Realme Festive Days Sale: ఫెస్టివల్ డేస్‌లో రియల్‌మీ బంపర్ ఆఫర్ - రూ.16 వేల వరకు డిస్కౌంట్లు!

రియల్‌మీ ఫెస్టివ్ డేస్ ఆఫర్ సేల్‌ను త్వరలో నిర్వహించనుంది.

రియల్‌మీ ఫెస్టివ్ డేస్ ఆఫర్ సేల్ త్వరలో ప్రారంభం కానుంది.

రియల్‌మీ ఫెస్టివ్ డేస్ ఆఫర్ సేల్‌ను కంపెనీ ప్రకటించింది. ఇందులో కంపెనీ స్మార్ట్ ఫోన్లు, ల్యాప్‌టాప్‌లు, ఇంటర్నెట్ ఆఫ్ ప్రొడక్ట్స్‌పై భారీ తగ్గింపు అందించనున్నారు. వీటిపై ఏకంగా రూ.16 వేల వరకు తగ్గింపు లభించనుంది. ఇటీవలే లాంచ్ అయిన రియల్‌మీ జీటీ నియో 3టీ సేల్ కూడా ఆ సమయంలోనే జరగనుంది.

సెప్టెంబర్ 23వ తేదీ నుంచిఈ ఫెస్టివల్ సేల్ జరగనుంది. రియల్‌మీ ఆన్‌లైన్ స్టోర్, ఫ్లిప్‌కార్ట్, అమెజాన్‌ల్లో దీన్ని కొనుగోలు చేయవచ్చు. మొదటి సేల్‌లో రియల్‌మీ జీటీ నియో 3టీపై ఏకంగా రూ.7,000 వరకు తగ్గింపును అందించనున్నారు.

80W ఫాస్ట్ చార్జింగ్, క్వాల్‌కాం స్నాప్‌డ్రాగన్ 870 ప్రాసెసర్‌లు ఉన్న అత్యంత చవకైన ఫోన్ ఇదేనని కంపెనీ గతంలోనే ప్రకటించింది. రియల్‌మీ జీటీ 2 ప్రోపై రూ.15 వేల వరకు తగ్గింపును అందించనున్నారు. అమెజాన్, రియల్‌మీ.కాంల్లో రియల్‌మీ నార్జో 50 5జీని రూ.11,999కే కొనుగోలు చేయవచ్చు. దీంతో దేశంలో అత్యంత చవకైన 5జీ ఫోన్ ఇదే కానుంది.

రియల్‌మీ ల్యాప్‌టాప్‌లపై కూడా రూ.16 వేల వరకు తగ్గింపును అందించనున్నారు. అమెజాన్ గ్రేట్ ఇండియన్ ఫెస్టివల్ సేల్, ఫ్లిప్‌కార్ట్ బిగ్ బిలియన్ డేస్‌తో పాటే రియల్‌మీ ఫెస్టివ్ డేస్ కూడా జరగనుందన్న విషయం మాత్రం గుర్తుంచుకోవాలి. ఎందుకంటే ఇదే టైమ్ పీరియడ్‌లో దాదాపు అన్ని బ్రాండ్లకు చెందిన స్మార్ట్ ఫోన్లు, ల్యాప్‌టాప్‌లపై తగ్గింపు అందించనున్నారు.

రియల్‌మీ జీటీ నియో 3టీ ఇటీవలే మనదేశంలో లాంచ్ అయింది. ఈ స్మార్ట్ ఫోన్ మూడు వేరియంట్లలో లాంచ్ అయింది. వీటిలో 6 జీబీ ర్యామ్ + 128 జీబీ స్టోరేజ్ వేరియంట్ ధర రూ.29,999 కాగా, 8 జీబీ ర్యామ్ + 128 జీబీ స్టోరేజ్ వేరియంట్ ధర రూ.31,999గా ఉంది. ఇక టాప్ ఎండ్ వేరియంట్ అయిన 8 జీబీ ర్యామ్ + 256 జీబీ స్టోరేజ్ వేరియంట్ ధర రూ.33,999గా నిర్ణయించారు. దీనికి సంబంధించిన సేల్ సెప్టెంబర్ 23వ తేదీ నుంచి ప్రారంభం కానుంది. ఫ్లిప్‌కార్ట్, రియల్‌మీ.కాంల్లో ఈ ఫోన్ కొనుగోలు చేయవచ్చు. డాష్ ఎల్లో, డ్రిఫ్టింగ్ వైట్, షేడ్ బ్లాక్ కలర్ ఆప్షన్లలో ఈ ఫోన్ కొనుగోలు చేయవచ్చు.

రియల్‌మీ జీటీ నియో 3టీ స్పెసిఫికేషన్లు
ఆండ్రాయిడ్ 12 ఆధారిత రియల్‌మీ యూఐ 3.0 ఆపరేటింగ్ సిస్టంపై ఈ ఫోన్ పనిచేయనుంది. ఇందులో 6.62 అంగుళాల ఫుల్ హెచ్‌డీ+ ఈ4 అమోఎల్ఈడీ డిస్‌ప్లేను అందించారు. దీని స్క్రీన్ రిఫ్రెష్ రేట్ 120 హెర్ట్జ్‌గా ఉంది. పీక్ బ్రైట్‌నెస్ 1300 నిట్స్ కాగా, హెచ్‌డీఆర్10+ సపోర్ట్ కూడా ఉంది. 8 జీబీ వరకు ర్యామ్ ఇందులో ఉంది. డైనమిక్ ర్యామ్ ఎక్స్‌ప్యాన్షన్ ఫీచర్ ద్వారా మరో 5 జీబీ వరకు ర్యామ్ పెంచుకోవచ్చు. 256 జీబీ వరకు స్టోరేజ్ ఉంది.

ఇక కెమెరాల విషయానికి వస్తే... ఫోన్ వెనకవైపు మూడు కెమెరాలు ఉన్నాయి. వీటిలో ప్రధాన కెమెరా సామర్థ్యం 64 మెగాపిక్సెల్ కాగా, దీంతోపాటు 8 మెగాపిక్సెల్ అల్ట్రా వైడ్ యాంగిల్ లెన్స్, 2 మెగాపిక్సెల్ మాక్రో కెమెరా కూడా ఉంది. సెల్ఫీలు, వీడియో కాల్స్ కోసం ముందువైపు 16 మెగాపిక్సెల్ కెమెరాను అందించారు.

దీని బ్యాటరీ సామర్థ్యం 5000 ఎంఏహెచ్ కాగా, 80W ఫాస్ట్ చార్జింగ్‌ను ఈ ఫోన్ సపోర్ట్ చేయనుంది. క్వాల్‌కాం స్నాప్‌డ్రాగన్ 870 ప్రాసెసర్‌పై రియల్‌మీ జీటీ నియో 3టీ పని చేయనుంది. డాల్బీ అట్మాస్ ఫీచర్ ఉన్న డ్యూయల్ స్పీకర్లు ఉన్నాయి. దీని మందం 0.86 సెంటీమీటర్లు కాగా, బరువు 194.5 గ్రాములుగా ఉంది.