Vivo Y72t: వివో కొత్త 5జీ ఫోన్ వచ్చేసింది - అదిరిపోయే ఫీచర్లు - ధర బడ్జెట్‌లోనే!

ప్రముఖ స్మార్ట్ ఫోన్ బ్రాండ్ వివో చైనాలో తన కొత్త 5జీ స్మార్ట్ ఫోన్ లాంచ్ చేసింది. అదే వివో వై72టీ.

వివో వై72టీ

వివో చైనాలో కొత్త స్మార్ట్ ఫోన్ లాంచ్ చేసింది. అదే వివో వై72టీ. మీడియాటెక్ డైమెన్సిటీ 700 ప్రాసెసర్‌ను ఇందులో అందించారు. ఫోన్ వెనకవైపు రెండు కెమెరాలు ఉన్నాయి. వీటిలో ప్రధాన కెమెరా సామర్థ్యం 50 మెగాపిక్సెల్‌గా ఉంది. 6000 ఎంఏహెచ్ భారీ బ్యాటరీని కూడా అందించారు

వివో వై72టీ ధర
ఇందులో రెండు వేరియంట్లు అందుబాటులో ఉన్నాయి. వీటిలో 8 జీబీ ర్యామ్ + 128 జీబీ స్టోరేజ్ వేరియంట్ ధర 1,399 యువాన్లుగా (సుమారు రూ.16,200) ఉంది. 8 జీబీ ర్యామ్ + 256 జీబీ స్టోరేజ్ వేరియంట్ ధరను 1,599 యువాన్లుగా (సుమారు రూ.18,200) నిర్ణయించారు. డీప్ సీ బ్లాక్, ఇంటర్‌స్టెల్లార్ పౌడర్, బ్లూ సీ రంగుల్లో ఈ ఫోన్ కొనుగోలు చేయవచ్చు.

వివో వై72టీ స్పెసిఫికేషన్లు, ఫీచర్లు
ఇందులో 6.58 అంగుళాల ఫుల్ హెచ్‌డీ+ డిస్‌ప్లేను అందించారు. స్క్రీన్ రిఫ్రెష్ రేట్ 60 హెర్ట్జ్‌గానూ, స్క్రీన్ టు బాడీ రేషియో 92 శాతంగా ఉంది. మీడియాటెక్ డైమెన్సిటీ 700 ప్రాసెసర్‌పై వివో వై72టీ స్మార్ట్ ఫోన్ పనిచేయనుంది.

8 జీబీ ర్యామ్, 256 జీబీ వరకు స్టోరేజ్ ఇందులో ఉన్నాయి. ఆండ్రాయిడ్ 11 ఆధారిత ఆరిజిన్ఓఎస్  ఆపరేటింగ్ సిస్టం ద్వారా ఈ ఫోన్ ఉపయోగించవచ్చు. దీని బ్యాటరీ సామర్థ్యం 6000 ఎంఏహెచ్ కాగా 18W ఫాస్ట్ చార్జింగ్‌ను వివో వై72టీ సపోర్ట్ చేయనుంది.

ఇక కెమెరాల విషయానికి వస్తే... ఈ స్మార్ట్‌ఫోన్ వెనకవైపు రెండు కెమెరాలు ఉన్నాయి. వీటిలో ప్రధాన కెమెరా సామర్థ్యం 50 మెగాపిక్సెల్ కాగా దీంతోపాటు మరో 2 మెగాపిక్సెల్ సెన్సార్ కూడా ఉంది. ఇక సెల్ఫీలు, వీడియో కాల్స్ కోసం ముందువైపు 8 మెగాపిక్సెల్ సెన్సార్‌ను అందించారు.

 

 

 

 

 

View this post on Instagram

 

 

 

 

 

 

 

 

 

 

 

A post shared by techhome (@techhomenews)