Rob Between Mangalagiri and Krishna Canal: మంగళగిరి, కృష్ణ కెనాల్ స్టేషన్ల మధ్య 6 లేన్ల రోడ్డు ఓవర్ బ్రిడ్జి- రైల్వేశాఖ ఆమోదం
Mangalagiri and Krishna Canal stations | మంగళగిరి, కృష్ణ కెనాల్ స్టేషన్ల మధ్య 6 లేన్ల రోడ్డు ఓవర్ బ్రిడ్జి నిర్మాణానికి రైల్వేశాఖ ఆమోదం తెలిపింది. రూ. 112 కోట్ల అంచనా వ్యయంతో నిర్మాణం చేపట్టనున్నారు.
Andhra Pradesh News | అమరావతి: మంగళగిరి, కృష్ణ కెనాల్ స్టేషన్ల మధ్య E13ఎక్స్టెన్షన్ రోడ్డు వద్ద రూ. 112 కోట్ల అంచనా వ్యయంతో 6 లేన్ల రోడ్ ఓవర్ బ్రిడ్జి నిర్మాణ ప్రతిపాదనను రైల్వే మంత్రిత్వ శాఖ ఈరోజు (అక్టోబర్ 3, 2025న) ఆమోదించింది. ప్రతిపాదిత ఆర్.ఓ.బి అమరావతి రాజధాని, ఆంధ్రప్రదేశ్ లోని జాతీయ రహదారి-16 (నేషనల్ హైవే-16) మధ్య అనుసంధాన రహదారిపై ఉంది. ఈ రోడ్ ఓవర్ బ్రిడ్జి (Road Over Bridge) నిర్మాణం జోన్ ద్వారా 100 శాతం రైల్వే వ్యయంతో అమలు చేయనున్నారు.
రాష్ట్ర ప్రతిపాదనకు రైల్వే శాఖ ఆమోదం
E13 స్థానం కీలకమైన ప్రదేశంలో ఉండి ఎన్.ఎచ్-16 ను అమరావతి రాజధానితో కలుపుతుంది. మధ్యలో ఒక వైపు రైల్వే ట్రాక్ ఉంది. ఈ రైల్వే ట్రాక్ చెన్నై - హౌరాను విజయవాడ మీదుగా కలిపే ముఖ్యమైన రద్దీ రైల్వే లైన్. ప్రారంభంలో, దీనిని నాలుగు లైన్ల రోడ్ ఓవర్ బ్రిడ్జి కోసం ప్రణాళిక చేశారు. కానీ స్థానం, భవిష్యత్తు ట్రాఫిక్ సమస్యను పరిగణనలోకి తీసుకుని, 6లైన్ల రోడ్ ఓవర్ బ్రిడ్జిని రాష్ట్ర ప్రభుత్వం ప్రతిపాదించగా రైల్వే మంత్రిత్వ శాఖ ఈ ప్రతిపాదనకు అంగీకరించింది. టెండరింగ్ ప్రక్రియకు మారే ముందు డిజైన్ల ఆమోదం, సాధారణ డ్రాయింగ్లు వంటి ప్రాథమిక పనులు త్వరలో పూర్తవుతాయి.
ప్రతిపాదిత రోడ్డు ఓవర్ బ్రిడ్జి ఆంధ్రప్రదేశ్ రాజధాని అమరావతి ప్రాంతం వైపు వెళ్లే రోడ్డు ట్రాఫిక్ సజావుగా సాగడానికి ఎంతో ప్రయోజనకరంగా ఉంటుంది. ఇది రోడ్డు, రైలు వినియోగదారుల భద్రతను నిర్ధారిస్తూ నిలుపుదలను నివారించి రవాణాను సులభతరం చేస్తుంది.
టాప్ హెడ్ లైన్స్
ట్రెండింగ్ వార్తలు
