Oppo Reno 7A: ఒప్పో మోస్ట్ అవైటెడ్ ఫోన్ వచ్చేసింది - కానీ మనదేశంలో మాత్రం?
ప్రముఖ స్మార్ట్ ఫోన్ బ్రాండ్ ఒప్పో తన కొత్త స్మార్ట్ ఫోన్‌ను లాంచ్ చేసింది. అదే ఒప్పో రెనో 7ఏ.
ఒప్పో రెనో 7ఏ స్మార్ట్ ఫోన్ జపాన్‌లో లాంచ్ అయింది. ఈ స్మార్ట్ ఫోన్‌లో 90 హెర్ట్జ్ అమోఎల్ఈడీ డిస్‌ప్లే, ఐపీ68 రేటింగ్ ఉన్న బాడీ కూడా ఉన్నాయి. క్వాల్‌కాం స్నాప్‌డ్రాగన్ 695 ప్రాసెసర్‌పై ఈ ఫోన్ పనిచేయనుంది. 5జీని కూడా సపోర్ట్ చేయనుంది. వెనకవైపు మూడు కెమెరాలు అందించారు.
ఒప్పో రెనో 7ఏ ధర
దీని ధరను 44,800 జపాన్ యెన్‌లుగా (సుమారు రూ.26,000) నిర్ణయించారు. 6 జీబీ ర్యామ్ + 128 జీబీ స్టోరేజ్ వేరియంట్ మాత్రమే ఇందులో అందుబాటులో ఉంది. స్టారీ బ్లాక్, డ్రీమ్ బ్లూ రంగుల్లో ఈ ఫోన్ కొనుగోలు చేయవచ్చు. ఒప్పో రెనో సిరీస్‌కు మనదేశంలో కూడా చాలా ఫాలోయింగ్ ఉంది. కాబట్టి త్వరలో మనదేశంలో కూడా ఈ ఫోన్ లాంచ్ అయ్యే అవకాశం ఉంది.
ఒప్పో రెనో 7ఏ స్పెసిఫికేషన్లు
ఇందులో 6.43 అంగుళాల ఫుల్ హెచ్‌డీ+ అమోఎల్ఈడీ డిస్‌ప్లేను అందించారు. దీని స్క్రీన్ రిజల్యూషన్ 1080×2400 పిక్సెల్స్‌గా ఉంది. ఈ డిస్‌ప్లే యాస్పెక్ట్ రేషియో 20:9 కాగా, స్క్రీన్ రిఫ్రెష్ రేట్ 90 హెర్ట్జ్‌గానూ, టచ్ శాంప్లింగ్ రేట్ 180 హెర్ట్జ్‌గానూ ఉంది.
క్వాల్‌కాం స్నాప్‌డ్రాగన్ 695 ప్రాసెసర్‌పై ఈ ఫోన్ పనిచేయనుంది. 6 జీబీ ర్యామ్, 128 జీబీ స్టోరేజ్ ఇందులో ఉన్నాయి. ర్యామ్‌ను 5 జీబీ వరకు పెంచుకోవచ్చు. అలాగే స్టోరేజ్‌ను కూడా మైక్రో ఎస్‌డీ కార్డు ద్వారా పెంచుకునే అవకాశం ఉంది.
ఫోన్ వెనకవైపు మూడు కెమెరాలు ఉన్నాయి. 48 మెగాపిక్సెల్, 8 మెగాపిక్సెల్, 2 మెగాపిక్సెల్ సెన్సార్లను వెనక, 16 మెగాపిక్సెల్ సెల్పీ కెమెరాను ముందువైపు అందించారు. ఇన్ డిస్‌ప్లే ఫింగర్ ప్రింట్ సెన్సార్ కూడా ఉంది. ఆండ్రాయిడ్ 12 ఆధారిత కలర్ ఓఎస్ 12 ఆపరేటింగ్ సిస్టంను ఒప్పో రెనో 7ఏ స్మార్ట్ ఫోన్‌లో అందించారు. దీని బ్యాటరీ సామర్థ్యం 4500 ఎంఏహెచ్ కాగా... 18W ఫాస్ట్ చార్జింగ్‌ను కూడా ఈ ఫోన్ సపోర్ట్ చేయనుంది.
Also Read: వన్‌ప్లస్ 10ఆర్ వచ్చేసింది - ఏకంగా 150W ఫాస్ట్ చార్జింగ్ - ధర ఎంతంటే?
Also Read: రూ.10 వేలలోనే ట్యాబ్లెట్ - లాంచ్ చేసిన రియల్‌మీ - ఎలా ఉందో చూశారా!
View this post on Instagram
టాప్ హెడ్ లైన్స్
ట్రెండింగ్ వార్తలు
