రూ.10 వేలలోపే రెడ్‌మీ కొత్త ఫోన్.. ఈసారి మరింత ‘యాక్టివ్’గా!

ప్రముఖ స్మార్ట్ ఫోన్ బ్రాండ్ షియోమీ మనదేశంలో తన కొత్త స్మార్ట్ ఫోన్‌ను లాంచ్ చేసింది. అదే రెడ్‌మీ 9 యాక్టివ్. దీని ధర మనదేశంలో రూ.9,499 నుంచి ప్రారంభం కానుంది.

రెడ్‌మీ 9 యాక్టివ్ స్మార్ట్ ఫోన్ సేల్ మనదేశంలో ప్రారంభం అయింది.

రెడ్‌మీ 9 యాక్టివ్ సేల్ మనదేశంలో ప్రారంభం అయిపోయింది. గతేడాది లాంచ్ అయిన రెడ్‌మీ 9 తరహాలోనే ఈ ఫోన్ కూడా ఉంది. 6 జీబీ వరకు ర్యామ్ ఇందులో ఉండనుంది. దీని యాస్పెక్ట్ రేషియో 20:9గా ఉండనుంది. ఫోన్ వెనకవైపు రెండు కెమెరాలు ఉండనున్నాయి. ఆక్టాకోర్ మీడియాటెక్ హీలియో జీ35 ప్రాసెసర్‌పై ఈ ఫోన్ పనిచేయనుంది.

రెడ్‌మీ 9 యాక్టివ్ ధర
ఇందులో రెండు వేరియంట్లు అందుబాటులో ఉన్నాయి. వీటిలో ప్రారంభ వేరియంట్ అయిన 4 జీబీ ర్యామ్ + 64 జీబీ స్టోరేజ్ వేరియంట్ ధర రూ.9,499గా ఉండనుంది. 6 జీబీ ర్యామ్ + 128 జీబీ స్టోరేజ్ వేరియంట్ ధరను రూ.10,999గా నిర్ణయించారు. కార్బన్ బ్లాక్, కోరల్ గ్రీన్, మెటాలిక్ పర్పుల్ రంగుల్లో ఈ ఫోన్ లాంచ్ అయింది. అమెజాన్, ఎంఐ.కాం, ఎంఐ స్టూడియో స్టోర్లలో ఈ ఫోన్లు కొనుగోలు చేయవచ్చు.

రెడ్‌మీ 9 యాక్టివ్ స్పెసిఫికేషన్లు
ఆండ్రాయిడ్ 11 ఆధారిత ఎంఐయూఐ 12 ఆపరేటింగ్ సిస్టంపై ఈ ఫోన్ పనిచేయనుంది. ఇందులో 6.53 అంగుళాల హెచ్‌డీ+ డాట్ డ్రాప్ డిస్‌ప్లేను అందించారు. దీని యాస్పెక్ట్ రేషియో 20:9గా ఉంది. ఆక్టాకోర్ మీడియాటెక్ హీలియో జీ35 ప్రాసెసర్‌పై ఈ ఫోన్ పనిచేయనుంది. 6 జీబీ వరకు ర్యామ్, 128 జీబీ వరకు స్టోరేజ్ ఇందులో ఉన్నాయి. దీన్ని మైక్రో ఎస్‌డీ కార్డు ద్వారా  వరకు పెంచుకోవచ్చు.

ఇక కెమెరాల విషయానికి వస్తే.. ఇందులో వెనకవైపు రెండు కెమెరాలు అందించారు. వీటిలో ప్రధాన కెమెరా సామర్థ్యం 13 మెగాపిక్సెల్ కాగా, దీంతోపాటు 2 మెగాపిక్సెల్ డెప్త్ సెన్సార్ కూడా ఇందులో ఉన్నాయి. సెల్ఫీలు, వీడియో కాల్స్ కోసం ముందువైపు 5 మెగాపిక్సెల్ కెమెరాను అందించారు.

దీని బ్యాటరీ సామర్థ్యం 5000 ఎంఏహెచ్ కాగా, 10W ఫాస్ట్ చార్జింగ్ సపోర్ట్ కూడా ఇందులో ఉంది.  4జీ, వైఫై, బ్లూటూత్ వీ5, మైక్రో యూఎస్‌బీ, 3.5 ఎంఎం హెడ్‌ఫోన్ జాక్ కూడా ఇందులో ఉన్నాయి. ఫింగర్ ప్రింట్ సెన్సార్‌ను ఫోన్ వెనకభాగంలో అందించారు దీని మందం 0.9 సెంటీమీటర్లుగానూ, బరువు 194 గ్రాములుగానూ ఉంది.

ఇంట్రస్టింగ్‌ వీడియోలు, విశ్లేషణల కోసం ABP Desam YouTube Channel సబ్‌స్క్రైబ్‌ చేయండి