Telangana Omicron: తెలంగాణలో కొత్తగా 3 ఒమిక్రాన్ కేసులు... 109 కరోనా కేసులు, ఒకరు మృతి
తెలంగాణలో తాజాగా 3 ఒమిక్రాన్ కేసులు వచ్చాయి. దీంతో మొత్తం ఒమిక్రాన్ కేసుల సంఖ్య 44కి చేరింది. రాష్ట్రంలో కొత్తగా 109 మందికి కరోనా పాజిటివ్ కేసులు నమోదయ్యాయి.
తెలంగాణలో ఒమిక్రాన్ కేసులు మళ్లీ పెరిగాయి. తాజాగా 3 ఒమిక్రాన్ కేసులు నమోదయ్యాయి. దీంతో రాష్ట్రంలో మొత్తం ఒమిక్రాన్ కేసుల సంఖ్య 44కు చేరాయి. గడచిన 24 గంటల్లో 20,576 కరోనా నిర్ధారణ పరీక్షలు నిర్వహించారు. కొత్తగా 109 మందికి కరోనా పాజిటివ్ వచ్చింది. దీంతో ఇప్పటివరకు నమోదైన మొత్తం కరోనా కేసుల సంఖ్య 6,80,662కి చేరింది. రాష్ట్ర వైద్య ఆరోగ్యశాఖ తాజా బులిటెన్ లో ఈ వివరాలు ప్రకటించింది. గత 24 గంటలలో కరోనాతో ఒక్కరు మరణించారు. దీంతో ఇప్పటివరకు రాష్ట్రంలో 4,022కి కరోనాతో మరణించారు. కరోనా బారి నుంచి తాజాగా 190 మంది కోలుకున్నారు. రాష్ట్రంలో 3,167 యాక్టివ్ కేసులు ఉన్నాయని వైద్యారోగ్య శాఖ తెలిపింది.
44కి చేరిన ఒమిక్రాన్ కేసులు
తెలంగాణలో గడచిన 24 గంటల వ్యవధిలో ఎట్ రిస్క్ దేశాల నుంచి 248 మంది శంషాబాద్ విమానాశ్రయానికి చేరుకున్నారు. వారందరికీ కోవిడ్ ఆర్టీపీసీఆర్ టెస్టులు చేశారు. వారిలో ఇద్దరు ప్రయాణికులకు కోవిడ్ పాజిటివ్ వచ్చింది. దీంతో వారి నమూనాలను అధికారులు జీనోమ్ సీక్వెన్సింగ్కి పంపించారు. ఒక్కరోజు వ్యవధిలో తెలంగాణలో 3 ఒమిక్రాన్ కేసులు నమోదయ్యాయి. దీంతో మొత్తం మొత్తం ఒమిక్రాన్ కేసులు సంఖ్య 44కి చేరింది. ఒమిక్రాన్ వేరియంట్ బారిన పడిన వారిలో ఇప్పటి వరకు 10 మంది కోలుకున్నారని వైద్యులు తెలిపారు. ఎట్ రిస్క్ దేశాల నుంచి ఇప్పటి వరకు తెలంగాణకు 11,493 మంది ప్రయాణికులు వచ్చారు.
Also Read: PM Kisan Yojana: కొత్త సంవత్సరం కానుక! జనవరి 1న రైతుల ఖాతాల్లో డబ్బులు వేయనున్న మోదీ
మధ్యప్రదేశ్, హిమాచల్ ప్రదేశ్ లోనూ ఒమిక్రాన్ కేసులు
ఒమిక్రాన్ మరో రెండు రాష్ట్రాలకు వ్యాపించింది. మధ్యప్రదేశ్, హిమాచల్ ప్రదేశ్లో ఒమిక్రాన్ కేసులు నమోదు అయ్యాయి. మధ్యప్రదేశ్లో ఎనిమిది మందికి ఒమిక్రాన్ పాజిటివ్గా తేలింది. వీరంతా ఇటీవల విదేశాల నుంచి వచ్చినవారని రాష్ట్ర ప్రభుత్వం వెల్లడించింది. వీరిలో ఆరుగురికి ప్రస్తుతం నెగెటివ్గా తేలిందని, వారిని ఆసుపత్రుల నుంచి డిశ్చార్జ్ కూడా చేసినట్లు వెల్లడించింది. మిగతా ఇద్దరిలో ఎలాంటి లక్షణాలు లేవని తెలిపారు. కెనడా నుంచి హిమాచల్ ప్రదేశ్కు వచ్చిన మహిళకు ఒమిక్రాన్గా సోకినట్లు తేలింది. ఈ రెండు రాష్ట్రాలతో కలిపి దేశంలో మొత్తం 19 రాష్ట్రాలకు కొత్త వేరియంట్ సోకింది. ఇదిలా ఉంటే దేశంలో ఇప్పటివరకు 462 ఒమిక్రాన్ కేసులను గుర్తించినట్లు కేంద్ర ప్రభుత్వం ప్రకటించింది. అత్యధికంగా మహారాష్ట్రలో 141, దిల్లీలో 79 కేసులు నమోదయ్యాయి.
Also Read: షిర్డీ వెళ్తున్నారా? ఆగండి.. ఆగండి.. దర్శన వేళల్లో మార్పులు చేశారు తెలుసా?
ఇంట్రస్టింగ్ వీడియోలు, విశ్లేషణల కోసం ABP Desam YouTube Channel సబ్స్క్రైబ్ చేయండి
టాప్ హెడ్ లైన్స్
ట్రెండింగ్ వార్తలు
