TS Election 2024 Polling percentage: తెలంగాణలో 5 గంటల వరకు 61.16 శాతం ఓటింగ్, ఇంకా క్యూ లైన్లలో రద్దీ

TS Election 2024 Voting Percentage Till 5 pm: తెలంగాణలో ఉదయం 7 గంటలకు ప్రారంభమైన ఓటింగ్ ప్రక్రియ కొనసాగుతోంది. సాయంత్రం 5 గంటల వరకు 61.16 శాతం పోలింగ్ నమోదైనట్లు అధికారులు తెలిపారు.

తెలంగాణలో 5 గంటల వరకు 61.16 శాతం ఓటింగ్

Telangana Election 2024 Voting Percentage - హైదరాబాద్: తెలంగాణలోని మొత్తం 17 లోక్‌సభ స్థానాలు, కంటోన్మెంట్‌ అసెంబ్లీ ఉప ఎన్నికకు పోలింగ్ కొనసాగుతోంది. సోమవారం సాయంత్రం 5 గంటల వరకు రాష్ట్ర వ్యాప్తంగా 61.16 శాతం పోలింగ్ నమోదైంది. హైదరాబాద్, జీహెచ్ఎంసీ ప్రాంతాల్లో పోలింగ్ తక్కువ శాతం నమోదు అయింది. తెలంగాణలో 5 ఎంపీ నియోజకవర్గాల పరిధిలోని 13 అసెంబ్లీ సెగ్మెంట్లలో 4 గంటలకే పోలింగ్ ముగిసింది. సిర్పూర్, మంచిర్యాల, ఆసిఫాబాద్, చెన్నూరు, బెల్లంపల్లి, మంథని, భూపాలపల్లి, భద్రాచలం, కొత్తగూడెం, ములుగు, పినపాక, ఇల్లందు, అశ్వారావుపేట లాంటి 13 సమస్యాత్మక కేంద్రాల్లో 4 గంటలకే పోలింగ్ ముగియడం తెలిసిందే. మిగిలిన 106 నియోజక వర్గాల్లో సాయంత్రం 6 గంటల పోలింగ్ జరుగుతుంది. ఆ సమయానికి పోలింగ్ కేంద్రానికి వచ్చిన వారికి ఓటు వేసే అవకాశం కల్పించారు. 

	నియోజకవర్గం	3గంటల వరకు పోలింగ్ శాతం	2019లో పోలింగ్ శాతం
1	ఆదిలాబాద్	69.81 శాతం	71.42 %
2	పెద్దపల్లి	63.86 శాతం	65.59 %
3	కరీంనగర్	67.17 శాతం	69.52 %
4	నిజామాబాద్	67.96 శాతం	68.44 %
5	జహీరాబాద్	71.91 శాతం	69.7 %
6	మెదక్	71.33 శాతం	71.75 %
7	మల్కాజిగిరి	46.27 శాతం	49.63 %
8	సికింద్రాబాద్	42.48 శాతం	46.5 %
9	హైదరాబాద్	39.17 శాతం	44.84 %
10	చేవెళ్ల	53.15 శాతం	53.25 %
11	మహబూబ్ నగర్	68.40 శాతం	65.39 %
12	నాగర్ కర్నూల్	66.53 శాతం	62.33 %
13	నల్గొండ	70.36 శాతం	74.15 %
14	భువనగిరి	72.34 శాతం	74.49 %
15	వరంగల్	64.08 శాతం	63.7 %
16	మహబూబాబాద్	68.60 శాతం	69.06 %
17	ఖమ్మం	70.76 శాతం	75.30 %