Moto Edge X30: ఈ ఫోన్‌లో సెల్ఫీ కెమెరా ఉంది - కానీ కనిపించదు - అదే మ్యాజిక్కు - దీని కథేంటో చూసేయండి మరి!

ప్రముఖ స్మార్ట్ ఫోన్ బ్రాండ్ మోటొరోలా కొత్త ఫోన్ మోటో ఎడ్జ్ ఎక్స్30 అండర్ స్క్రీన్ కెమెరా ఎడిషన్ లాంచ్ అయింది.

మోటో ఎడ్జ్ ఎక్స్30 అండర్ స్క్రీన్ కెమెరా ఎడిషన్ లాంచ్ అయింది.

మోటో ఎడ్జ్ ఎక్స్30 అండర్ స్క్రీన్ కెమెరా ఎడిషన్ చైనాలో లాంచ్ అయింది. ఇందులో సెల్ఫీ కెమెరా వర్చువల్‌గా కెమెరా కింద హైడ్ కానుంది. ఇవి తప్ప మిగతా ఫీచర్లన్నీ చైనాలో గతంలో లాంచ్ అయిన మోటో ఎడ్జ్ ఎక్స్30 తరహాలోనే ఉన్నాయి. ఇందులో ఆక్టాకోర్ స్నాప్‌డ్రాగన్ 8 జెన్ 1 ప్రాసెసర్‌ను అందించనున్నారు. దీని స్క్రీన్ రిఫ్రెష్ రేట్ 120 హెర్ట్జ్‌గా ఉండనుంది.

మోటో ఎడ్జ్ ఎక్స్30 అండర్ స్క్రీన్ కెమెరా ఎడిషన్ ధర
ఇందులో కేవలం ఒక్క వేరియంట్ మాత్రమే అందుబాటులో ఉంది. 12 జీబీ ర్యామ్ + 256 జీబీ స్టోరేజ్‌తో వచ్చిన వేరియంట్ ధర 3,499 యువాన్లుగా(సుమారు రూ.41,900) నిర్ణయించారు. దీనికి సంబంధించిన ప్రీ-ఆర్డర్లు చైనాలో ప్రారంభం అయ్యాయి.

మోటో ఎడ్జ్ ఎక్స్30 అండర్ స్క్రీన్ కెమెరా ఎడిషన్ స్పెసిఫికేషన్లు
ఇందులో 6.8 అంగుళాల ఓఎల్ఈడీ డిస్‌ప్లేను కంపెనీ అందించింది. దీని యాస్పెక్ట్ రేషియో 20:9గా ఉండగా, 144 హెర్ట్జ్ స్క్రీన్ రిఫ్రెష్ రేట్, హెచ్‌డీఆర్10+ సపోర్ట్ కూడా ఇందులో ఉన్నాయి. ఆక్టాకోర్ స్నాప్‌డ్రాగన్ 8 జెన్ 1 ప్రాసెసర్‌ను ఇందులో అందించారు.

12 జీబీ వరకు ర్యామ్ ఇందులో ఉంది. 256 జీబీ స్టోరేజ్ కూడా ఇందులో ఉంది. ఆండ్రాయిడ్ 12 ఆపరేటింగ్ సిస్టంపై మోటో ఎడ్జ్ ఎక్స్30 పనిచేయనుంది. ఈ ఫోన్ బ్యాటరీ సామర్థ్యం 5000 ఎంఏహెచ్‌గా ఉంది. 68W టర్బోపవర్ ఫాస్ట్ చార్జింగ్‌ను ఇది సపోర్ట్ చేయనుంది. 

ఇందులో వెనకవైపు మూడు కెమెరాలు అందించారు. వీటిలో ప్రధాన కెమెరా సామర్థ్యం 50 మెగాపిక్సెల్ కాగా, దీంతోపాటు 50 మెగాపిక్సెల్ వైడ్ యాంగిల్ లెన్స్, 2 మెగాపిక్సెల్ డెప్త్ సెన్సార్ కూడా ఉన్నాయి. సెల్ఫీలు, వీడియో కాల్స్ కోసం ముందువైపు ఏకంగా 60 మెగాపిక్సెల్ సెన్సార్‌ను అందించారు. ఈ కెమెరా డిస్‌ప్లే కింద హైడ్ కానుంది.

యాక్సెలరోమీటర్, యాంబియంట్ లైట్ సెన్సార్, గైరోస్కోప్, మ్యాగ్నెటోమీటర్, ప్రాక్సిమిటీ సెన్సార్ కూడా ఇందులో అందించారు. 5జీ, 4జీ ఎల్టీఈ, వైఫై 6, బ్లూటూత్ వీ5.2, జీపీఎస్/ఏ-జీపీఎస్, ఎన్ఎఫ్‌సీ, యూఎస్‌బీ టైప్-సీ పోర్టు వంటి కనెక్టివిటీ ఫీచర్లు కూడా ఇందులో ఉన్నాయి. దీని మందం 0.85 సెంటీమీటర్లు కాగా, బరువు 194 గ్రాములుగా ఉంది.