Samsung Galaxy S23 Ultra: శాంసంగ్ గెలాక్సీ ఎస్23 అల్ట్రాపై భారీ ఆఫర్ - ఏకంగా సగం వరకు తగ్గింపు!

Samsung Galaxy S23 Ultra Price Drop: శాంసంగ్ గెలాక్సీ ఎస్23 అల్ట్రా స్మార్ట్ ఫోన్ ధరను కంపెనీ భారీగా తగ్గించింది. ఇప్పుడు దీన్ని దాదాపు సగం ధరకే కొనుగోలు చేయవచ్చు.

శాంసంగ్ గెలాక్సీ ఎస్23 అల్ట్రా

Source : Samsung

Samsung Galaxy S23 Ultra Price Cut: శాంసంగ్ గెలాక్సీ ఎస్25 సిరీస్‌ను ఈ నెలలో విడుదల చేయనుంది. జనవరి 22వ తేదీన జరగనున్న ఈవెంట్‌లో ఈ లైనప్‌ను లాంచ్ చేయనున్నట్లు పలు వార్తలు వస్తున్నాయి. అంతకుముందు కంపెనీ గెలాక్సీ ఎస్23 అల్ట్రా ధరలను భారీగా తగ్గించింది. ఈ ఫోన్ అమెజాన్‌లో అత్యంత తక్కువ ధరకు అందుబాటులో ఉంది. అటువంటి పరిస్థితిలో మీరు ఫ్లాగ్‌షిప్ డివైస్‌ను తక్కువ ధరలో కొనుగోలు చేయాలనుకుంటే ఇప్పుడే సరైన సమయం.

శాంసంగ్ గెలాక్సీ ఎస్23 అల్ట్రాపై భారీ తగ్గింపు
శాంసంగ్ గెలాక్సీ ఎస్23 అల్ట్రా 12 జీబీ ర్యామ్ + 256 జీబీ స్టోరేజ్ వేరియంట్ రూ. 1.49 లక్షల ధరతో మార్కెట్లో లాంచ్ అయింది. అయితే ఇది అమెజాన్‌లో ఇప్పుడు రూ.79,999కి అందుబాటులో ఉంది. ఈ ఫోన్‌పై అమెజాన్ దాదాపు 47 శాతం తగ్గింపును అందిస్తోంది. డిస్కౌంట్‌తో పాటు నో కాస్ట్ ఈఎంఐ, అనేక బ్యాంక్ ఆఫర్‌లు కూడా అందుబాటులో ఉన్నాయి. దీంతో మరింత డబ్బు ఆదా చేసుకోవచ్చు. అమెజాన్ ఈ ఫ్లాగ్‌షిప్‌ ఫోన్‌ను ఎక్స్ఛేంజ్ ఆఫర్‌లో కొనుగోలు చేసే అవకాశాన్ని కూడా కల్పిస్తోంది. 

శాంసంగ్ గెలాక్సీ ఎస్23 అల్ట్రా ఫీచర్లు
శాంసంగ్ గెలాక్సీ ఎస్23 అల్ట్రా అద్భుతమైన ఫీచర్లను కలిగి ఉంది. ఈ ఫోన్ అమోఎల్ఈడీ డిస్‌ప్లేతో వస్తుంది. ఇది 120 హెర్ట్జ్ అడాప్టివ్ రిఫ్రెష్ రేట్‌కు మద్దతు ఇస్తుంది. ఇది శక్తివంతమైన పనితీరు, సులభమైన మల్టీ టాస్కింగ్ కోసం క్వాల్‌కాం స్నాప్‌డ్రాగన్ 8 జెన్ 2 చిప్‌సెట్‌ను కలిగి ఉంది. ఇది 12 జీబీ ర్యామ్ + 256 జీబీ స్టోరేజ్, 12 జీబీ ర్యామ్ + 512 జీబీ స్టోరేజ్ వేరియంట్లలో లభిస్తుంది.

కెమెరా గురించి చెప్పాలంటే ఈ ఫోన్ క్వాడ్ కెమెరా సెటప్‌తో మార్కెట్లోకి వచ్చింది. ఇందులో 200 మెగాపిక్సెల్ మెయిన్ లెన్స్, 10 మెగాపిక్సెల్ టెలిఫోటో లెన్స్, 10 మెగాపిక్సెల్ పెరిస్కోప్ కెమెరా, 12 మెగాపిక్సెల్ అల్ట్రావైడ్ కెమెరా ఉన్నాయి. లాంచ్ సమయంలో ఈ ఫోన్ కెమెరా సామర్థ్యాల గురించి చాలా ప్రశంసలు వచ్చాయి. ఈ కెమెరా సెటప్‌తో శాంసంగ్ గెలాక్సీ ఎస్23 అల్ట్రా ఇప్పటికీ ఇతర కంపెనీల అనేక ఫ్లాగ్‌షిప్ మోడల్‌లతో పోటీపడుతోంది. అటువంటి పరిస్థితిలో ఎవరైనా సరసమైన ధరలో గొప్ప ఫీచర్లతో ఫ్లాగ్‌షిప్ ఫోన్‌ను కొనుగోలు చేయాలనుకుంటే ఇదే సరైన అవకాశం అని చెప్పుకోవాలి. 2023లో ఈ ఫోన్ మార్కెట్లో లాంచ్ అయింది. లాంచ్ అయినప్పుడే ఐదు జనరేషన్ ఆండ్రాయిడ్ అప్‌డేట్లు ఇస్తామని శాంసంగ్ ప్రకటించింది. దీన్ని బట్టి ఇంకో మూడు మేజర్ అప్‌డేట్లను ఈ ఫోన్ అందుకోనుంది. కాబట్టి ఇప్పట్లో ఈ ఫోన్ అవుట్ డేటెడ్ కూడా కాదన్న మాట.

Starting this months challenge with one of my most favorite astrophotography ✨️

Shot on Samsung Galaxy S23 Ultra powered by @Snapdragon 📸

Main Lens, Expert RAW Astrophotography Mode (10 minutes)#InTheStars #galaxyS23Ultra @Snapdragon_UK @gregcroc @ThePhotoHour https://t.co/C3hckRWLaq pic.twitter.com/UxJWp3HRpK

— Fahim Al Mahmud Ashik (@fahim_al_mahmud) October 2, 2024