Vivo X100 Series: 100x జూమ్‌ చేయగల కెమెరాలతో వచ్చిన వివో ఎక్స్100 సిరీస్ - కంపెనీ బెస్ట్ సిరీస్ ఇవే!

Vivo X100: ప్రముఖ స్మార్ట్ ఫోన్ బ్రాండ్ వివో తన లేటెస్ట్ ఎక్స్100 సిరీస్ స్మార్ట్ ఫోన్లను లాంచ్ చేసింది. వివో లాంచ్ చేసే ఫోన్లలో బెస్ట్ సిరీస్ ఇదే.

వివో ఎక్స్100 సిరీస్ ఫోన్లు మార్కెట్లో లాంచ్ అయ్యాయి.

Source : Vivo

Vivo X100 Pro: వివో ఎక్స్100 సిరీస్ ఫోన్లు చైనాలో లాంచ్ అయ్యాయి. ఈ సిరీస్‌లో వివో ఎక్స్100, వివో ఎక్స్100 ప్రో స్మార్ట్ ఫోన్లు ఉన్నాయి. ఈ రెండు ఫోన్లూ 100x జూమ్‌ను సపోర్ట్ చేయనున్నాయి. వీటిలో మీడియాటెక్ డైమెన్సిటీ 9300 ప్రాసెసర్‌ను అందించారు. ఆండ్రాయిడ్ 14 ఆధారిత ఆరిజిన్ఓఎస్ 4 ఆపరేటింగ్ సిస్టంపై ఈ ఫోన్లు పని చేయనున్నాయి.

వివో ఎక్స్100 ధర (Vivo X100 Price)
ఇందులో ఐదు వేరియంట్లు అందుబాటులో ఉన్నాయి. వీటిలో ప్రారంభ వేరియంట్ అయిన 12 జీబీ ర్యామ్ + 256 జీబీ స్టోరేజ్ వేరియంట్ ధర 3,999 యువాన్లుగా (సుమారు రూ.45,600) నిర్ణయించారు. 16 జీబీ ర్యామ్ + 256 జీబీ స్టోరేజ్ ధర 4,299 యువాన్లుగానూ (సుమారు రూ.49,100), 16 జీబీ ర్యామ్ + 512 జీబీ స్టోరేజ్ వేరియంట్ ధర 4,599 యువాన్లుగానూ (సుమారు రూ.52,500) ఉంది. టాప్ ఎండ్ వేరియంట్ అయిన 16 జీబీ ర్యామ్ + 1 టీబీ స్టోరేజ్ వేరియంట్ కొనాలంటే 4,999 యువాన్లు (సుమారు రూ.57,100) చెల్లించాల్సిందే. ఇందులో 16 జీబీ ర్యామ్ (ఎల్పీడీఆర్5టీ అడ్వాన్స్‌డ్ రామ్) + 1 టీబీ స్టోరేజ్ వేరియంట్ కూడా ఉంది. ఈ తరహా అడ్వాన్స్‌డ్ ర్యామ్‌తో లాంచ్ అయిన మొదటి ఫోన్ ఇదే. దీని ధరను 5,099 యువాన్లుగా (సుమారు రూ.58,200) నిర్ణయించారు.

వివో ఎక్స్100 ప్రో ధర (Vivo X100 Pro Price)
ఇందులో ఐదు వేరియంట్లు మార్కెట్లో లాంచ్ అయ్యాయి. వీటిలో ప్రారంభ వేరియంట్ అయిన 12 జీబీ ర్యామ్ + 256 జీబీ స్టోరేజ్ వేరియంట్ ధర 4,999 యువాన్లుగా (సుమారు రూ.57,100) ఉంది. 16 జీబీ ర్యామ్ + 256 జీబీ స్టోరేజ్ ధర 5,299 యువాన్లుగానూ (సుమారు రూ.60,500), 16 జీబీ ర్యామ్ + 512 జీబీ స్టోరేజ్ వేరియంట్ ధర 5,499 యువాన్లుగానూ (సుమారు రూ.63,800) నిర్ణయించారు. టాప్ ఎండ్ వేరియంట్ అయిన 16 జీబీ ర్యామ్ + 1 టీబీ స్టోరేజ్ వేరియంట్ కొనాలంటే మాత్రం 5,999 యువాన్లు (సుమారు రూ.69,600) ఖర్చు చేయాల్సి ఉంటుంది.

ఈ రెండు ఫోన్లూ బ్లాక్, ఆరెంజ్, బ్లూ, వైట్ కలర్ ఆప్షన్లలో మార్కెట్లో లాంచ్ అయ్యాయి. లుక్స్ పరంగా రెండు ఫోన్లలోనూ ఎక్కువగా తేడాలు లేవు. వివో ఎక్స్100 సిరీస్ ఫోన్లు మనదేశంలో ఎప్పుడు లాంచ్ అవుతాయో తెలియరాలేదు. ఒకవేళ లాంచ్ అయితే ఐకూ 12 సిరీస్, షావోమీ 13 సిరీస్, వన్‌ప్లస్ 11 సిరీస్ ఫోన్లతో పోటీ పడనున్నాయి.

వివో ఎక్స్100, ఎక్స్100 ప్రో స్పెసిఫికేషన్లు, ఫీచర్లు (Vivo X100 Series Specifications)
ఆండ్రాయిడ్ 14 ఆధారిత ఆరిజిన్ఓఎస్ ఆపరేటింగ్ సిస్టంపై ఈ ఫోన్లు పని చేయనున్నాయి. రెండు ఫోన్లలోనూ 6.78 అంగుళాల ఎల్టీపీవో అమోఎల్ఈడీ డిస్‌ప్లేను అందించారు. దీని స్క్రీన్ రిఫ్రెష్ రేట్ 120 హెర్ట్జ్ కాగా, స్క్రీన్ రిజల్యూషన్ 2800 x 1260 పిక్సెల్స్‌గా ఉంది. మీడియాటెక్ డైమెన్సిటీ 9300 ప్రాసెసర్‌పై వివో ఎక్స్100, ఎక్స్100 ప్రో రన్ కానున్నాయి.

ఇక కెమెరాల విషయంలో మాత్రం రెండు ఫోన్లలోనూ పలు మార్పులు ఉన్నాయి. వివో ఎక్స్100లో 50 మెగాపిక్సెల్ ప్రధాన కెమెరా, 3x ఆప్టికల్ జూమ్‌ను సపోర్ట్ చేసే 64 మెగాపిక్సెల్ పెరిస్కోప్ లెన్స్, 50 మెగాపిక్సెల్ అల్ట్రా వైడ్ యాంగిల్ కెమెరా ఉన్నాయి. వివో ఎక్స్100 ప్రోలో ఒక అంగుళం సైజున్న 50 మెగాపిక్సెల్ ప్రధాన కెమెరా, 4.3x ఆప్టికల్ జూమ్‌ను సపోర్ట్ చేసే 50 మెగాపిక్సెల్ పెరిస్కోప్ లెన్స్, 50 మెగాపిక్సెల్ అల్ట్రా వైడ్ యాంగిల్ కెమెరా అందించారు. ఈ రెండు ఫోన్లూ 100x జూమ్‌ను సపోర్ట్ చేయనున్నాయి. 8కే వీడియో రికార్డింగ్ కూడా వీటి ద్వారా చేయవచ్చు. సెల్ఫీలు, వీడియో కాల్స్ కోసం రెండు ఫోన్లలోనూ ముందువైపు 32 మెగాపిక్సెల్ కెమెరా అందుబాటులో ఉంది.

వివో ఎక్స్100లో 120W ఫాస్ట్ ఛార్జింగ్‌ను సపోర్ట్ చేసే 5000 ఎంఏహెచ్ బ్యాటరీని అందించారు. ఇక వివో ఎక్స్100 ప్రోలో 100W ఫాస్ట్ ఛార్జింగ్ సపోర్ట్ ఉన్న 5400 ఎంఏహెచ్ బ్యాటరీ ఉంది. 50W వైర్‌లెస్ ఫాస్ట్ ఛార్జింగ్‌ను కూడా ఈ ఫోన్ సపోర్ట్ చేయనుంది. యూఎస్‌బీ టైప్-సీ జెన్ 3.2 పోర్టు, వైఫై 7, 5జీ, ఎన్ఎఫ్‌సీ, బ్లూటూత్ 5.3 కనెక్టివిటీ ఫీచర్లు కూడా ఈ ఫోన్‌లో ఉన్నాయి.