Redmi 10 Power: రెడ్‌మీ పవర్ ఫోన్ వచ్చేస్తుంది - ధర మాత్రం బడ్జెట్‌లోనే!

ప్రముఖ స్మార్ట్ ఫోన్ బ్రాండ్ షియోమీ త్వరలో రెడ్‌మీ 10 స్మార్ట్ ఫోన్ లాంచ్ కానుందని తెలుస్తోంది.

రెడ్‌మీ 10 పవర్ స్మార్ట్ ఫోన్ త్వరలో లాంచ్ కానున్నట్లు తెలుస్తోంది.

షియోమీ ఇటీవలే మనదేశంలో రెడ్‌మీ 10 స్మార్ట్ ఫోన్ లాంచ్ చేసింది. అయితే ఈ కొత్త రెడ్‌మీ 10 సిరీస్‌లో రెడ్‌మీ 10 పవర్ అనే కొత్త స్మార్ట్ ఫోన్ కూడా లాంచ్ కానున్నట్లు తెలుస్తోంది. ప్రముఖ టిప్‌స్టర్ కేస్పర్ స్క్ర్జీపెక్ ట్విట్టర్‌లో ఈ విషయాన్ని లీక్ చేశారు. అయితే దీని గురించిన వివరాలు తెలియరాలేదు.

రెడ్‌మీ 10 ఇటీవలే మనదేశంలో లాంచ్ అయింది.ఇందులో రెండు వేరియంట్లు లాంచ్ అయ్యాయి. వీటిలో 4 జీబీ ర్యామ్ + 64 జీబీ స్టోరేజ్ ధర రూ.10,999గా నిర్ణయించారు. 6 జీబీ ర్యామ్ + 128 జీబీ స్టోరేజ్ వేరియంట్ ధర రూ.12,999గా ఉంది. రెడ్‌మీ 10 పవర్ స్మార్ట్ ఫోన్ ధర కూడా బడ్జెట్ రేంజ్‌లో ఉండే అవకాశం ఉంది.

రెడ్‌మీ 10 స్పెసిఫికేషన్లు
ఆండ్రాయిడ్ 11 ఆధారిత ఎంఐయూఐ 13 ఆపరేటింగ్ సిస్టంపై రెడ్‌మీ 10 పనిచేయనుంది. ఇందులో 6.7 అంగుళాల హెచ్‌డీ+ డిస్‌ప్లేను అందించారు. దీని యాస్పెక్ట్ రేషియో 20.6:9గా ఉంది. 400 నిట్స్ పీక్ బ్రైట్‌నెస్‌ను ఇందులో అందించారు. స్క్రీన్ ప్రొటెక్షన్ కోసం కార్నింగ్ గొరిల్లా గ్లాస్ 3 ప్రొటెక్షన్ కూడా ఇందులో ఉంది.

6 జీబీ వరకు ర్యామ్, 128 జీబీ వరకు స్టోరేజ్ ఇందులో అందించారు. స్టోరేజ్‌ను మైక్రో ఎస్‌డీ కార్డు ద్వారా ఇంకా పెంచుకునే అవకాశం ఉంది. క్వాల్‌కాం స్నాప్‌డ్రాగన్ 680 ప్రాసెసర్‌పై ఈ ఫోన్ పనిచేయనుంది. 6000 ఎంఏహెచ్ బ్యాటరీని ఇందులో అందించారు. 18W ఫాస్ట్ చార్జింగ్‌ను ఇది సపోర్ట్ చేయనుంది.

ఇక కెమెరాల విషయానికి వస్తే... ఇందులో వెనకవైపు రెండు కెమెరాలు అందించారు. వీటిలో ప్రధాన కెమెరా సామర్థ్యం 50 మెగాపిక్సెల్ కాగా... 2 మెగాపిక్సెల్ పొర్‌ట్రెయిట్ సెన్సార్ కూడా ఉంది. సెల్ఫీలు, వీడియో కాల్స్ కోసం ముందువైపు 5 మెగాపిక్సెల్ కెమెరా అందించారు.

4జీ ఎల్టీఈ, వైఫై, బ్లూటూత్ వీ5.0, జీపీఎస్/ఏ-జీపీఎస్, యూఎస్‌బీ టైప్-సీ పోర్టు, 3.5 ఎంఎం హెడ్ ఫోన్ జాక్ కూడా ఇందులో ఉన్నాయి. యాక్సెలరో మీటర్, యాంబియంట్ లైట్ సెన్సార్, ప్రాక్సిమిటీ సెన్సార్‌లు కూడా ఇందులో ఉన్నాయి. ఫింగర్ ప్రింట్ సెన్సార్ ఫోన్ వెనకవైపు ఉంది. దీని మందం 0.91 సెంటీమీటర్లు కాగా, బరువు 203 గ్రాములుగా ఉంది.