T Hub 2.0: ప్రపంచ చరిత్రలో అతిపెద్ద స్టార్టప్ క్యాంపస్, హైదరాబాద్‌లో నేడే ప్రారంభం

Hyderabad T Hub 2.0: హైదరాబాద్ చరిత్రలోనే ఐటీ రంగంలో సరికొత్త అధ్యయనానికి నేడు శ్రీకారం చుట్టనున్నారు. ప్రపంచంలోనే రెండో అతిపెద్ద స్టార్టప్ క్యాంపస్ ను ఈరోజు సీఎం కేసీఆర్ చేతులు మీదుగా ప్రారంభించున్నారు. హైదరాబాద్, రాయదుర్గంలో 3.14 ఎకరాల్లో రూ.400 కోట్లతో టీ హబ్ 2 నిర్మాణం జరిగింది. గతంలో టీ హబ్ వన్ నిర్మించిన తరువాత ఊహించని స్దాయిలో స్పందన రావడం, అందులోనూ టీ హబ్ ద్వారా స్టార్టప్ కంపెనీ లు ప్రారంభించాలనుకునే యువ ప్రారిశ్రామికవేత్తల సంఖ్య ఎక్కువ అయింది.

ఫలితంగా అంత మందికి అవకాశం అవకాశం కల్పించాలంటే అప్పట్లో సమస్యలు తలెత్తడంతో ఎమినిది వందల మంది లోపల ఉంటే వెయ్యి మంది స్టార్టప్ కోసం వేచిచూస్తున్న యువత బయట వెయిటింగ్ లిస్ట్ లో ఉండాల్సి వచ్చేది. దీంతో టీ హబ్ టూ నిర్మించాలని తెలంగాణ ప్రభుత్వం భావించింది. ఇందులో భాగంగా 2015లో టీ హబ్ 2 కు శంకుస్థాపన జరిగింది. కోవిడ్ క్లిష్ట పరిస్దితుల్లో సైతం టీ హబ్ నిర్మాణం వేగంగా జరిగింది. అత్యంత ఆకర్షణీమైన నిర్మాణంగా టీ హబ్ 2 నిలిచింది.

నిత్యం సమాజంలో ప్రజల అవసరాలు, సమస్యలు ఇలా వీటికి టెక్నాలజీ జోడించి పరిష్కారం చూపేందుకు సరికొత్త ఆలోచనలతో ముందుకొచ్చే యువకులకు టీ హబ్ అండగా నిలుస్తుంది. వారి ఆలోచనలకు మెరుగులు దిద్ది, ఆర్థిక చేయూతను అందించి వారిని స్టార్టప్ కంపెనీలు స్థాపించే విధంగా ప్రొత్సహిస్తుంది. ఇలా ఆలోచనలతో రండి.. ఆవిష్కరణలతో వెళ్లండి అనే నినాదంతో టీ హబ్ 2 , తెలంగాణ ఐటీ రంగంలో దూసుకుపోనుంది. ఇప్పటికే టీ హబ్ వన్ ద్వారా 1,100 మంది యువకులు స్టార్టప్ కంపెనీలు స్థాపించుకోగలిగారు. ఆ సంఖ్యను మరింత పెంచాలనే లక్ష్యంతో టీ హబ్ 2 ముందుకు వెళ్లనుందని ఐటీ సెక్రటరీ జయేష్‌ రంజన్ ఏబీపీ దేశంతో అన్నారు.

ఈ రోజు సాయంత్రం 5.30 గంటలకు ప్రారంభం కానున్న టీ హబ్ 2 ప్రారంభోత్సవ వేడుకలో సీఎం కేసీఆర్, కేటీఆర్, మంత్రులు, ప్రపంచవ్యాప్తంగా పారిశ్రామిక ప్రముఖులు పాల్గొననున్నారు. యువత ఆలోచనలకు ప్రోత్సాహం ఎలా కల్పిస్తున్నారో.. స్టార్టప్ కంపెనీ సవాళ్లు, లక్ష్యాలు ఇలా అనేక అంశాలపై సమావేశాలు జరుగతాయి. సాయంత్రం 5 గంటలకు సీఎం కేసీఆర్ చేతుల మీదుగా టీ హబ్ 2 అధికారికంగా ప్రారంభమవుతుంది.