News
News
X

Paidi Jairaj Birth Anniversary: దిగ్గజ నటుడు పైడి జైరాజ్ తెలంగాణవాడు కావడం గర్వకారణం: కేసీఆర్

KCR Comments: దాదాసాహెబ్ ఫాల్కే అవార్డు గ్రహీత పైడి జైరాజ్ జయంతి సందర్భంగా కేసీఆర్ నివాళి అర్పించారు. పైడి జైరాజ్ తెలంగాణ సినిమా రంగానికి మూల పురుషుడిగా వ్యవహరించారు.

FOLLOW US: 
 

KCR Comments: తెలంగాణ గడ్డపై పుట్టి, భారతీయ చలనచిత్ర పరిశ్రమలో అగ్రస్థానానికి ఎదిగి, తెలంగాణ కీర్తిని జాతీయ స్థాయిలో చాటిచెప్పిన గొప్ప నటుడు, కరీంనగర్ బిడ్డ.. దాదాసాహెబ్ ఫాల్కే అవార్డు గ్రహీత, పైడి జైరాజ్ అని రాష్ట్ర ముఖ్యమంత్రి కె.చంద్రశేఖర్ రావు అన్నారు. 

తెలంగాణ సినిమా రంగానికి మూల పురుషుడు 
పైడి జైరాజ్ 113వ  జయంతి (సెప్టెంబర్ 28) సందర్భంగా సీఎం కేసీఆర్ ఆయనకు ఘన నివాళి అర్పించారు. జాతీయ చలన చిత్ర పరిశ్రమకు పైడి జైరాజ్ అందించిన సేవలను సీఎం ఈ సందర్భంగా స్మరించుకున్నారు. భారతీయ సినిమా తొలి దశలో ప్రారంభమైన మూకీల నుండి టాకీల వరకు సాగిన పైడి ప్రస్థానం గొప్పదన్నారు. భారతీయ వెండి తెరపై మొట్ట మొదటి యాక్షన్ హీరో పైడి జైరాజ్ కావడం తెలంగాణకు గర్వ కారణమని, సీఎం కేసీఆర్ అన్నారు. తెలుగు చిత్ర పరిశ్రమ ఇంకా వేల్లూనుకోని ప్రారంభ దశ నాటికే, బాలీవుడ్ లో పైడి జైరాజ్ అగ్ర హీరోగా రాణించడం గొప్ప విషయం అని అన్నారు. తనదైన నటనాకౌశలంతో పాటు,దర్శకునిగా, నిర్మాతగా రాణించి ప్రతిష్టాత్మక దాదాసాహెబ్ ఫాల్కే అవార్డును అందుకున్న తొలి తరం తెలంగాణ సినిమా నటుడు పైడి జైరాజ్.. తెలంగాణ సినిమా రంగానికి మూల పురుషుడని సీఎం కొనియాడారు.

300లకు పైగా సినిమాలు.. 
హిందీలో మాత్రమే కాకుండా మరాఠీ, ఒరియా, బెంగాలీ, పంజాబీ, కొంకణి, గుజరాతీ, మలయాళం పలు జాతీయ  భాషల్లో దాదాపు 300 చిత్రాలకు పైగా నటించి భారతీయ సినిమా పరిశ్రమలో శిఖర సమానుడిగా నిలిచారని సీఎం అన్నారు. తెలంగాణ నేల నుండి దేశం గర్వించ దగ్గ స్థాయిలోకి ఎదిగిన గొప్ప వారిలో పైడి ఒకరని సీఎం కేసీఆర్ అన్నారు. ఆయన అందించిన సేవలకు గుర్తుగా, రాష్ట్ర ప్రభుత్వం రవీంద్రభారతి లోని సమావేశ మందిరానికి పైడి జై రాజ్ ప్రివ్యూ థియేటర్ గా పేరు పెట్టుకుని గౌరవించుకున్నామని సీఎం గుర్తు చేశారు.

స్వరాష్ట్రంలో, రాష్ట్ర ప్రభుత్వ కృషితో తెలంగాణ యాస భాషా సంస్కృతులకు సినీ పరిశ్రమలో ప్రాముఖ్యత, సాహితీ గౌరవం పెరిగిందని అన్నారు. తెలంగాణ రాష్ట్ర ఏర్పాటు అనంతరం సాంస్కృతిక శాఖ ద్వారా, ప్రభుత్వం అందిస్తున్న ప్రోత్సాహంతో తెలంగాణ యువత సినిమా పరిశ్రమలో పలు విభాగాల్లో గొప్పగా రాణిస్తున్నదని సీఎం తెలిపారు. భవిష్యత్తులో తెలంగాణ సినిమా రంగం మరింతగా రాణించాలని సీఎం కేసీఆర్ ఆకాంక్షించారు.

News Reels

ఒక్క తెలుగు సినిమాలోనూ నటించని జైరాజ్ 
పైడి జైరాజ్ 1909 సెప్టెంబర్ 28వ తేదీన కరీంనగర్ లో జన్మించారు. 156 చిత్రాల్లో కథానాయకుడి పాత్రలతో పాటు మొత్తం 300 లకు పైగా మూకీ, టాకీ సినిమాల్లో నటించారు. భారత కోకిల సరోజినీ నాయుడు జైరాజ్ కు మేనత్త అవుతారు. ఆయన నటించిన సామ్రాట్ పృథ్వీరాజ్ సినిమా 1962, ఫిబ్రవరి 24న విడుదల అయింది. ఈ సినిమా తెలుగులోనూ విడుదల అయింది. నటుడిగానే కాకుండా మొహర్, మాలా, ప్రతిమ, సాగర్ లాంటి చిత్రాలకు దర్శకత్వం వహించారు. తెలుగు వాడై ఉండి కూడా పైడి జైరాజ్ ఒక్క తెలుగు చిత్రంలోనూ నటించలేకపోయారు.

Published at : 28 Sep 2022 10:22 AM (IST) Tags: KCR Comments KCR News Bollywood Actor Paidi Jai Raj Bollywood Actor Paidi Jai Raj Jayanthi KCR Comments on Paidi Jai Raj

సంబంధిత కథనాలు

Jaggareddy : రేవంత్‌తో నాది తోడికోడళ్ల పంచాయతీ - కలిసి పని చేస్తామని జగ్గారెడ్డి ప్రకటన !

Jaggareddy : రేవంత్‌తో నాది తోడికోడళ్ల పంచాయతీ - కలిసి పని చేస్తామని జగ్గారెడ్డి ప్రకటన !

YS Sharmila : నేను తెలంగాణ కోడలిని, కేసీఆర్ ను గద్దె దించే వరకు నా పోరాటం ఆగదు - వైఎస్ షర్మిల

YS Sharmila : నేను తెలంగాణ కోడలిని, కేసీఆర్ ను గద్దె దించే వరకు నా పోరాటం ఆగదు - వైఎస్ షర్మిల

Bandi Sanjay : బీజేపీ డబుల్ సంక్షేమం - పాత పథకాలేమీ ఆపేది లేదని బండి సంజయ్ హామీ !

Bandi Sanjay : బీజేపీ డబుల్ సంక్షేమం - పాత పథకాలేమీ ఆపేది లేదని బండి సంజయ్ హామీ !

Amararaja Telangana : తెలంగాణకు మరో భారీ పెట్టుబడి - రూ. 9,500 కోట్లతో అమరరాజా బ్యాటరీ పరిశ్రమ !

Amararaja Telangana :  తెలంగాణకు మరో భారీ పెట్టుబడి - రూ. 9,500 కోట్లతో అమరరాజా బ్యాటరీ పరిశ్రమ !

KTR Amtech Meet : రాబోయే రోజుల్లో త్రీడీ ప్రింటింగ్ పరిశ్రమకు హైదరాబాద్ కేంద్రం - ఆమ్టెక్స్ ఎక్స్‌పోలో కేటీఆర్ కీలక వ్యాఖ్యలు !

KTR Amtech Meet :  రాబోయే రోజుల్లో త్రీడీ ప్రింటింగ్ పరిశ్రమకు హైదరాబాద్ కేంద్రం - ఆమ్టెక్స్ ఎక్స్‌పోలో కేటీఆర్ కీలక వ్యాఖ్యలు !

టాప్ స్టోరీస్

Indian Festivals Calendar 2023: 2023 లో ముఖ్యమైన రోజులు, పండుగలు ఇవే

Indian Festivals Calendar 2023: 2023 లో ముఖ్యమైన రోజులు, పండుగలు ఇవే

Prabhas In Unstoppable 2 : ప్రభాస్‌తో బాలయ్య 'అన్‌స్టాపబుల్' - ఇప్పటివరకు వచ్చిన గెస్టులు ఓ లెక్క, ఇప్పుడో లెక్క

Prabhas In Unstoppable 2 : ప్రభాస్‌తో బాలయ్య 'అన్‌స్టాపబుల్' - ఇప్పటివరకు వచ్చిన గెస్టులు ఓ లెక్క, ఇప్పుడో లెక్క

Ricky Ponting Health Issue: కామెంటరీ చేస్తుండగా రికీ పాంటింగ్‌కు హెల్త్‌ ఇష్యూ! హుటాహుటిన ఆస్పత్రికి పరుగు!

Ricky Ponting Health Issue: కామెంటరీ చేస్తుండగా రికీ పాంటింగ్‌కు హెల్త్‌ ఇష్యూ! హుటాహుటిన ఆస్పత్రికి పరుగు!

IIT Job Placements: వార్నీ రోజుకు లక్ష రూపాయల జీతమా, ఏంది భయ్యా ఇదీ?

IIT Job Placements: వార్నీ రోజుకు లక్ష రూపాయల జీతమా, ఏంది భయ్యా ఇదీ?