Sanju Samson Failures vs NZ | కివీస్ తో రెండో టీ20 లోనూ ఫెయిలైన సంజూ శాంసన్ | ABP Desam

 6,10,37,2,0 ఇవి ఆఖరి ఐదు మ్యాచుల్లో టీమిండియా టీ20 వికెట్ కీపర్ సంజూ శాంసన్ గణాంకాలు. అయితే ఛాన్స్ లు ఇవ్వరు పక్కన పడేస్తారు అని గోల...ఇచ్చినప్పుడేమో మన సంజూ భాయ్ ఆపర్చునిటీస్ వేస్ట్ చేసుకోవటం అనేది పరిపాటిగా మారిపోయింది. ఆడిన లాస్ట్ పది మ్యాచుల్లో మూడు సెంచరీలు పెట్టాడని అభిమానులంతా చేసిన గోలతో విసిగిపోయిన టీమిండియా సెలక్షన్ కమిటీ ఆస్ట్రేలియా, సౌతాఫ్రికా, న్యూజిలాండ్ తో టీ20 సిరీస్ ల్లో అవకాశాలు కల్పించింది. ఆస్ట్రేలియా మీద 2 మ్యాచుల్లో రెండు పరుగులు, సౌతాఫ్రికా మీద ఆడిన ఒక మ్యాచ్ లో 37పరుగులు, న్యూజిలాండ్ రెండు మ్యాచుల్లో 16పరుగులు చేశాడు మన సంజూ భాయ్. నిన్న న్యూజిలాండ్ తో రెండో టీ20 మ్యాచులో 209 పరుగుల లక్ష్యాన్ని ఛేదించాలన్నప్పుడు ఓపెనర్ గా దిగి ఎందుకో అసలు ఆడటమే ఇంట్రెస్ట్ లేదన్నట్లు ఆడాడు సంజూ. మొదట హుక్ షాట్ కి ట్రై చేసి క్యాచ్ ఇచ్చాడు. అదృష్టవశాత్తూ ఫీల్డర్ క్యాచ్ వదిలేయటంతో బతికిపోయాడు. మళ్లీ ఆ వెంటనే మ్యాట్ హెన్రీ బౌలింగ్ లో రచిన్ కి క్యాచ్ ఇచ్చి 6పరుగులకే ఔట్ అయ్యాడు సంజూ శాంసన్. రెండు చెత్త షాట్లే. సరిగ్గా ఆడట్లేదు అనే కారణంతో టెస్టులు, వన్డేలకు కెప్టెన్ గా ఉన్న శుభ్ మన్ గిల్ నే టీ20 వరల్డ్ కప్ ఆడటానికి లేకుండా తీసి పక్కన పెట్టింది సెలక్షన్ కమిటీ. మరి అలాంటిది ఓ వైపు బ్యాకప్ వికెట్ కీపర్ గా తీసుకున్న ఇషాన్ కిషన్ పరుగులతో రెచ్చిపోతుంటే..మరో వైపు సంజూ ఇలా ఫెయిల్ అవుతుంటే...రాబోయే వరల్డ్ కప్ లో సంజూ స్థానాన్ని ఇషాన్ కిషన్ ఫస్ట్ ప్రిఫరెన్స్ వికెట్ కీపర్ గా రీప్లేస్ చేయటం ఖాయం. మిగిలిన మ్యాచుల్లోనైనా సంజూ సత్తా చాటాలని..తన సీనియారిటీని..ఫామ్ ని నిరూపించుకోవాలని ఫ్యాన్స్ అయితే ఎక్స్పెక్ట్ చేస్తున్నారు.