Pat Cummins Update on IPL 2026 Return | SRH ఫ్యాన్స్‌కు గుడ్ న్యూస్ | ABP Desam
సన్‌రైజర్స్ హైదరాబాద్ అభిమానులకు ఒక గుడ్ న్యూస్. వెన్ను గాయంతో గత కొంతకాలంగా గేమ్ కు దూరంగా ఉన్న స్టార్ ప్లేయర్ ప్యాట్ కమిన్స్, తన హెల్త్ అప్‌డేట్‌పై క్లారిటీ ఇచ్చారు. త్వరలోనే తాను మైదానంలోకి దిగబోతున్నట్లు ప్రకటించి ఆరెంజ్ ఆర్మీలో ఉత్సాహం నింపారు.
ఇంగ్లాండ్‌తో జరిగిన యాషెస్ సిరీస్ సమయంలో కమిన్స్ వెన్నుకు గాయం అయింది. దాంతో ఐసీసీ టీ20 ప్రపంచకప్ 2026కు కూడా దూరమయ్యారు. ఐపీఎల్ 2026 ఆరంభ మ్యాచ్‌లకు కమిన్స్ అందుబాటులో లేకపోవడంతో, సన్‌రైజర్స్ యాజమాన్యం కెప్టెన్సీ బాధ్యతలను ఇషాన్ కిషన్ కు అప్పగించింది.
అయితే, తాజాగా ప్యాట్ కమిన్స్ బెంగళూరులోని చిన్నస్వామి స్టేడియంలో సన్‌రైజర్స్ జట్టుతో కలిశారు. తన గాయంపై స్పందిస్తూ.. "నేను వేగంగా కోలుకుంటున్నాను. ప్రస్తుతం చిన్నగా బౌలింగ్ ప్రాక్టీస్ కూడా మొదలుపెట్టాను. సీజన్ ఆరంభ మ్యాచ్‌లకు నేను అందుబాటులో ఉండలేను. అంతా అనుకున్నట్లు జరిగితే, టోర్నీ ఫైనల్స్ సమయానికి నేను పూర్తి ఫిట్‌నెస్‌తో జట్టులోకి వస్తాను" అని కమిన్స్ ధీమా వ్యక్తం చేశారు. కమిన్స్ లేని లోటును ఇషాన్ కిషన్ ఎలా భర్తీ చేస్తారో చూడాలి.
టాప్ హెడ్ లైన్స్
ట్రెండింగ్ వార్తలు
