సింపుల్‌గా గుడిలో పెళ్లి చేసుకున్న అదితి రావు, సిద్దార్థ - ఫొటోలు వైరల్

 తెలుగు ప్రేక్షకులకు బాగా పరిచయం ఉన్న హీరో సిద్ధార్థ్ - కొన్ని తెలుగు సినిమాల్లో హీరోయిన్ గా నటించిన అదితీ రావు హైదరీ  వివాహ బంధంతో ఒక్కటయ్యారు. వనపర్తిలోని అదితీరావు హైదరీ పూర్వీకులకు సంబంధించిన దేవాలయంలో వీరిద్దరి పెళ్లి అత్యంత రహస్యంగా జరిగింది. కేవలం కుటుంబసభ్యులు, సన్నిహితుల మధ్యలో మూడు ముళ్ల బంధంతో అదితీ, సిద్దార్థ్ ఒక్కటయ్యారు. అదితీరావు తల్లి విద్యారావు వనపర్తి సంస్థానాధీశుల కుమార్తె కాగా..అదితీరావు హైదరి తండ్రి అక్బర్ హైదరీ అస్సాం సంస్థానాధీశుల కుమారుడు. అలా అదితీకి ఇరువైపులా రాజవంశస్థులు, కుటుంబీకులు ఉండగా వారు మాత్రమే పెళ్లికి హాజరయ్యారు. సిద్ధార్థ్ మణిరత్నం అసిస్టెంట్ డైరెక్టర్ గా సినిమాల్లోకి వచ్చి బాయ్స్ సినిమాతో వెండి తెరకు హీరోగా పరిచయం అయ్యారు. అనేక హిట్ చిత్రాలతో తెలుగు ప్రేక్షకులను అలించారు. సిద్ధార్థ్ కి ఇది రెండో పెళ్లి. మేఘనతో 2007లో డివోర్స్ తీసుకున్న సిద్ధార్థ్ తర్వాత సినిమాలపైనే దృష్టి సారించారు. సిద్దార్థ్ అదితీల మధ్య 2021లో వచ్చిన మహాసముద్రం సినిమా షూటింగ్ నుంచి ప్రేమ మొదలైంది. ఇటీవలే వనపర్తిలో నిశ్చితార్థం చేసుకున్న ఈ ఇద్దరూ..ఇప్పుడు అక్కడే పెళ్లి కూడా చేసుకుని సోషల్ మీడియాలో ఫోటోలను షేర్ చేశారు.