Breaking News Live Telugu Updates: కాంగ్రెస్కు మరో షాక్! రేవంత్ పై మర్రి శశిధర్ రెడ్డి సంచలన వ్యాఖ్యలు
ఏపీ, తెలంగాణ సహా జాతీయ, అంతర్జాతీయ స్థాయిలో నేటి బ్రేకింగ్ న్యూస్ అప్డేట్స్ ఇక్కడ పొందొచ్చు. ఈ లైవ్ బ్లాగ్ అప్ డేట్ అవుతుంటుంది. తాజా సమాచారం కోసం రీఫ్రెష్ చేస్తుండండి.
Background
ఇటీవల ఏర్పడిన అల్పపీడనం ముప్పు తొలగిపోయిందనుకుంటున్న సమయంలో భారత వాతావరణ కేంద్రం మరో పిడుగులాంటి ప్రకటన చేసింది. ఉత్తర బంగాళాఖాతంలో మరో అల్పపీడనం ఏర్పడుతుందని తెలిపింది. ఆగస్టు 19 నాటికి ఉత్తర బంగాళాఖాతంలో అల్పపీడన ప్రాంతం ఏర్పడనుందని వెల్లడించింది. ఉత్తర - దక్షిణ ద్రోణి రాయలసీమ నుంచి గల్ఫ్ ఆఫ్ మన్నార్ వరకు తమిళనాడు అంతర్భాగంగా సముద్ర మట్టానికి 0.9 కిలోమీటర్ల ఎత్తులో విస్తరించి ఉంది. దీని ప్రభావంతో ఆంధ్రప్రదేశ్, యానాం, తెలంగాణలో నేటి రెండు రోజులపాటు తేలికపాటి జల్లుల నుంచి ఓ మోస్తరు వర్షాలు కురిసే అవకాశం ఉందని భారత వాతావరణ కేంద్రం తెలిపింది.
తెలంగాణలో తేలికపాటి జల్లులు
వాయుగుండం తీరాన్ని దాటడంతో మంగళవారం రాష్ట్రంలో కొన్ని జిల్లాల్లో తేలికపాటి నుంచి మోస్తరు వర్షాలు కురిశాయి. ఉమ్మడి ఆదిలాబాద్, నిజామాబాద్ జిల్లాలతో పాటు వికారాబాద్, సంగారెడ్డి, నారాయణపేట, మెదక్, రంగారెడ్డి, హైదరాబాద్ ప్రాంతాల్లో గంటకు 30 నుంచి 40 కి.మీ వేగంతో గాలులు వీస్తూ కొన్నిచోట్ల వర్షాలు కురిశాయి. నేడు, రేపు ఉత్తర తెలంగాణ జిల్లాల్లో తేలికపాటి నుంచి మోస్తరు వర్షాలు పడతాయి. దక్షిణ తెలంగాణకు వర్ష సూచన లేదు. ఉదయం వేళ చల్లగా ఉంటూ, మధ్యాహ్నానికి వాతావరణం పూర్తిగా వేడెక్కుతుంది. మరో రెండు రోజుల్లో బంగాళాఖాతంలో అల్పపీడనం ఏర్పడనుందని, ఆగస్టు 19 నుంచి 21 వరకు రాష్ట్రానికి ఎల్లో అలర్ట్ జారీ చేశారు.
ఉత్తర కోస్తాంధ్ర, యానాంలో వర్షాలు..
ఈ ప్రాంతాల్లో మంగళవారం పలుచోట్ల మోస్తరు వర్షాలు కురిశాయి. ధవళేశ్వరం వద్ద నీటి ప్రవాహం పెరుగుతోంది. ఉత్తర కోస్తాంధ్ర, యానాంలలో మరో రెండు రోజులు వర్షాలు కురుస్తాయని అమరావతి వాతావరణ కేంద్రం తెలిపింది. ఉమ్మడి శ్రీకాకుళం, విజయనగరం విశాఖపట్నం జిల్లాల్లో తేలికపాటి నుంచి ఓ మోస్తరు వర్షాలు కురుస్తాయని అధికారులు పేర్కొన్నారు. తూర్పు గోదావరి, పశ్చిమ గోదావరి జిల్లాల్లో నేడు, రేపు తేలికపాటి జల్లులు పడతాయి. తీరంలో గంటకు 40 నుంచి 50 కిలోమీటర్ల వేగంతో గాలులు వీస్తున్నాయి. ఎలాంటి హెచ్చరికలు జారీ చేయలేదు.
దక్షిణ కోస్తా, రాయలసీమలో ఇలా..
వాయుగుండం బలహీనపడి తీరాన్ని దాటడంతో దక్షిణ కోస్తాంధ్ర జిల్లాల్లో నేడు తేలికపాటి నుంచి మోస్తరు నుంచి వర్షాలు కురవనున్నాయి. ఉమ్మడి గుంటూరు, ప్రకాశం, కృష్ణా, నెల్లూరు జిల్లాల్లో ఒకట్రెండు చోట్ల ఉరుములతో కూడిన వర్షం కురిసే అవకాశం ఉందని అంచనా వేసింది వాతావరణ కేంద్రం. రాయలసీమలోని ఉమ్మడి కర్నూలు, కడప, అనంతపురం, చిత్తూరు జిల్లాలలో నేడు, రేపు తేలికపాటి జల్లుల నుంచి మోస్తరు వర్షాలు పడతాయని చెప్పారు.
హెచ్చరిక: భారీ వర్షం కురుస్తున్న సమయంలో ఇళ్ల నుంచి బయటకు రావొద్దని ప్రజలకు హెచ్చరించారు. అరటితోటలకు నష్టం వాటిల్లుతుంది. కోతకు సిద్ధంగా ఉన్న పంటలకు నష్టం జరుగుతుందన్నారు. వర్షపు నీళ్లు నిలిచిపోయే చోట ఉండకూడదు. వైర్లు, విద్యుత్ స్తంభాలకు దూరంగా ఉండాలని సూచించారు. అరటి తోటలకు నష్టం కలిగే అవకాశం ఉందని పేర్కొన్నారు. చెట్ల కింద నిల్చోకుండా సురక్షిత మైన చోట ఉండాలని ప్రజలను హెచ్చరించారు.
అనంతపురం జిల్లా ఉరవకొండలో విద్యుత్శాఖ ఏఈపై దాడి
అనంతపురం జిల్లా ఉరవకొండ నియోజకవర్గంలోని రాయంపల్లిలో విద్యుత్ శాఖ ఏఈ గురుమూర్తి పై నెరమెట్ల గ్రామ సర్పంచ్ యోగేంద్ర రెడ్డి దాడి చేశారు. విద్యుత్ బకాయిల వసూలుకు వెళ్లిన ఏఈ గురుమూర్తి పై అమానుషంగా దాడికి పాల్పడినట్టు తెలుస్తోంది. రాయంపల్లి గ్రామంలో బకాయిల వసూలు చేస్తున్న విద్యుత్ ఏఈ కి, అటుగా వచ్చిన యోగేంద్ర రెడ్డి మధ్య వాగ్వాదం జరిగింది. చెప్పుతో దాడి చేసి బూతులు తిట్టినట్టు అధికారులు వివరించారు. ఈమేరకు ఉరవకొండ పోలీస్ స్టేషన్లో ఫిర్యాదు చేశారు విద్యుత్ శాఖ ఉద్యోగులు. తమ ఉద్యోగిపై దాడిని నిరసిస్తూ ఆందోళన బాటపట్టారు.
అనంతపురం జిల్లా ఉరవకొండలో విద్యుత్శాఖ ఏఈపై దాడి
అనంతపురం జిల్లా ఉరవకొండ నియోజకవర్గంలోని రాయంపల్లిలో విద్యుత్ శాఖ ఏఈ గురుమూర్తి పై నెరమెట్ల గ్రామ సర్పంచ్ యోగేంద్ర రెడ్డి దాడి చేశారు. విద్యుత్ బకాయిల వసూలుకు వెళ్లిన ఏఈ గురుమూర్తి పై అమానుషంగా దాడికి పాల్పడినట్టు తెలుస్తోంది. రాయంపల్లి గ్రామంలో బకాయిల వసూలు చేస్తున్న విద్యుత్ ఏఈ కి, అటుగా వచ్చిన యోగేంద్ర రెడ్డి మధ్య వాగ్వాదం జరిగింది. చెప్పుతో దాడి చేసి బూతులు తిట్టినట్టు అధికారులు వివరించారు. ఈమేరకు ఉరవకొండ పోలీస్ స్టేషన్లో ఫిర్యాదు చేశారు విద్యుత్ శాఖ ఉద్యోగులు. తమ ఉద్యోగిపై దాడిని నిరసిస్తూ ఆందోళన బాటపట్టారు.
టాప్ హెడ్ లైన్స్
ట్రెండింగ్ వార్తలు
