iQoo 9T: ఐకూ 9టీ లాంచ్ త్వరలోనే - కేక పుట్టించే కెమెరాలు!
ప్రముఖ స్మార్ట్ ఫోన్ బ్రాండ్ ఐకూ కొత్త ఫోన్ వివరాలు ఆన్లైన్లో లీకయ్యాయి.
ఐకూ 9టీ స్మార్ట్ ఫోన్ మనదేశంలో త్వరలో లాంచ్ కానుంది. దీనికి సంబంధించిన అమెజాన్ టీజర్ను కూడా డివైస్లో చూడవచ్చు. ఇప్పుడు ఐకూ 10 సిరీస్లో ఏదో ఒక ఫోన్ ఐకూ 9టీగా లాంచ్ కానుందని తెలుస్తోంది. అది ఐకూ 10నా? లేకపోతే ఐకూ 10 ప్రోనా? అన్నది తెలియరాలేదు. ఐకూ 10 చైనాలో జులై 19వ తేదీన లాంచ్ కానుంది.
ఐకూ 9టీ ఫస్ట్లుక్ను కంపెనీ టీజ్ చేసింది. దీని డిజైన్ ఐకూ 10కి కొంచెం దగ్గరగా ఉంది. ఇందులో వెనకవైపు డ్యూయల్ టోన్ డిజైన్ కూడా చూడవచ్చు. దీంతోపాటు ఐకూ 9టీలో వెనకవైపు మూడు కెమెరాలు ఉండనున్నాయి. 20x జూమ్ సామర్థ్యం ఉన్న టెలిఫొటో సెన్సార్ కూడా ఈ స్మార్ట్ ఫోన్లో అందించనున్నారు.
ఐకూ 9టీలో వీ1+ ఇమేజింగ్ చిప్ కూడా ఉండనుంది. ఇది మొదట వివో ఎక్స్80 సిరీస్లో అందించారు. ఈ డివైస్ గురించి ఎక్కువ సమాచారం కూడా అందుబాటులో లేదు. ఐకూ 10 ప్రో స్పెసిఫికేషన్లు కూడా ఆన్లైన్లో లీకయ్యాయి.
లీకైన వివరాల ప్రకారం... ఇందులో 6.78 అంగుళాల 2కే రిజల్యూషన్ ఈ5 అమోఎల్ఈడీ డిస్ప్లేను అందించనున్నారు. 120 హెర్ట్జ్ రిఫ్రెష్ రేట్ ఉన్న ఎల్టీపీవో ప్యానెల్ కూడా ఈ ఫోన్లో ఉండనుంది. ఇన్ డిస్ప్లే అల్ట్రా సోనిక్ ఫింగర్ ప్రింట్ సెన్సార్ను ఈ ఫోన్తో పాటు అందించనున్నట్లు వార్తలు వస్తున్నాయి.
8 జీబీ, 12 జీబీ ర్యామ్, 128 జీబీ, 256 జీబీ స్టోరేజ్ ఆప్షన్లు ఈ ఫోన్లో అందించనున్నారు. ఫోన్ వెనకవైపు మూడు కెమెరాల సెటప్ ఉండనుంది. 50 మెగాపిక్సెల్ శాంసంగ్ జీఎన్1 సెన్సార్, 50 మెగాపిక్సెల్ అల్ట్రా వైడ్ యాంగిల్ సెన్సార్, 16 మెగాపిక్సెల్ టెలిఫొటో సెన్సార్లు వెనకవైపు ఉండనున్నాయి.
వివో వీ1+ ఇమేజింగ్ చిప్ ఈ ఫోన్లో కంపెనీ అందించనుంది. సెల్ఫీలు, వీడియో కాల్స్ కోసం ముందువైపు 16 మెగాపిక్సెల్ కెమెరా అందుబాటులో ఉండనుంది. దీని బ్యాటరీ సామర్థ్యం 4700 ఎంఏహెచ్గా ఉండనుంది. 200W వైర్డ్ చార్జింగ్, 50W వైర్లెస్ చార్జింగ్ను ఈ ఫోన్ సపోర్ట్ చేయనుంది. ఆండ్రాయిడ్ 12 ఆధారిత ఫన్టచ్ ఓఎస్ లేదా ఆరిజిన్ ఓఎస్ ఆపరేటింగ్ సిస్టంపై ఈ ఫోన్ పనిచేయనుంది.
Also Read: వన్ప్లస్ 10ఆర్ వచ్చేసింది - ఏకంగా 150W ఫాస్ట్ చార్జింగ్ - ధర ఎంతంటే?
Also Read: రూ.10 వేలలోనే ట్యాబ్లెట్ - లాంచ్ చేసిన రియల్మీ - ఎలా ఉందో చూశారా!
టాప్ హెడ్ లైన్స్
ట్రెండింగ్ వార్తలు
