Kamareddy News: లాయర్‌నే బురిడీ కొట్టించిన సైబర్ కేటుగాళ్లు, పేదలనూ వదలకుండా మరో మోసం

ఈజీ మనీకి అలవాటు పడిన కేటుగాళ్లు.. టెక్నాలజీని వాడుకుని ఎంతటివారినైనా ఇట్టే మోసం చేస్తున్నారు. కామారెడ్డి జిల్లాలో ఓ న్యాయవాదిని సైబర్ నేరగాళ్లు బురిడి కొట్టించారు. క్రెడిట్ కార్డు యాక్టివేషన్ పేరుతో రూ.33,500 అకౌంట్ నుంచి కాజేశారు. కామారెడ్డి జిల్లా కేంద్రంలో నివాసం ఉండే వెంకటరత్నం అనే న్యాయవాదికి SBI బ్యాంకు నుంచి మాట్లాడుతున్నామంటూ.... క్రెడిట్ కార్డ్ యాక్టివేషన్ చేయాలని సైబర్ నేరగాళ్ళ నుంచి ఫోన్ కాల్ వచ్చింది. లాయర్ వెంకటరత్నం మొబైల్ నెంబర్ కు ఓటీపీ పంపారు సైబర్ కేటుగాళ్లు. ఇది గుడ్డిగా నమ్మిన లాయర్ తిరిగి ఓటీపీని అవతలి వ్యక్తికి పంపారు బాధితుడు వెంకటరత్నం. దీంతో వెంకటరత్నం బ్యాంక్ అకౌంట్ నుంచి 33,500 వేలు డెబిట్ అయినట్లుగా మొబైల్ కు మెసేజ్ వచ్చింది. దీంతో మోసపోయానని గ్రహించిన వెంకటరత్నం.. స్థానిక కామారెడ్డి పట్టణ పోలీస్ స్టేషన్ లో ఫిర్యాదు చేశారు. కేసు నమోదు చేసుకుని దర్యాప్తు ప్రారంభించారు కామారెడ్డి పట్టణ పోలీసులు.