేకపోవడం.. జనసేన టిడిపి కూటమితో బీజేపీ పొత్తు కుదిరితే ధర్మవరం నుంచి బీజేపీ నేత గోనుగుంట్ల సూర్యనారాయణ పోటీ చేస్తారని వార్తలు వస్తున్నాయి.

ఇదే తరుణంలో చంద్రబాబు రాకతో ధర్మవరం నియోజకవర్గం బత్తలపల్లి మండల కేంద్రంలో పెనుగొండకు వస్తున్న గోనుగుంట్ల సూర్యనారాయణ వాహనాలపై పరిటాల శ్రీరామ్ వర్గీయులు దాడి చేశారు. ఈ దాడిలో గోనుగుంట్ల సూర్యనారాయణ వర్గీయుల వాహనాల అద్దాలు ద్వంసం అయ్యాయి. ఆందోళనకారులు బత్తలపల్లి మండల కేంద్రంలో కూర్చొని ఒకరిపై ఒకరు డౌన్ డౌన్ అంటూ నినాదాలు చేస్తున్నారు. రంగంలోకి దిగిన పోలీసులు ఇరు వర్గాలను చెదరగొట్టారు.