Weather Updates: తెలంగాణలో నేడు దంచికొట్టనున్న వర్షాలు, ఆ 13 జిల్లాలకు IMD ఎల్లో అలర్ట్

Telangana Rains | తెలంగాణలోని 13 జిల్లాల్లో నేడు భారీ వర్షాలు కురిసే అవకాశం ఉందని అంచనా వేసిన వాతావరణ శాఖ ఎల్లో అలర్ట్ జారీ చేసింది. ఆ జిల్లాల ప్రజలు సాయంత్రం, రాత్రివేళ అప్రమత్తంగా ఉండాలి.

తెలంగాణలో రెండు రోజులపాటు వర్షాలు

Source : X

Hyderabad Rains | హైదరాబాద్: తెలంగాణ రాష్ట్రంలో హైదరాబాద్ సహా పలు జిల్లాల్లో మరో రెండు రోజులపాటు మోస్తారు నుంచి భారీ వర్షాలు కురుస్తాయని హైదరాబాద్ వాతావరణ విభాగం తెలిపింది. భారీ వర్ష సూచనతో 13 జిల్లాలకు ఎల్లో అలర్ట్ సైతం జారీ చేశారు. శనివారం సాయంత్రం నుంచి రాత్రివరకు హైదరాబాద్, ఉమ్మడి రంగారెడ్డి, మహబూబ్ నగర్, నల్గొండ జిల్లాలతో పాటు ములుగు, భద్రాద్రి కొత్తగూడెం, ఖమ్మం, మహబూబాబాద్, జనగాం జిల్లాలలో అక్కడక్కడ వర్షాలు కురిశాయి. గంటకు 30-40 కి.మీ వేగంతో ఈదురు గాలులు వీచగా.. ఉరుములు, మెరుపులతో కూడిన వర్షాలు కురిశాయి. ఆగస్టు 13 నాటికి వాయువ్య, దానిని ఆనుకుని ఉన్న పశ్చిమ మధ్య బంగాళాఖాతంలో అల్పపీడనం ఏర్పడనుంది.

తెలంగాణ రాష్ట్రంలో ఆదివారం నాడు నిర్మల్, నిజామాబాద్, కామారెడ్డి, రాజన్న సిరిసిల్ల, జగిత్యాల, ములుగు, భద్రాద్రి కొత్తగూడెం, ఖమ్మం, మెదక్, సిద్దిపేట, వికారాబాద్, సంగారెడ్డి, నాగర్ కర్నూల్ జిల్లాలలో అక్కడక్కడ భారీ వర్షాలు కురిసే అవకాశం ఉంది. ఈ జిల్లాలకు వాతావరణ శాఖ అధికారులు ఎల్లో అలర్ట్ జారీ చేసి ఈ ప్రాంత ప్రజలను అప్రమత్తం చేశారు. 

హైదరాబాద్ వాసులకు అలర్ట్..
హైదరాబాద్, రంగారెడ్డి జిల్లాల్లో మధ్యాహ్నం వరకు వాతావరణం పొడిగా ఉంటుంది. కానీ ఆ తరువాత నుంచి రాత్రి వరకు అక్కడక్కడ ఉరుములు, మెరుపులతో కూడిన వర్షాలు కురుస్తాయి. కొన్ని ప్రాంతాల్లో భారీ నుంచి అతి భారీ వర్షాలు కురిసే అవకాశం ఉందని.. ఆ సమయంలో అత్యవసరం అయితేనే ఇండ్ల నుంచి బయటకు వెళ్లేలా ప్లాన్ చేసుకోవాలని సూచించారు. శనివారం సాయంత్రం నుంచి రాత్రి వరకు కురిసిన వర్షానికి పలు ప్రాంతాల్లో వరద నీటితో ప్రజలు ఇబ్బంది పడ్డారు. పలు జంక్షన్ల వద్ద ట్రాఫిక్ నిలిచిపోయింది. ఇళ్ల నుంచి బయటకు రావాలంటేనే కొన్ని ప్రాంతాల ప్రజలు భయపడేలా నగరంలో వర్షాలు కురుస్తున్నాయి.

 

Today's FORECAST ⚠️⛈️

Right now, INTENSE RAINS across parts of Kamareddy, Sircilla will continue for next 1-2hrs, later reduce

Today, POWERFUL THUNDERSTORMS expected again in South, Central, West TG like Sangareddy, Vikarabad, Rangareddy, Nalgonda, Mahabubnagar, Wanaparthy,…

— Telangana Weatherman (@balaji25_t) August 10, 2025

 

ప్రస్తుతం, కామారెడ్డి, సిరిసిల్లలోని కొన్ని ప్రాంతాల్లో వచ్చే 2 గంటల పాటు తీవ్ర వర్షాలు కురుస్తాయని తెలంగాణ వెదర్ మ్యాన్ తెలిపారు. తెలంగాణ వెదర్ మ్యాన్ తెలిపిన వివరాల ప్రకారం.. నేడు, రంగారెడ్డి, వికారాబాద్, నల్గొండ, మహబూబ్ నగర్, వనపర్తి, నాగర్ కర్నూల్, గద్వాల్, నారాయణపేట, మెదక్, సంగారెడ్డి, సిద్దిపేట వంటి దక్షిణ, మధ్య, పశ్చిమ ప్రాంతాల్లో మధ్యాహ్నం నుండి రాత్రి వరకు మళ్లీ ఉరుములు, మెరుపులతో కూడిన  భారీ వర్షాలు కురుస్తాయి.

ఆగస్టు నెలలో మూడోసారి
క్లౌడ్ బరస్ట్ కావడంతో హైదరాబాద్ లో 100 మిల్లీమీటర్ల వర్షపాతం నమోదు కావడం ఆగస్టు నెలలో ఇది మూడోసారి. శనివారం సాయంత్రం నుంచి రాత్రి కురిసిన వర్షానికి నగరంలోని పలు ప్రాంతాల్లో 100 మి.మీ కంటే అధిక వర్షపాతం నమోదైంది.  
బేగంబజార్: 117.5 మి.మీ
చార్మినార్: 106.3 మి.మీ
ఖైరతాబాద్ CESS: 94.3 మి.మీ
నాంపల్లి: 92 మి.మీ
ఆసిఫ్ నగర్r: 91.8 మి.మీ
హయత్ నగర్: 90.5 మి.మీ

3rd 100mm rainfall event for HYD city 😱😱🫣

This is the 3rd time in this month, where a 100mm rainfall event occurred in August. I've been keeping on warning that August is going to be massive, and this year August is just going bonkers. More HEAVY DOWNPOURS ahead in next… pic.twitter.com/SffaUnj4TT

— Telangana Weatherman (@balaji25_t) August 9, 2025

 

 

మరిన్ని చదవండి

ట్యాపింగ్ చేయించలేదని ప్రమాణం చేస్తావా - కేటీఆర్‌కు బండి సంజయ్ సవాల్

అన్ని ప్రభుత్వ భవనాలపై సోలార్ పవర్ ప్లాంట్స్, కలెక్టర్లకు భట్టి విక్రమార్క ఆదేశాలు