Rajinikanth Characters of coolie | తలైవర్ రజినీతో భారీగానే ప్లాన్ చేసిన లోకేశ్ కనగరాజ్ | ABP Desam

 లోకేశ్ కనగరాజ్ ఇప్పుడు తనకంటూ ఒక బ్రాండ్ ను క్రియేట్ చేసుకుని దుమ్మురేపుతున్న యంగ్ డైరెక్టర్. అలాంటి యంగ్ గన్ లెజండరీ యాక్టర్, సూపర్ స్టార్ రజినీకాంత్ తో సినిమా తీస్తున్నారంటే ఎంత హైప్ ఉంటుంది. అసలు ఆయనొక్కడే చాలు ఈ సినిమాను ఎక్కడికో తీసుకువెళ్లి నిలబెట్టడానికి అలాంటిది రజినీ సినిమాలో రివీల్ అవుతున్న క్యారెక్టర్స్ చూస్తుంటే అమ్మ బాబోయ్ లోకి ఏం ప్లాన్ చేస్తున్నావయ్యా సామీ అనిపించక మానదు. రెండు రోజులుగా రజినీకాంత్ కొత్త సినిమా కూలీ క్యారెక్టర్స్ రివీల్ చేస్తున్నారు. ఇప్పటికే రజినీ కాంత్ తో టైటిల్ అనౌన్మెంట్ టీజర్ రిలీజ్ చేసిన లోకి..అందులో తలైవర్ బ్లాక్ అండ్ గ్రే లుక్స్ లో స్టైలిష్ గా చూపించారు. ఒక్క గోల్డ్ తప్ప మిగిలినదంతా బ్లాక్ అండ్ వైట్ థీమ్ లో నే ఉంటుంది. ఇప్పుడు క్యారెక్టర్లు కూడా అలాగే రివీల్ అవుతున్నాయి. అందరి చేతుల్లో గోల్డ్ వాచ్ ఉంటుంది. బ్లాక్ అండ్ వైట్ థీమ్ కామన్. ఇక క్యారెక్టర్ల విషయానికి వస్తే టాలీవుడ్ కింగ్ నాగార్జున సైమన్ అనే రోల్ లో కనిపించనున్నారు. నాగ్ బర్త్ డే కి ఈ లుక్ రివీల్ చేశారు. ఇక మలయాళంలో విభిన్నమైన క్యారెక్టర్లు చేసే ప్రొడ్యూసర్, యాక్టర్ సౌబిన్ షాహిర్ ని దయాల్ క్యారెక్టర్ గా పరిచయం చేశారు. నిన్న శ్రుతిహాసన్ ను ప్రీతి క్యారెక్టర్ గా రివీల్ చేశారు. ఇంతకు ముందు కన్నడ ఇండస్ట్రీ నుంచి ఉపేంద్రని ఆన్ బోర్డ్ చేస్తున్నట్లు చూపించారు. మొత్తంగా చూస్తే అన్ని భాషలను నుంచి స్టార్స్ ను తీసుకుని వారందరితో సూపర్ స్టార్ రజినీకాంత్ కాంబినేషన్ చూపిస్తూ అభిమానులకు విందు భోజనం పెట్టేలా లోకేశ్ ప్లాన్ చేశాడనైతే అర్థం అవుతోంది. చూడాలి మరి కూలీ సినిమా లోకేశ్ సినిమాటిక్ యూనివర్స్ లో భాగంగా ఖైదీ, విక్రమ్, లియోలా వస్తోందా లేదా స్టాండ్ అలోన్ ఫిలింగా రజినీతో తీస్తున్నారా చూడాలి.