Fire Accident: జనగామ జిల్లా కేంద్రంలో భారీ అగ్నిప్రమాదం, షాపింగ్ మాల్ దగ్ధం
Janagama Fire Accident: వరంగల్: జనగామ జిల్లా కేంద్రంలో భారీ అగ్నిప్రమాదం సంభవించింది. విజయ షాపింగ్ మాల్ లో భారీ అగ్నిప్రమాదం జరిగింది. షాపింగ్ మాల్ లో ఆదివారం ఉదయం ఒక్కసారిగా మంటలు ఎగిసిపడ్డాయి. కొద్ది సమయంలోనే పక్కన ఉన్న షాపులకు కూడా మంటలు వ్యాపించాయి. స్థానికులు, చుట్టుప్రక్కల ప్రాంతాల వారు అప్రమత్తమై పోలీసులకు, అగ్నిమాపక సిబ్బందికి సమాచారం అందించారు. అగ్నిమాపక సిబ్బంది అక్కడికి చేరుకుని తీవ్రంగా శ్రమించి మంటల్ని ఆర్పివేశారు.
ఈ ప్రమాదంలో విజయ షాపింగ్ మాల్ తో పాటు పక్కనే ఉన్న లక్ష్మి షాపింగ్ మాల్ అగ్నికి ఆహుతయ్యాయి. ఈ ఘటనలో భారీగా ఆస్తి నష్టం జరిగినట్లు అంచనా వేశారు. సమయానికి ఫైర్ సిబ్బంది మాటలు అర్పడంతో చుట్టుపక్కల షాప్ ల వారు ఊపిరి పీల్చుకున్నారు. అయితే షార్ట్ సర్క్యూట్ కారణంగా ప్రమాదం జరిగినట్లు పోలీస్ లు, ఫైర్ సిబ్బంది ప్రాథమికంగా ఓ అంచనాకు వచ్చారు. పోలీసులు కేసు నమోదు చేసి విచారణ చేపట్టారు. షార్ట్ సర్క్యూలే కారణమా, ఎవరైనా ఉద్దేశ పూర్వకంగా ఇలా చేశారా అనే కోణంలోనూ దర్యాప్తు చేస్తామన్నారు.
టాప్ హెడ్ లైన్స్
ట్రెండింగ్ వార్తలు
