Breaking News Live Telugu Updates: మేడ్చల్ లో దారుణం, లారీ దూసుకెళ్లడంతో హోంగార్డు అక్కడికక్కడే మృతి
ఏపీ, తెలంగాణ సహా జాతీయ, అంతర్జాతీయ స్థాయిలో నేటి బ్రేకింగ్ న్యూస్ అప్డేట్స్ ఇక్కడ పొందొచ్చు. ఈ లైవ్ బ్లాగ్ అప్ డేట్ అవుతుంటుంది. తాజా సమాచారం కోసం రీఫ్రెష్ చేస్తుండండి.
LIVE
Background
జనవరి చివరి వారంలో దక్షిణ బంగాళాఖాతంలో అల్పపీడనం ఏర్పడే అవకాశం ఉందని వాతావరణ నిపుణులు తెలిపారు. ఈ నెల 27న ఉపరితల ఆవర్తనంగా ఏర్పడి, 28న అల్ప పీడనంగా మారుతుందని తెలిపారు. అయితే, శ్రీలంకకు దక్షిణ భాగంలో ఇది ఏర్పడడం వల్ల ఆంధ్రా, తెలంగాణపై దీని ప్రభావం ఉండకపోవచ్చని తెలిపారు.
ఆంధ్రప్రదేశ్, యానాం మీదుగా దిగువ ట్రోపో ఆవరణ ప్రాంతంలో తూర్పు, ఆగ్నేయం దిశల నుంచి గాలులు వీస్తున్నట్లుగా అమరావతి వాతావరణ కేంద్రం అధికారులు తెలిపారు. దీని ప్రభావంతో ఉత్తర కోస్తాతో పాటు యానాం ప్రాంతాల్లో కొన్ని ప్రాంతాల్లో పొగమంచు అధికంగా ఏర్పడే అవకాశం ఉంటుందని అంచనా వేశారు. వచ్చే మూడు రోజులు మాత్రం పొగమంచు అంతగా ఉండదని వివరించారు. అంతా పొడి వాతావరణమే ఉంటుందని తెలిపారు. రేపు, ఎల్లుండి కూడా వాతావరణం పొడిగానే ఉంటుందని తెలిపారు.
దక్షిణ కోస్తా ఆంధ్రప్రదేశ్‌లో పొగమంచు ఒకటి లేదా రెండు చోట్ల సంభవించే అవకాశం ఉంటుందని తెలిపారు. ఎక్కువగా పొడి వాతావరణం ఉంటుందని చెప్పారు. రాయలసీమలోనూ ఈరోజు, రేపు, ఎల్లుండి పొడి వాతావరణం ఉంటుందని అమరావతి వాతావరణ కేంద్రం సంచాలకులు ఓ ప్రకటనలో తెలిపారు.
ఏపీ వ్యాప్తంగా సాధారణంగా చలి ఉంటుందని తెలిపారు. రాయలసీమ జిల్లాల్లో కొన్ని చోట్ల 13 డిగ్రీలుగా నమోదయ్యే అవకాశం ఉంటుందని అంచనా వేశారు. ఇటు విజయవాడలోనూ పొడి వాతావరణమే ఉంటుందని అమరావతి వాతావరణ కేంద్రం అధికారులు వెదర్ బులెటిన్ లో తెలిపారు. నగరంలో పొగ మంచు కూడా ఏర్పడుతుందని తెలిపారు.
పశ్చిమ గాలుల ప్రభావం అంటే..
ఆంధ్రప్రదేశ్ వెదర్ మ్యాన్ చెప్పిన వివరాల ప్రకారం.. ‘‘మనకు ఎలా బంగాళాఖాతంలో అల్పపీడనం ఏర్పడుతుందో, అలాగే హిమాలయాలు, మధ్య ఆసియా మీదుగా కూడ భూమిలోనే అల్పపీడనాలు ఏర్పడుతుంది. ఇది సాధారణంగా ఇరాన్, ఇరాక్ లో ఉన్న ఎడారిలో ఏర్పడి హిమాలాయాలు, ఉత్తర భారత దేశం వైపుగా వెళ్తుంది. దీనినే మనం వెస్టర్న్ డిస్టర్బెన్స్ అంటాము. అంటే చిన్నగా పశ్చిమ గాలులు అని అనవచ్చు. ఇది సాధారణంగా మన తెలుగు రాష్ట్రాల వైపు ప్రభావం చూపదు. కానీ ఎప్పుడైనా బలంగా ఏర్పడినప్పుడు మాత్రం భాగా ప్రభావం చూపుతుంది’’ అని వివరించారు.
ఉత్తరాదిన కూడా అదే పరిస్థితి
దేశ రాజధాని ఢిల్లీలో ఉష్ణోగ్రతలు మళ్లీ పడిపోతున్నాయి. రానున్న 5 రోజుల్లో ఢిల్లీతోపాటు పంజాబ్‌, హరియాణా, ఉత్తర్‌ప్రదేశ్‌లోని పలు ప్రాంతాల్లో దట్టమైన మంచు కురిసే అవకాశాలున్నట్లు ఐఎండీ వెల్లడించింది. వాయువ్య ప్రాంతం మీదుగా వీస్తున్న చలిగాలుల వల్ల ఆయా ప్రాంతాల్లో రెండు డిగ్రీల కంటే తక్కువ ఉష్ణోగ్రతలు నమోదవుతాయని అంచనా వేశారు. తాజా వాతావరణ పరిస్థితుల నేపథ్యంలో ప్రజలు అప్రమత్తంగా ఉండాలని ఐఎండీ సూచించింది. వదులుగా, పొరలుపొరలుగా ఉండే దుస్తులు ధరించాలని, అత్యవసరమైతే తప్ప ఇళ్ల నుంచి బయటకు రావొద్దని సూచించింది. త్వరలో ఉష్ణోగ్రతలు క్రమంగా పెరిగే అవకాశముందని ఐఎండీ అధికారి ఒకరు చెప్పారు.
తెలంగాణ వాతావరణం
తెలంగాణ వ్యాప్తంగా పొడి వాతావరణమే ఉంటుంది. నేటి నుంచి వికారాబాద్, కామారెడ్డి, మెదక్, సంగారెడ్డి జిల్లాలకు చలి విషయంలో ఎల్లో అలర్ట్ జారీ చేశారు. మిగిలిన జిల్లాల్లో చలి సాధారణంగానే ఉండనుంది. పశ్చిమ తెలంగాణ జిల్లాలైన కామారెడ్డి, సంగారెడ్డి, మెదక్, వికారాబాద్ జిల్లాల్లో కాస్త పొగమంచు కూడా అధికంగా ఉంటుందని, వాహనదారులు అప్రమత్తంగా ఉండాలని హెచ్చరించారు.
హైదరాబాద్ లో గరిష్ఠ, కనిష్ఠ ఉష్ణోగ్రతలు వరుసగా 30 డిగ్రీలు, 18 డిగ్రీలుగా ఉండే అవకాశం ఉంది. ఆగ్నేయ దిశల నుంచి గాలులు గాలి వేగం గంటకు 6 నుంచి 8 కిలో మీటర్ల వేగంతో వీచే అవకాశం ఉంది. నిన్న 30 డిగ్రీలు, 18.6 డిగ్రీలుగా ఉష్ణోగ్రతలు నమోదయ్యాయి.
హైపోథర్మియాతో జాగ్రత్త
విపరీతమైన చలిలో బయటకు వెళ్లే వారు ఎవరైనా అల్ప ఉష్ణస్థితికి (హైపోథర్మియా) గురయ్యే ప్రమాదం ఉంటుంది. శరీర ఉష్ణోగ్రత హానికర స్థాయికి పడిపోయే పరిస్థితినే హైపోథర్మియా అంటారు.
మేడ్చల్ లో దారుణం, లారీ దూసుకెళ్లడంతో హోంగార్డు అక్కడికక్కడే మృతి
మేడ్చల్ ట్రాఫిక్ పోలీస్ స్టేషన్లో విధులు నిర్వహించే హోంగార్డు శ్రీనివాస్(35) అక్కడికక్కడే మృతి..
వాహనాలు తనిఖీ చేస్తున్న సమయంలో వేగంగా హోంగార్డు పైకి దూసుకెళ్లిన కంటైనర్ లారీ..
సంఘటన స్థలాన్ని పరిశీలించిన పేట్ బషీరాబాద్ ఏసిపి రామలింగరాజు, మేడ్చల్ సి .ఐ రాజశేఖర్ రెడ్డి..
పోలీసులు తెలిపిన వివరాల ప్రకారం వాహన తనిఖీల్లో భాగంగా శ్రీనివాస్ కంటైనర్ లారీని ఆపే సమయంలో కంటైన డ్రైవర్ వేగంగా హోంగార్డు శ్రీనివాస్ని ఢీకొట్టారని చెప్పారు. లారీ డ్రైవర్ పై కేసు నమోదు చేసి అరెస్టు చేశామన్నారు..
జగిత్యాల మున్సిపల్ ఛైర్ పర్సన్ రాజీనామా, ఎమ్మెల్యేపై తీవ్ర ఆరోపణలు
జగిత్యాల మున్సిపల్ ఛైర్పర్సన్ మీడియా సమావేశం.
మీడియా ముందు కంటతడి పెట్టిన శ్రావణి
చైర్మన్ పదవికి రాజీనామా చేస్తున్నట్లు ప్రకటన
ప్రశ్నించడం తో నే ఎమ్మెల్యే అడుగడుగునా ఇబ్బందులు గురి చేస్తున్నాడని ఆరోపణలు
ఎమ్మెల్యే వేధింపులుభరించలేక అని ఆవేదన
మీకు పిల్లలు ఉన్నారు.. వ్యాపారాలు ఉన్నాయి జాగ్రత్త అని భేదిరించారాని ఆరోపించిన శ్రావణి
డబ్బులు కోసం డిమాండ్ చేసారు. మేము ఇచ్చుకోలేం అని చెప్పాము.
దొర అహంకారం తో బీసీ బిడ్డ ఎదుగుతుందని ఓర్వలేక నాపై కక్ష గట్టారు.
అన్ని పనులకు అడ్డొస్తూ చెప్పకుండా ఎలాంటి అభివృద్ధి పనులు చేయవద్దని హుకుం జారీ చేసాడని ఆవేదన
నరక ప్రాయంగా మున్సిపల్ చైర్మన్ పదవి.
నడి రోడ్డుపై అమరవీరుల స్థూపం సాక్షిగా అవమానానికి గురయ్యాను అని ఆవేదన వ్యక్తంచేశారు.
ఎన్ని అవమానాలు చేసినా అభివృద్ధి లక్ష్యంగా ముందుకు వెళ్ళాను అని...
ఎమ్మెల్యే తో పోలిస్తే మున్సిపల్ చైర్మన్ పదవి చిన్నది అంటూ అవమానం వ్యక్తం చేశారు..
స్నేహితుడి కోసం జంక్షన్ చిన్నగా కట్టిన వ్యక్తి తను అని...
మూడు సంవత్సరాలనుండి నరకం అనుభవిస్తున్న అని బహిరంగం గానే రోదించారు.
చెప్పకుండా వార్డ్ సందర్శన చేసినా కూడా తప్పే ఇష్టం ఉన్నట్లు గా మాట్లాడి...
సమానంగా వర్క్ కేటాయించినా ఇబ్బందులకు గురి చేసారనీ...
ఒక్క పని కూడా తన చేతుల్తో ప్రారంభించకుండా చేసారనీ..
ట్రాలీలు కొంటె కక్ష పూరితంగా చెప్పకుండా కొన్నామని ఆగ్రహం వ్యక్తం చేశారు చివరకు
కలెక్టర్ ను కలవవద్దని ఆదేశం జారీ చేశారు అని అన్నారు.
మీ రేంజ్ ఎంత??? చిన్న ప్రోటోకాల్ పెట్టుకొని అధికారులను ఎలా కలుస్తారని ఎమ్మెల్యే ఆగ్రహం వ్యక్తం చేసేవారని అన్నారు.
అనుకూలంగా ఉన్న కొద్దీ మంది కౌన్సిలర్లకు టార్చర్ చూపించేవరు అని..
అందరి ముందు అవమానించే వారు అని ఆరోపించారు.
Australian Open 2023: మిక్స్ డ్ డబుల్స్ లో ఫైనల్లోకి సానియా మీర్జా- రోహన్ బోపన్న
Australian Open 2023: ఆస్ట్రేలియన్ ఓపెన్ మిక్స్ డ్ డబుల్స్ లో సానియా మీర్జా- రోహన్ బోపన్నల జోడీ ఫైనల్ లోకి దూసుకెళ్లింది.
Sania Mirza and Rohan Bopanna have qualified for the Australian Open Mixed Doubles final
— ANI (@ANI) January 25, 2023
(file photo) pic.twitter.com/CzaTlHlmlo
Tirumala News: శ్రీవారి సేవలో మాజీ గవర్నర్ నరసింహన్
తిరుమల శ్రీవారిని మాజీ గవర్నర్ నరసింహన్ దర్శించుకున్నారు. ఇవాళ ఉదయం విఐపి విరామ సమయంలో స్వామి వారి సేవలో కుటుంబ సమేతంగా పాల్గొని మొక్కులు చెల్లించుకున్నారు. దర్శనం అనంతరం రంగనాయకుల మండపంలో వేదపండితులు వేదాశీర్వచనం అందించగా ఆలయ అధికారులు శ్రీవారి తీర్థప్రసాదాలు అందజేసి పట్టువస్త్రంతో సత్కరించారు.
Tirupati Accident: తిరుపతిలో ఘోర రోడ్డు ప్రమాదం
- తిరుపతిలో ఘోర రోడ్డు ప్రమాదం
- తిరుపతి బెంగళూరు జాతీయ రహదారిలో కల్ రోడ్డు వద్ద డివైడర్ ను ఢీకొన్న కారు
- ఘటనలో నలుగురు దుర్మరణం, మరో ఐదు మందికి తీవ్ర గాయాలు
- తిరుపతి నుంచి కాణిపాకం వెళ్తుండగా ఘటన
- క్షతగాత్రులను తిరుపతి రుయా ఆసుపత్రికి తరలింపు
- మహారాష్ట్రకు చెందిన వారీగా గుర్తించిన పోలీసులు
- అతివేగమే ప్రమాదానికి కారణమని ప్రాథమిక నిర్ధారణకు వచ్చిన పోలీసులు
- కేసు నమోదు చేసి దర్యాప్తు చేపట్టిన పోలీసులు
టాప్ హెడ్ లైన్స్
ట్రెండింగ్ వార్తలు
