Realme 10 Pro: 108 మెగాపిక్సెల్తో రియల్మీ కొత్త ఫోన్ - రెడ్మీ నోట్ 12 ప్రోకు గట్టి పోటీ!
రియల్మీ 10 సిరీస్లో కొత్త ఫోన్ అయిన రియల్మీ 10 ప్రో ఇటీవలే చైనాలో లాంచ్ అయింది.
రియల్మీ 10 సిరీస్లో లేటెస్ట్ స్మార్ట్ ఫోన్ చైనాలో లాంచ్ అయింది. అదే రియల్మీ 10 ప్రో. డ్యూయల్ బ్యాండ్ 5జీ కనెక్టివిటీతో ఈ ఫోన్ మార్కెట్లోకి వచ్చింది. క్వాల్కాం స్నాప్డ్రాగన్ 695 5జీ ప్రాసెసర్పై ఈ ఫోన్ పని చేయనుంది. గత నెలలో చైనాలో లాంచ్ అయిన రెడ్మీ నోట్ 12 ప్రోతో ఈ ఫోన్ పోటీ పడనుంది. ఇవి రెండూ మనదేశంలో కూడా త్వరలో లాంచ్ అవుతాయి. కాబట్టి మన మార్కెట్లో కూడా వాటికి పోటీ తప్పదు.
రియల్మీ 10 ప్రో ధర
ఈ ఫోన్ రెండు వేరియంట్లలో కొనుగోలు చేయవచ్చు. ప్రారంభ వేరియంట్ అయిన 8 జీబీ ర్యామ్ + 256 జీబీ స్టోరేజ్ వేరియంట్ ధర 1,599 యువాన్లు (సుమారు రూ.18,500) కాగా, 12 జీబీ ర్యామ్ + 256 జీబీ స్టోరేజ్ ఉన్న వేరియంట్ ధరను 1,899 యువాన్లుగా (సుమారు రూ.22,000) నిర్ణయించారు. నైట్, ఓషన్, స్టార్లైట్ కలర్ ఆప్షన్లలో దీన్ని కొనుగోలు చేయవచ్చు. త్వరలో ఈ ఫోన్ మనదేశంలో కూడా లాంచ్ కానుందని కంపెనీ ప్రకటించింది.
రియల్మీ 10 ప్రో స్పెసిఫికేషన్లు, ఫీచర్లు
ఇందులో 6.72 అంగుళాల ఫుల్ హెచ్డీ+ అమోఎల్ఈడీ డిస్ప్లేను అందించారు. దీని పీక్ బ్రైట్నెస్ 680 నిట్స్గా ఉంది. దీని స్క్రీన్ టు బాడీ రేషియో 93.76 శాతం కాగా, స్క్రీన్ రిఫ్రెష్ రేట్ 120 హెర్ట్జ్గా ఉంది. క్వాల్కాం స్నాప్డ్రాగన్ 695 5జీ ప్రాసెసర్పై ఈ ఫోన్ పని చేయనుంది. 12 జీబీ వరకు ఎల్పీడీడీఆర్4ఎక్స్ ర్యామ్, 256 జీబీ యూఎఫ్ఎస్ 2.2 స్టోరేజ్ ఇందులో ఉన్నాయి. స్టోరేజ్ను మైక్రో ఎస్డీ కార్డు ద్వారా 1 టీబీ వరకు పెంచుకోవచ్చు.
ఫోన్ వెనకవైపు రెండు కెమెరాలు అందించారు. వీటిలో ప్రధాన కెమెరా సామర్థ్యం 108 మెగాపిక్సెల్ కాగా, దీంతోపాటు 2 మెగాపిక్సెల్ సెకండరీ సెన్సార్ కూడా ఉంది. సెల్ఫీలు, వీడియో కాల్స్ కోసం ముందువైపు 16 మెగాపిక్సెల్ కెమెరా ఉంది. ఆండ్రాయిడ్ 13 ఆధారిత రియల్మీ యూఐ 4.0 ఆపరేటింగ్ సిస్టంపై ఈ ఫోన్ పని చేయనుంది.
దీని బ్యాటరీ సామర్థ్యం 5000 ఎంఏహెచ్ కాగా, 33W ఫాస్ట్ చార్జింగ్ను ఈ ఫోన్ సపోర్ట్ చేయనుంది. కేవలం 30 నిమిషాల్లోనే 50 శాతం చార్జింగ్ ఎక్కుతుందని కంపెనీ అంటోంది. ఒక్కసారి పూర్తిగా చార్జ్ చేస్తే 44 గంటల పాటు ఏకబిగిన మ్యూజిక్ వినవచ్చట. దీని మందం కేవలం 0.81 సెంటీమీటర్లు మాత్రమే.
Also Read: ఐఫోన్ 14 సిరీస్ వచ్చేసింది - ధర విషయంలో జాగ్రత్త పడ్డ యాపిల్ - మనదేశంలో ఎంతంటే?
View this post on Instagram
టాప్ హెడ్ లైన్స్
ట్రెండింగ్ వార్తలు
