Breaking News Live: మాదాపూర్‌లో కారు బీభత్సం.. ఒకరు మృతి
తెలంగాణ, ఆంధ్రప్రదేశ్ సహా దేశ వ్యాప్తంగా అక్టోబరు 9న జరిగే తాజా వార్తలు ఎప్పటికప్పుడు ఇక్కడ చూడొచ్చు. ఈ లైవ్ బ్లాగ్ అప్ డేట్ అవుతూ ఉంటుంది. తాజా సమాచారం కోసం ఈ పేజీని రీఫ్రెష్ చేస్తూ ఉండండి.
LIVE
Background
దసరా ఉత్సవాల్లో భాగంగా శ్రీశైలం శ్రీభ్రమరాంబాదేవి శుక్రవారం భక్తులకు బ్రహ్మచారిణి అలంకారంలో దర్శనమిచ్చారు. ఆలయ ప్రాంగణంలోని ఉత్సవ వేదికపై బ్రహ్మచారిణి అమ్మవారిని ఆలయ సిబ్బంది విశేష పుష్పాలంకరణలతో కొలువుదీర్చారు
మాదాపూర్‌లో కారు బీభత్సం.. ఒకరు మృతి
హైదరాబాద్ నగరంలోని మాదాపూర్‌లో కారు బీభత్సం సృష్టించింది. అతివేగంతో దూసుకొచ్చిన కారు పాదచారుల పైకి దూసుకెళ్లింది. ఈ ప్రమాదంలో ఇద్దరికీ తీవ్రగాయాలయ్యాయి. వారిని ఆస్పత్రికి తరలిస్తుండగా ఒకరు మృతి చెందారు. కారు నడిపిన వ్యక్తి విద్యుత్‌ శాఖ డీఈ నరేందర్ రెడ్డిగా గుర్తించారు. ప్రమాదం అనంతరం పీఎస్‌కు వెళ్లి నరేందర్ రెడ్డి లొంగిపోయారు.
నెల్లూరు-ముంబై హైవేపై మరో ప్రమాదం..
నెల్లూరు-ముంబై హైవేపై ప్రమాదం జరిగింది. మర్రిపాడు మండలం డీసీపల్లి పొగాకు బోర్డు వద్ద కారు, బైక్ ఢీకొన్నాయి. ఈ ఘటనలో ద్విచక్ర వాహనదారుడికి తీవ్ర గాయాలయ్యాయి. అతని పరిస్థితి విషమంగా ఉంది. క్షతగాత్రుడు అనంతసాగరం మండలం మంగుపల్లి గ్రామానికి చెందిన వ్యక్తిగా గుర్తించారు పోలీసులు.
అఖేరు వాగులో ఇద్దరు విద్యార్థులు గల్లంతు
మహబూబాబాద్ జిల్లా డోర్నకల్ మండలం ములకలపల్లి ఆకేరు వాగులో సరదాగా ఈతకు వెళ్లిన ఇద్దరు విద్యార్థులు గల్లంతయ్యారు. ఖమ్మం నగరానికి చెందిన 5 మంది విద్యార్థులు సాయంత్రం అఖేరు వాగుకు వద్దకు చేరుకున్నారు. ఈత కోసం వాగులో దిగిన యువకులు ప్రమాదవశాత్తు నీటి ప్రవాహంలో కొట్టుకుపోయారు. వీరిలో ముగ్గురు విద్యార్థులు ప్రాణాలతో బయటపడగా మరో ఇద్దరు వాగులో కొట్టుకుపోయారు. ఘటన స్థలానికి చేరుకున్న పోలీసులు గల్లంతైన విద్యార్థుల కోసం గాలింపు చర్యలు చేపట్టారు. గజ ఈత గాళ్లతో వెతికిస్తున్నారు.
ఏపీ, తెలంగాణ హైకోర్టులకు నూతన సీజేలు నియామకం
ఏపీ తెలంగాణ హైకోర్టులకు నూతన చీఫ్ జస్టిస్ లు నియమితులయ్యారు. ఏపీ హైకోర్టు చీఫ్ జస్టిస్ గా జస్టిస్ ప్రశాంత్ కుమార్ మిశ్రా, తెలంగాణ హైకోర్టు ప్రధాన న్యాయమూర్తిగా జస్టిస్ సతీష్ చంద్ర శర్మ నియమితులయ్యారు. సుప్రీంకోర్టు కొలీజియం సిఫార్సుల మేరకు రాష్ట్రపతి ఉత్తర్వులు జారీచేశారు.
హైదరాబాద్ లో మళ్లీ భారీ వర్షం... అప్రమత్తంగా ఉండాలని వాతావరణశాఖ సూచన
హైదరాబాద్ లోని పలు ప్రాంతాల్లో భారీ వర్షం పడుతోంది. మూడు రోజుల పాటు వర్షాలు పడే అవకాశం ఉందని వాతావరణశాఖ ఇప్పటికే ప్రకటించింది. శుక్రవారం నగరంలో భారీ వర్షం కురిసింది. దీంతో పలు కాలనీలు జలమయం అయ్యాయి. దిల్ సుఖ్ నగర్, సరూర్ నగర్, ఖైరాతాబాద్, అమీర్ పేట్, బంజారాహిల్స్, జూబ్లీహిల్స్ లో భారీ వర్షం కురుస్తోంది. ప్రజలంతా అప్రమత్తంగా ఉండాలని అధికారులు సూచించారు.
టాప్ హెడ్ లైన్స్
ట్రెండింగ్ వార్తలు
