OnePlus Nord CE 3: వన్ప్లస్ బడ్జెట్ ఫోన్ ధర భారీగా తగ్గింపు - ఇప్పుడు ఎంతంటే?
OnePlus Nord CE 3 Price Drop: ప్రముఖ స్మార్ట్ ఫోన్ బ్రాండ్ వన్ప్లస్ తన బడ్జెట్ ఫోన్ ధరను భారీగా తగ్గించింది. వన్ప్లస్ నార్డ్ సీఈ 3 స్మార్ట్ ఫోన్ను రూ.22,990కే కొనుగోలు చేయవచ్చు.
OnePlus Nord CE 3 Price Cut: వన్ప్లస్ నార్డ్ సీఈ 3 ధరను మనదేశంలో తగ్గించారు. ఈ ఫోన్ మనదేశంలో 2023 జూన్లో లాంచ్ అయింది. గతేడాది నవంబర్లో దీని ధరను మొదట తగ్గించారు. ఇప్పుడు దీని ధర మరో రూ.2,000 తగ్గింది. ఆక్టాకోర్ క్వాల్కాం స్నాప్డ్రాగన్ 782జీ చిప్సెట్పై ఈ ఫోన్ రన్ కానుంది. ఆండ్రాయిడ్ 13 ఆపరేటింగ్ సిస్టంపై వన్ప్లస్ నార్డ్ సీఈ 3 పని చేయనుంది. ఫోన్ వెనకవైపు మూడు కెమెరాలు అందించారు. వన్ప్లస్ నార్డ్ సీఈ 3కి తర్వాతి వెర్షన్గా వన్ప్లస్ నార్డ్ సీఈ 4 కూడా లాంచ్ అయింది.
వన్ప్లస్ నార్డ్ సీఈ 3 ధర (OnePlus Nord CE 3 Price in India)
ఈ ఫోన్ ధర లాంచ్ అయినప్పుడు మనదేశంలో రూ.26,999గా ఉంది. కానీ ఇప్పుడు రూ.22,990కే అమెజాన్లో లిస్ట్ అయి ఉంది. అంటే ఏకంగా రూ.4,000కు పైగా తగ్గింపు లభించిందన్న మాట. ఐసీఐసీఐ, హెచ్డీఎఫ్సీ బ్యాంకు కార్డులతో కొనుగోలు చేస్తే అదనంగా మరో రూ.2,000 తగ్గింపు లభించనుంది. అంటే రూ.20,990కే లభించనుందన్న మాట. ఇది 8 జీబీ ర్యామ్ + 128 జీబీ స్టోరేజ్ వేరియంట్ ధర. 256 జీబీ స్టోరేజ్ వేరియంట్ ప్రస్తుతం అవుట్ ఆఫ్ స్టాక్లో ఉంది.
Read Also: 'వ్లాగర్' పేరుతో గూగుల్ సృష్టిస్తున్న AI సంచలనం, ఒక్క ఫోటోతో సినిమా తీసేస్తోంది
వన్ప్లస్ నార్డ్ సీఈ 3 స్పెసిఫికేషన్లు, ఫీచర్లు
వన్ప్లస్ నార్డ్ సీఈ 3లో 6.7 అంగుళాల ఫుల్ హెచ్డీ+ ఫ్లూయిడ్ అమోఎల్ఈడీ డిస్ప్లేను అందించారు. దీని స్క్రీన్ రిఫ్రెష్ రేట్ 120 హెర్ట్జ్గా ఉంది. క్వాల్కాం స్నాప్డ్రాగన్ 782జీ ప్రాసెసర్పై ఈ ఫోన్ పని చేయనుంది. 12 జీబీ వరకు ర్యామ్, 256 జీబీ వరకు స్టోరేజ్తో ఈ ఫోన్ లాంచ్ అయింది. కానీ ప్రస్తుతం 8 జీబీ ర్యామ్, 128 జీబీ స్టోరేజ్ వేరియంట్ మాత్రమే అందుబాటులో ఉంది. ఆండ్రాయిడ్ 13 ఆధారిత ఆక్సిజన్ఓఎస్ 13.1 ఆపరేటింగ్ సిస్టం ద్వారా వన్ప్లస్ నార్డ్ సీఈ 3 రన్ కానుంది.
ఇక కెమెరాల విషయానికి వస్తే... వన్ప్లస్ నార్డ్ సీఈ 3లో వెనకవైపు మూడు కెమెరాలు ఉన్నాయి. వీటిలో ప్రధాన కెమెరాగా 50 మెగాపిక్సెల్ సోనీ ఐఎంఎక్స్890 సెన్సార్ అందుబాటులో ఉంది. దీంతోపాటు 8 మెగాపిక్సెల్ అల్ట్రా వైడ్ యాంగిల్ లెన్స్, 2 మెగాపిక్సెల్ మాక్రో షూటర్ ఉన్నాయి. సెల్పీలు, వీడియో కాల్స్ కోసం ముందువైపు 16 మెగాపిక్సెల్ కెమెరాను చూడవచ్చు.
వన్ప్లస్ నార్డ్ సీఈ 3 బ్యాటరీ సామర్థ్యం 5000 ఎంఏహెచ్ కాగా, 80W వైర్డ్ సూపర్వూక్ ఛార్జింగ్ను సపోర్ట్ చేయనుంది. 5జీ, 4జీ ఎల్టీఈ, వైఫై, బ్లూటూత్ వీ5.2, ఎన్ఎఫ్సీ, జీపీఎస్, ఏ-జీపీఎస్, యూఎస్బీ టైప్-సీ కనెక్టివిటీ వంటి కనెక్టివిటీ ఫీచర్లు ఈ ఫోన్లో ఉన్నాయి. సెక్యూరిటీ కోసం ఫింగర్ ప్రింట్ సెన్సార్ ఫోన్ పక్కభాగంలో ఉంది.
A blend of modern high-performance and elegant design, it's time to experience the power of red with the 8GB RAM + 128GB storage of the #OnePlus11R
— OnePlus India (@OnePlus_IN) April 17, 2024
Pre-book now: https://t.co/j4eRIIko3U pic.twitter.com/iF0Nrdl9Wo
Read Also: మామా నీ ‘టైమ్’ ఎంత? చంద్రుడికి టైమ్ జోన్ సెట్ చేస్తున్న నాసా, వైట్ హౌస్ కీలక ఆదేశాలు
Before You Go
Perplexity AI CEO Aravind Srinivas Biography | 30ఏళ్ల వయస్సుకే AI ప్రపంచాన్ని శాసిస్తున్న ఇండియన్ | ABP Desam
టాప్ హెడ్ లైన్స్
ట్రెండింగ్ వార్తలు
