Redmi Note 11SE: రూ.13 వేలలోపే రెడ్‌మీ కొత్త 5జీ ఫోన్ - అదిరిపోయే ఫీచర్లు - ఫోన్ ఎలా ఉందో చూశారా?
ప్రముఖ స్మార్ట్ ఫోన్ బ్రాండ్ షియోమీ తన కొత్త 5జీ ఫోన్ లాంచ్ చేసింది. అదే రెడ్‌మీ నోట్ 11ఎస్ఈ.
రెడ్‌మీ నోట్ 11ఎస్ఈ స్మార్ట్ ఫోన్ చైనాలో లాంచ్ అయింది. ఇది ఒక చవకైన 5జీ స్మార్ట్ ఫోన్. డ్యూయల్ 5జీ ఫీచర్‌ను రెడ్‌మీ ఇందులో అందించింది. మీడియాటెక్ డైమెన్సిటీ 700 ప్రాసెసర్‌పై రెడ్‌మీ నోట్ 11ఎస్ఈ పనిచేయనుంది. దీని డిస్‌ప్లేకు అడాప్టివ్ సింక్ టెక్నాలజీ సపోర్ట్ కూడా ఉంది.
రెడ్‌మీ నోట్ 11ఎస్ఈ ధర
ఈ స్మార్ట్ ఫోన్లను చైనాలో ప్రీ-ఆర్డర్ చేయవచ్చు. ఇందులో ప్రారంభ వేరియంట్ అయిన 4 జీబీ ర్యామ్ + 128 జీబీ స్టోరేజ్ వేరియంట్ ధర 1,099 యువాన్లుగా (సుమారు రూ.13,000) ఉంది. 8 జీబీ ర్యామ్ + 128 జీబీ స్టోరేజ్ వేరియంట్ ధరను 1,399 యువాన్లుగా (సుమారు రూ.16,000) నిర్ణయించారు. డీప్ స్పేస్ బ్లూ, షాడో బ్లాక్ రంగుల్లో ఈ ఫోన్ కొనుగోలు చేయవచ్చు.
రెడ్‌మీ నోట్ 11ఎస్ఈ స్పెసిఫికేషన్లు, ఫీచర్లు
ఇందులో 6.5 అంగుళాల ఫుల్ హెచ్‌డీ+ డిస్‌ప్లేను అందించారు. అడాప్టివ్ సింక్ టెక్నాలజీ ద్వారా 30 హెర్ట్జ్, 50 హెర్ట్జ్, 60 హెర్ట్జ్, 90 హెర్ట్జ్ రిఫ్రెష్ రేట్ల మధ్య దీన్ని ఉపయోగించవచ్చు. బ్యాటరీ సేవ్ అవుతుంది. మీడియాటెక్ డైమెన్సిటీ 700 ప్రాసెసర్‌పై ఈ ఫోన్ పనిచేయనుంది.
8 జీబీ వరకు ఎల్పీడీడీఆర్4 ర్యామ్, 128 జీబీ స్టోరేజ్ ఇందులో ఉన్నాయి. ఆండ్రాయిడ్ 11 ఆధారిత ఎంఐయూఐ 12.5 ఆపరేటింగ్ సిస్టం ద్వారా ఈ ఫోన్ ఉపయోగించవచ్చు. దీని బ్యాటరీ సామర్థ్యం 5000 ఎంఏహెచ్ కాగా 18W ఫాస్ట్ చార్జింగ్‌ను ఈ ఫోన్ సపోర్ట్ చేయనుంది.
ఇక కెమెరాల విషయానికి వస్తే... ఫోన్ వెనకవైపు రెండు కెమెరాలు ఉన్నాయి. వీటిలో ప్రధాన కెమెరా సామర్థ్యం 48 మెగాపిక్సెల్ కాగా దీంతోపాటు 2 మెగాపిక్సెల్ సెన్సార్ కూడా ఉంది. ఇక సెల్ఫీలు, వీడియో కాల్స్ కోసం ముందువైపు 8 మెగాపిక్సెల్ కెమెరాను అందించారు. ఈ ఫోన్ మందం 0.89 సెంటీమీటర్లు కాగా... బరువు 192 గ్రాములుగా ఉంది.
Also Read: వన్‌ప్లస్ 10ఆర్ వచ్చేసింది - ఏకంగా 150W ఫాస్ట్ చార్జింగ్ - ధర ఎంతంటే?
Also Read: రూ.10 వేలలోనే ట్యాబ్లెట్ - లాంచ్ చేసిన రియల్‌మీ - ఎలా ఉందో చూశారా!
View this post on Instagram
టాప్ హెడ్ లైన్స్
ట్రెండింగ్ వార్తలు
