Samsung Galaxy S22 Price Drop: శాంసంగ్ సూపర్ ఫోన్‌పై అమెజాన్‌లో కళ్లు చెదిరే ఆఫర్ - ఏకంగా రూ.20 వేలు!
శాంసంగ్ గెలాక్సీ ఎస్22 స్మార్ట్ ఫోన్‌పై అమెజాన్ సేల్‌లో భారీ ఆఫర్ అందించనున్నారు. ఈ సేల్‌లో దీని ధర రూ.52,999 నుంచి ప్రారంభం కానుంది.
శాంసంగ్ గెలాక్సీ ఎస్22 స్మార్ట్ ఫోన్‌పై అమెజాన్‌లో సూపర్ ఆఫర్ అందించనున్నారు. దీనిపై ఏకంగా రూ.20 వేల తగ్గింపు లభించనుంది. దీన్ని అమెజాన్ బిగ్గెస్ట్ డీల్ ఆఫ్ ది ఇయర్‌గా చెబుతోంది. ఈ సంవత్సరం ఫిబ్రవరిలోనే ఈ ఫోన్ మార్కెట్లోకి ఎంట్రీ ఇచ్చింది. క్వాల్‌కాం స్నాప్‌డ్రాగన్ 8 జెన్ 1 ప్రాసెసర్‌ను శాంసంగ్ గెలాక్సీ ఎస్22లో అందించారు.
శాంసంగ్ గెలాక్సీ ఎస్22 ధర
ఇందులో రెండు వేరియంట్లు లాంచ్ అయ్యాయి. వీటిలో ప్రారంభ వేరియంట్ అయిన 8 జీబీ ర్యామ్ + 128 జీబీ స్టోరేజ్ వేరియంట్ ధర రూ.72,999గా నిర్ణయించారు. దీన్ని రూ.52,999కు విక్రయించనున్నారు. అంటే రూ.20 వేలు తగ్గిందన్న మాట. ఇక 8 జీబీ ర్యామ్ + 256 జీబీ స్టోరేజ్ వేరియంట్ ధర రూ.76,999గా ఉంది. దీని ధర ఎంతనేది తెలియరాలేదు. గ్రీన్, ఫాంటం బ్లాక్, ఫాంటం వైట్ రంగుల్లో ఈ ఫోన్ కొనుగోలు చేయవచ్చు.
శాంసంగ్ గెలాక్సీ ఎస్22 స్పెసిఫికేషన్లు
ఆండ్రాయిడ్ 12 ఆధారిత వన్‌యూఐ 4.1 ఆపరేటింగ్ సిస్టంపై శాంసంగ్ గెలాక్సీ ఎస్22 పనిచేయనుంది. ఇందులో 6.1 అంగుళాల ఫుల్ హెచ్‌డీ+ డైనమిక్ అమోఎల్ఈడీ 2X డిస్‌ప్లేను అందించారు. గొరిల్లా గ్లాస్ విక్టస్+ ప్రొటెక్షన్‌ను ఇందులో అందించారు. ఆర్మర్ అల్యూమినియం చాసిస్ కూడా ఇందులో ఉంది. ఇందులో అడాప్టివ్ 120 హెర్ట్జ్ ఫీచర్‌ను అందించారు. 8 జీబీ ర్యామ్ ఇందులో ఉంది. 5జీ, 4జీ ఎల్టీఈ, వైఫై 6, బ్లూటూత్ వీ5.2, జీపీఎస్/ఏ-జీపీఎస్, ఎన్ఎఫ్‌సీ, యూఎస్‌బీ టైప్-సీ పోర్టు కూడా ఇందులో ఉన్నాయి.
ఇక కెమెరా విషయానికి వస్తే.. ఇందులో వెనకవైపు మూడు కెమెరాలు ఉండనున్నాయి. ఈ మూడిట్లో ప్రధాన కెమెరా సామర్థ్యం 50 మెగాపిక్సెల్ కాగా, దీంతోపాటు 12 మెగాపిక్సెల్ అల్ట్రా వైడ్ యాంగిల్ కెమెరా, 10 మెగాపిక్సెల్ టెలిఫొటో సెన్సార్ కూడా ఇందులో ఉన్నాయి. సెల్ఫీలు, వీడియో కాల్స్ కోసం ముందువైపు 10 మెగాపిక్సెల్ కెమెరాను అందించారు.
యాక్సెలరో మీటర్, యాంబియంట్ లైట్ సెన్సార్, బారోమీటర్, జియోమ్యాగ్నటిక్, గైరో స్కోప్, హాల్, ప్రాక్సిమిటీ సెన్సార్లు కూడా ఇందులో శాంసంగ్ అందించింది. క్వాల్‌కాం స్నాప్‌డ్రాగన్ 8 జెన్ 1 ప్రాసెసర్‌పై శాంసంగ్ గెలాక్సీ ఎస్22 పనిచేయనుంది. దీని బ్యాటరీ సామర్థ్యం 3700 ఎంఏహెచ్‌గా ఉంది. 25W ఫాస్ట్ చార్జింగ్‌ను, 15W వైర్‌లెస్ ఫాస్ట్ చార్జింగ్‌ను ఇది సపోర్ట్ చేయనుంది. దీని మందం 0.76 సెంటీమీటర్లు కాగా, బరువు 168 గ్రాములుగా ఉంది.
Also Read: iPhone 14 Series: ఐఫోన్ 14 సిరీస్ వచ్చేసింది - ధర విషయంలో జాగ్రత్త పడ్డ యాపిల్ - మనదేశంలో ఎంతంటే?
Also Read: Apple Watch Series 8: యాపిల్ బెస్ట్ వాచ్ వచ్చేసింది - మనదేశంలో ధర ఎంతో తెలుసా?
Samsung Galaxy S22 Price Revealed at Rs.52999https://t.co/D8tZcfGfBf pic.twitter.com/ZdTO6mLKtM
— TechGlare Deals (@Tech_glareOffl) September 19, 2022
టాప్ హెడ్ లైన్స్
ట్రెండింగ్ వార్తలు
