Nizamabad News: కాంగ్రెస్ నేతల్ని పిచ్చికొట్టుడు కొట్టారు - బీఆర్ఎస్ మాజీ మంత్రి స్వగ్రామంలో ఘటన - అసలేం జరిగిందంటే ?

Telangana Politics: మాజీ మంత్రి ప్రశాంత్ రెడ్డి స్వగ్రామంలో కాంగ్రెస్ నేతలపై దాడి జరిగింది. ఆ సమయంలో ప్రశాంత్ రెడ్డి ఇంట్లోనే ఉన్నారు.

కాంగ్రెస్ నేతల్ని పిచ్చికొట్టుడు కొట్టారు - బీఆర్ఎస్ మాజీ మంత్రి స్వగ్రామంలో ఘటన

Source : x

Attack on Congress leaders:   నిజామాబాద్ జిల్లాలోని బాల్కొండ నియోజకవర్గంలో  ఉద్రిక్త పరిస్థితి ఏర్పడింది. కాంగ్రెస్ , భారత రాష్ట్ర సమితి (BRS) కార్యకర్తల మధ్య ఘర్షణ చోటు చేసుకుంది. కాంగ్రెస్ ఎన్‌ఆర్‌ఐ సెల్ నాయకుడు నంగి దేవేందర్ రెడ్డి, బొజ్జ అమరేందర్ రెడ్డితో సహా కాంగ్రెస్ నాయకులు, బాల్కొండ ఎమ్మెల్యే వేముల ప్రశాంత్ రెడ్డి నివాసం వైపు వెళ్లేందుకు ప్రయత్నించారు. ఈ సందర్భంలో BRS కార్యకర్తలు వారిని అడ్డుకున్నారు. దీని ఫలితంగా ఇరు పక్షాల మధ్య తీవ్రమైన ఘర్షణ జరిగింది.

ప్రశాంత్ రెడ్డి గల్ఫ్ బాధిత కుటుంబాలకు న్యాయం చేయలేదని  వారి సమస్యలను పరిష్కరించడంలో విఫలమయ్యారని కాంగ్రెస్ నేతలు ఆరోపించారు.  BRS కార్యకర్తలు కాంగ్రెస్ నాయకులను తమ ఎమ్మెల్యే ఇంటి వైపు వెళ్లకుండా అడ్డుకున్నారు. ఈ ప్రక్రియలో నంగి దేవేందర్ రెడ్డిని తరిమికొట్టారు.  ఈ ఘర్షణలో దేవేందర్ రెడ్డి పోలీసు రక్షణలో తలదాచుకోవలసి వచ్చింది.  ఉద్రిక్తతలను అదుపు చేయడానికి పోలీసులు రంగంలోకి దిగారు.  

వేముల ప్రశాంత్ రెడ్డి స్వగ్రామం వేల్పూరులో ఏదో రాజకీయ కార్యక్రమం చేయబోయిన కాంగ్రెస్ నేతలను వెంటబడి కొట్టిన మాజీ మంత్రి అనుచరులు. హోం మంత్రి రేవంత్ రెడ్డే కదా. pic.twitter.com/iFmMQGevqb

— Srinivas (Night Owl)🦉 (@NeverSayYesDude) July 17, 2025

బాల్కొండ నియోజకవర్గంలో గత కొన్ని సంవత్సరాలుగా BRS నాయకుడు వేముల ప్రశాంత్ రెడ్డి ఆధిపత్యం కొనసాగిస్తున్నారు.   2014 , 2018 ఎన్నికలలో ఈ నియోజకవర్గం నుండి విజయం సాధించారు.  2019లో రోడ్స్ అండ్ బిల్డింగ్స్, లెజిస్లేటివ్ అఫైర్స్, హౌసింగ్ శాఖల మంత్రిగా  పని చేశారు.  2023 తెలంగాణ శాసనసభ ఎన్నికలలో కాంగ్రెస్ పార్టీ అధికారం చేపట్టినప్పటికీ   ప్రశాంత్ రెడ్డి BRS తరపున పోటీ చేసి, కాంగ్రెస్ అభ్యర్థి సునీల్ కుమార్ ముత్యాలపై 32,408 ఓట్ల మెజారిటీతో విజయం సాధించారు.  బాల్కొండ నియోజకవర్గంలో గల్ఫ్ దేశాలకు వలస వెళ్లిన కార్మికుల కుటుంబాలు అనేక సమస్యలను ఎదుర్కొంటున్నాయి, వీటిలో ఆర్థిక ఇబ్బందులు, ఉపాధి కోల్పోవడం,   చట్టపరమైన సమస్యలు ఉన్నాయి. కాంగ్రెస్ ఈ సమస్యలను హైలైట్ చేస్తూ, ప్రశా ంత్ రెడ్డి ఈ కుటుంబాలకు తగిన సహాయం అందించలేదని ఆరోపిస్తోంది. 

నిజామాబాద్ జిల్లా బాల్కొండ నియోజకవర్గంలో రాజకీయ రగడ
కాంగ్రెస్ NRI సెల్ నంగి దేవేందర్ రెడ్డిని తరిమికొట్టిన బీఆర్ఎస్ కార్యకర్తలు.. పోలీసుల రక్షణలో తలదాచుకున్న దేవేందర్ రెడ్డి
బాల్కొండ ఎమ్మెల్యే ప్రశాంత్ రెడ్డి ఒక్క గల్ఫ్ బాధిత కుటుంబానికి న్యాయం చేయలేదని కాంగ్రెస్ విమర్శల… pic.twitter.com/ghrg8se37i

— 𝗠𝗔𝗛𝗘 𝗖𝗟𝗜𝗖𝗞𝗘𝗥 𝗕𝗥𝗦 (@brs_mahe) July 17, 2025

కాంగ్రెస్ నాయకులు, ముఖ్యంగా నంగి దేవేందర్ రెడ్డి, ప్రశాంత్ రెడ్డి గల్ఫ్ బాధిత కుటుంబాల సమస్యలను పరిష్కరించడంలో నిర్లక్ష్యం వహించారని ఆరోపించారు. వారు ఈ సమస్యను రాజకీయంగా ఉపయోగించుకుని, ప్రశాంత్ రెడ్డి ఇంటి వద్ద నిరసన ర్యాలీ నిర్వహించడానికి ప్రయత్నించారు. పోలీసులు ఘర్షణలో పాల్గొన్న కొంతమంది కాంగ్రెస్ ,  BRS కార్యకర్తలను అరెస్టు చేశారు. ఈ ఘటన వేల్పూర్‌లో హై టెన్షన్ వాతావరణాన్ని సృష్టించింది.  

 

మరిన్ని చదవండి

లోకేష్‌తో కేటీఆర్ అర్థరాత్రి సీక్రెట్ డిన్నర్ మీటింగ్ - సీఎం రేవంత్ సంచలన వ్యాఖ్యలు

వేల కోట్ల భూములు..ఖరీదైన విల్లాలు.. బినామీ కంపెనీలకు నిధులు.. కళ్లు చెదిరేలా కాలేశ్వరం ఇంజనీర్ల అవినీతి చిట్టా