నీరా రుచి చూసిన షర్మిల- ప్రజాప్రస్తానం యాత్రలో రేర్‌ సీన్

ఉమ్మడి వరంగల్ జిల్లాలో ప్రజాప్రస్తానం యాత్ర చేస్తున్న వైఎస్‌ఆర్‌టీపీ అధ్యక్షురాలు షర్మిల నీరా రుచి చూశారు. పాలకుర్తి నియోజకవర్గంలో పాదయాత్ర చేస్తున్న టైంలో ఈ సీన్ కనిపించింది. లక్ష్మీనారాయణ పురం స్టేజి వద్ద నడుస్తున్న షర్మిల వద్దకు ఓ గీత కార్మికుడు వచ్చాడు. ఆమెతో మాట్లాడుతూ ప్రత్యేకంగా మీ కోసం తీసుకొచ్చిన నీరా రుచి చూడాలని రిక్వస్ట్ చేశాడు. మొదట నీరా ఎలా ఉంటుందో తెలియ వద్దని వారించారు షర్మిల. కానీ అక్కడ వారంతా బాగుంటుందని... చెప్పడంతో సరే పొయ్మని చెప్పారు. మొదట కొంచెం పోసిన తర్వాత టేస్ట్ చేసిన షర్మిల బాగానే ఉందంటూ రెండోసారి వేయమని చెప్పారు. రెండోసారి కూడా తాగి బాగుందన్నారు. మరోసారి తాగాలని గీతకార్మికుడు చెప్పినా ఆమె వద్దని చెప్పి ముందుకు సాగిపోయారు. 

షర్మిల నీరా తాగిన విజువల్స్ సోషల్ మీడియాలో వైరల్‌ అవుతున్నాయి. పాలకుర్తి నియోజకవర్గంలో గీత కార్మికుల సమస్యలు తెలుసుకున్న షర్మిల... తాము అధికారంలోకి వస్తే వారి కష్టాలు తీరుస్తామని మాట ఇచ్చారు. వారి నాయకులకు తమ ప్రభుత్వంలో పెద్ద పీట వేస్తామని అన్నారు.