131వ రాజ్యాంగ సవరణ బిల్లుకు లోక్సభలో అవసరమైన మెజారిటీ లభించకపోవడంతో వీగిపోయింది. మహిళా రిజర్వేషన్లను ముందస్తుగా అమలు చేయాలనే ఉద్దేశంతో ఈ బిల్లును కేంద్ర ప్రభుత్వం ప్రవేశ పెట్టింది.
అన్వేషించండి
Pawan vs Prakash Raj: డీలిమిటేషన్ బిల్లుపై ఢీ అంటే ఢీ! పవన్ కల్యాణ్, ప్రకాశ్ రాజ్ మధ్య సోషల్ మీడియా వార్!
Pawan vs Prakash Raj: లోక్సభలో 131 రాజ్యాంగ సవరణ బిల్లు వీగిపోవడం దేశవ్యాప్తంగా చర్చనీయాంశమైంది. ఇప్పుడు పవన్ కల్యాణ్, ప్రకాశ్ రాజ్ మధ్య వార్కు కారణమైంది.
డీలిమిటేషన్ బిల్లుపై ఢీ అంటే ఢీ! పవన్ కల్యాణ్, ప్రకాశ్ రాజ్ మధ్య సోషల్ మీడియా వార్!
Source : Social Media
- మహిళా రిజర్వేషన్ బిల్లు లోక్సభలో ఆమోదం పొందలేదు.
- పవన్ కల్యాణ్ విపక్షాలపై మహిళా ప్రాతినిధ్యం అడ్డుకున్నారని విమర్శించారు.
- ప్రకాశ్ రాజ్, పవన్ కల్యాణ్పై మోదీని సంతోషపెట్టడానికి అబద్ధాలు చెప్పారని ఆరోపించారు.
- డీలిమిటేషన్ బిల్లు దక్షిణాది రాష్ట్రాల ప్రాతినిధ్యాన్ని బలహీనపరుస్తుందని ప్రకాశ్ రాజ్ అన్నారు.
Pawan vs Prakash Raj: భారత ప్రజాస్వామ్య చరిత్రలో కీలకమైన డీలిమిటేషన్ దిశగా కేంద్రం ప్రభుత్వం వేసిన మరో అడుగు లోక్సభలో ఆగిపోయింది. దేశవ్యాప్తంగా ఎంతో ఆసక్తిని రేకెత్తించిన 131 రాజ్యాంగ సవరణ బిల్లు లోక్సభలో అవసరమైన మెజారిటీ లభించకపోవడంతో వీగిపోయింది. ఈ పరిణామం కేవలం పార్లమెంటు గోడల మధ్యే కాకుండా సోషల్ మీడియా వేదికగానూ పెద్ద ఎత్తున చర్చకు దారి తీసింది. తాజాగా ఆంధ్రప్రదేశ్ ఉప ముఖ్యమంత్రి పవన్ కల్యాణ్, ప్రముఖ నటుడు ప్రకాశ్ రాజ్ మధ్య ఎక్స్ వేదికగా వార్ నడుస్తోంది.
మహిళా రిజర్వేషన్లను ముందస్తుగా అమలు చేయాలనే ఉద్దేశంతో కేంద్ర ప్రభుత్వం ఈ 131వ రాజ్యాంగ సవరణ బిల్లు ప్రవేశ పెట్టింది. ఈ బిల్లుకు మద్దతుగా 298 మంది ఎంపీలు ఓటు వేయగా 230 మంది వ్యతిరేకించారు. రాజ్యాంగ సవరణకు అవసరమైన ప్రత్యేక మెజారిటీ లభించకపోవడంతో బిల్లు వీగిపోయింది. దీంతోపాటు దీనికి అనుసంబంధంగా ఉన్న డీలిమిటేషన్ బిల్లు 2026, కేంద్రపాలిత ప్రాంతాల చట్టాల బిల్లు 2026లను కూడా ప్రభుత్వం వెనక్కి తీసుకుంది.
విపక్షాలపై పవన్ విమర్శలు
ఈ పరిణామంపై జనసేన అధినేత, ఏపీ డిప్యూటీ సీఎం పవన్ కల్యాణ్ స్పందిస్తూ విపక్షాల తీరును తప్పుపట్టారు. భారత చట్ట సభల్లో మహిళల ప్రాతినిధ్యాన్ని పెంచే ఒక చారిత్రాత్మక అవకాశాన్ని విపక్షాలు ఉద్దేశపూర్వకంగానే అడ్డుకున్నాయని ఆయన ఆరోపించారు. దేశ ప్రజాస్వామ్యాన్ని బలోపేతం చేసేందుకు, మహిళా సాధికారతకు బాటలు వేసే సంస్కరణలకు మద్ధతు ఇచ్చే చిత్తశుద్ధి విపక్షాలకు లేదని ఆయన ఎక్స్ వేదికగా విమర్శలు చేశారు.
A historic opportunity to strengthen women’s representation in India’s legislatures has been deliberately blocked by the opposition.
— Pawan Kalyan (@PawanKalyan) April 18, 2026
The opposition’s stance makes it clear that they lack the intent to support transformative reforms that strengthen Bharat’s democracy and empower…
చంద్రబాబుపై ప్రకాశ్ విమర్శలు
డీలిమిటేషన్పై చంద్రబాబు చెబుతున్న అబద్దాలు కచ్చితంగా దేశం గుర్తు పెట్టుకుంటుందని ప్రకాష్ రాజు కామెంట్ చేశారు.
The Nation will remember that you are lying sir. #justasking https://t.co/VdCHIFknud
— Prakash Raj (@prakashraaj) April 18, 2026
ప్రకాశ్ రాజ్ ఘాటు స్పందన
పవన్ కల్యాణ్ చేసిన పోస్టుపై నటుడు ప్రకాశ్ రాజ్ తీవ్రస్థాయిలో స్పందించారు. కేవలం ప్రధాని మోదీని సంతోష పెట్టడం కోసం ప్రజలను తప్పుదారి పట్టించవద్దని పవన్ సూచించారు. మహిళా రిజర్వేషన్ బిల్లు ఇప్పటికే 2023లో ఆమోదం పొందిందని దానిని అమలు చేసే అధికారం కేంద్రం వద్ద ఉందని గుర్తు చేశారు.
కొత్త బిల్లు వెనుక అసలు కారణం డీలిమిటేషన్ అని ప్రకాశ్ రాజ్ ఆరోపించారు. నియోజకవర్గాల పునర్విభజన వల్ల ఆంధ్రప్రదేశ్ సహా దక్షిణాది రాష్ట్రాల ప్రాతినిధ్యం బలహీనపడుతుందని, రాష్ట్ర హక్కులను, ప్రజల ఆత్మగౌరవాన్ని తాకుట్టు పెట్టవద్దని పవన్ను ఉద్దేశించి వ్యాఖ్యానించారు. ఈ అంశంపై చర్చకు రావాలని ఆయన సవాల్ విసిరారు.
Please stop lying to citizens just to please Modi. Women reservation bill was approved in 2023 itself. It can be passed even now . But your gang wanted to pass Delimitation bill which would weaken the representation of South Indian states including Andhra Pradesh. Requesting you… https://t.co/LyQGy2Fh8E
— Prakash Raj (@prakashraaj) April 18, 2026
ప్రకాశ్ రాజ్కు భాను ప్రకాశ్ లీగల్ నోటీసులు
ప్రకాశ్ రాజ్ ఈ మధ్య కాలంలో రామలక్ష్మణులపై ఉద్దేశపూర్వకంగానే కామెంట్స్ చేశారని టీటీడీ బోర్డు సభ్యుడు భానుప్రకాష్ రెడ్డి ఆరోపించారు. కోట్లాది మంది హిందువుల మనోభావాలను దెబ్బ తీశారని లీగల్ నోటీసులు పంపించారు. ఈ నోటీసులకు స్పందించకపోతే లేదా బహిరంగ క్షమాపణలు చెప్పడానికి నిరాకరిస్తే చట్టపరమైన చర్యలు తీసుకుంటామన్నారు. ఇందులో భాగంగా వంద కోట్లకు పరువు నష్టం దావా వేశారు.
Frequently Asked Questions
131వ రాజ్యాంగ సవరణ బిల్లు లోక్సభలో ఎందుకు వీగిపోయింది?
మహిళా రిజర్వేషన్ బిల్లుపై పవన్ కల్యాణ్ ఏమన్నారు?
మహిళా రిజర్వేషన్ బిల్లును ఆమోదించే చారిత్రాత్మక అవకాశాన్ని విపక్షాలు ఉద్దేశపూర్వకంగా అడ్డుకున్నాయని పవన్ కల్యాణ్ ఆరోపించారు. దేశ ప్రజాస్వామ్యాన్ని బలోపేతం చేసే సంస్కరణలకు విపక్షాలు మద్దతు ఇవ్వడం లేదని విమర్శించారు.
మహిళా రిజర్వేషన్ బిల్లుపై ప్రకాశ్ రాజ్ స్పందన ఏమిటి?
ప్రధాని మోడీని సంతోషపెట్టడానికి ప్రజలను తప్పుదారి పట్టించవద్దని ప్రకాశ్ రాజ్ పవన్కు సూచించారు. మహిళా రిజర్వేషన్ బిల్లు ఇప్పటికే 2023లో ఆమోదం పొందిందని, దాని అమలు కేంద్రం చేతిలోనే ఉందని గుర్తు చేశారు.
డీలిమిటేషన్ బిల్లు ఎందుకు వెనక్కి తీసుకున్నారు?
131వ రాజ్యాంగ సవరణ బిల్లు వీగిపోవడంతో, దానితో అనుబంధంగా ఉన్న డీలిమిటేషన్ బిల్లు 2026, కేంద్రపాలిత ప్రాంతాల చట్టాల బిల్లు 2026లను కూడా ప్రభుత్వం వెనక్కి తీసుకుంది.
టాప్ హెడ్ లైన్స్
అమరావతి
ఆగస్టు 15లోగా ఉద్యోగుల సమస్యలు పరిష్కరించకపోతే ఉద్యమమే: ఏపీ జేఏసీ డెడ్లైన్
అమరావతి
విజయవాడ గాదె సాయికృష్ణ డెత్ కేసు.. నిందితుడు సురేష్ ఆచూకీ కోసం సిట్ ప్రకటన
అమరావతి
కర్నూలులో పొలిటికల్ హీట్.. వైసీపీ ఎమ్మెల్యే విరూపాక్షి అరెస్ట్, అసలేం జరిగిందంటే!
అమరావతి
తక్కువ ధరకే నాణ్యమైన బియ్యం.. సబ్సిడీ విక్రయాలు ప్రారంభించిన మంత్రి నాదెండ్ల మనోహర్
ట్రెండింగ్ వార్తలు
Dr. Pentapati Pullaraoఅంతర్జాతీయ వ్యవహారలు, రాజకీయ విశ్లేషకుడు
Opinion
