ఎన్టీఆర్ ఘాట్ జొలిస్తే అంతే సంగతులు - కాంగ్రెస్‌కు బీఆర్ఎస్‌ ఎమ్మెల్యేల స్ట్రాంగ్ వార్నింగ్

Assembly: ఎన్టీఆర్ ఘాట్ జోలికి రావొద్దని కాంగ్రెస్‌కు బీఆర్ఎస్ హెచ్చరికలు జారీ చేసింది. ఎన్టీఆర్ చనిపోయిన తర్వాత కూడా కాంగ్రెస్ వేధిస్తోందని మండిపడింది.

ఎన్టీఆర్ ఘాట్ జోలికి వస్తే ఊరుకునేది లేదన్న బీఆర్ఎస్ ఎమ్మెల్యేలు

Source : x

BRS has issued a warning to Congress not to enter NTR Ghat: సెక్రటేరియట్ పక్కనే ఉన్న ఎన్ఠీఆర్ ఘాట్ ను తొలగిస్తామని కాంగ్రెస్ ఎమ్మెల్యే కోమటిరెడ్డి రాజగోపాల్ రెడ్డి చేసిన వ్యాఖ్యలను తీవ్రంగా ఖండిస్తున్నామని ఎమ్మెల్యేలు మాధవరం కృష్ణారావు, మాగంటి గోపీనాథ్ అన్నారు. అసెంబ్లీ మీడియా పాయింట్ లో వీరు మట్లాడారు.  ఎన్ఠీఆర్ ను బతికుండగా వేధించిన కాంగ్రెస్ నేతలు ఆయన చనిపోయాక కూడా వదలడం లేదన్నారు.  ట్యాంక్ బండ్ ను  నాడు అభివృద్ధి చేస్తానంటే ఎన్ఠీఆర్ ను కాంగ్రెస్ నేతలు అడ్డుకున్నారని..  కాంగ్రెస్ నేతలు అడ్డుకున్నా ఎన్ఠీఆర్ కుర్చి వేసుకుని మరీ ట్యాంక్ బండ్ ను నిర్మించారని ఎమ్మెల్యేలు గుర్తు చేశారు. 

హైదరాబాద్ అభివృద్ధి పై ఎన్టీఆర్ ది చెరగని ముద్ర అని బీఆర్ఎస్ ఎమ్మెల్యేలు స్పష్టం చేశారు.  ఎన్ టి ఆర్ ట్యాంక్ బండ్, నెక్లెస్ రోడ్డు ను పర్యాటక కేంద్రంగా చేశారని..  ఎన్ఠీఆర్ ఘాట్ జోలికి వస్తే ఊరుకునేది లేదని స్పష్టం చేశారు.  ఎన్ టి ఆర్ అంటే కాంగ్రెస్ నాయకులకు ఎందుకు అంత భయమని ప్రశ్నించారు.  గతంలో కూడా కాంగ్రెస్ నాయకులు ఆయన ఇండ్లను ఆస్తులను దహనం చేశారని..  ఇప్పుడు కూడా ఎన్టీఆర్ గార్డెన్ ఎత్తివేసే కుట్ర చేస్తున్నారని అన్నారు.  దీన్ని మేము ముమ్మాటిగా ఖండిస్తున్నామని..  ఎన్టీఆర్ ఘాట్ పైన కాకుండా పరిపాలన మీద కాంగ్రెస్ నేతలు దృష్టి సారిస్తే మంచిదని సలహా  ఇచ్చారు.  ఈ ప్రభుత్వం ఎన్ టి ఆర్, కేసీఆర్ మార్క్ లేకుండా చేసే ప్రయత్నం చేస్తున్నది...ఆ ప్రయత్నాలు సఫలం కావన్నారు. 

రెండు రోజుల కిందట అసెంబ్లీ లాబీల్లో మీడియాతో ఇష్టాగోష్టిగా మాట్లాడిన రాజగోపాల్ రెడ్డి ఎన్టీఆర్ ఘాట్ పీకి పడేసి అక్కడ సెక్రటేరియట్ నిర్మిస్తే వ్యూ బాగుంటుందని చెప్పుకొచ్చారు. సెక్రటేరియట్ పక్కనే అసెంబ్లీ ఉండటం మంచిదన్నారు. ఆయన మాటలు సోషల్ మీడియాలో వైరల్ అయ్యాయి. ఎన్టీఆర్ ఘాట్ పై అలాంటి వ్యాఖ్యలు చేయడంతో పలువురు మండిపడ్డారు. అయితే తాను అలాంటి మాటలు మాట్లాడలేదని కోమటిరెడ్డి రాజగోపాల్ రెడ్డి చెబుతున్నారు. తాను సెక్రటేరియట్ పక్కన అసెంబ్లీ ఉండాలని మాత్రమే అన్నానంటున్నారు. 

రాజగోపాల్ రెడ్డితో పాటు మంత్రి పొంగులేటి శ్రీనివాసరెడ్డి కూడా అమరారవతిపై చిట్ చాట్‌లో అనుచిత వ్యాఖ్యలు చేశారన్న ప్రచారం జరుగుతోంది. అయితే ఆ విషయంపై ఆయన బహిరంగంగా ఎలాంటి వ్యాఖ్యలు చేయలేదు. కానీ కోమటిరెడ్డి రాజగోపాల్ రెడ్డి తీరు మాత్రం కాంగ్రెస్ లో  కలకలం రేపుతోంది.ఆయన పార్టీకి నష్టం చేసేలా మాట్లాడారని అనుకుంటున్నారు. బీఆర్ఎస్ నేతలు ఎన్టీఆర్ ఘాట్ విషయంోల కాంగ్రెస్ ను హెచ్చరించడంతో ఇప్పుడు కోమటిరెడ్డి రాజగోపాల్ రెడ్డి ఎలా స్పందిస్తారన్నది ఆసక్తికరంగా మారింది.