iQoo 11 Pro Camera: ఐకూ 11 సిరీస్ ఫీచర్లు లీక్ - ప్రపంచంలోనే టాప్ కెమెరాలతో!

ప్రముఖ స్మార్ట్ ఫోన్ బ్రాండ్ ఐకూ తన కొత్త ఫోన్లను లాంచ్ చేయనుంది. అవే ఐకూ 11 సిరీస్.

ఐకూ 11 సిరీస్ కెమెరా ఫీచర్లు ఆన్‌లైన్‌లో లీకయ్యాయి.

ఐకూ 11 సిరీస్ చైనాలో లాంచ్ కావడానికి రెడీ అవుతుంది. ఈ స్మార్ట్ ఫోన్ సిరీస్‌కు సంబంధించిన కెమెరా వివరాలు కూడా ఆన్‌లైన్‌లో లీకయ్యాయి. ఈ డిటైల్స్ ప్రకారం ఐకూ 11, ఐకూ 11 ప్రోల్లో 50 మెగాపిక్సెల్ సోనీ ఐఎంఎక్స్ 8 సిరీస్ కెమెరా సెన్సార్ ఉండనుంది. ఐకూ 11 సిరీస్ ఈ సంవత్సరం నవంబర్‌లో లాంచ్ కానుంది.

ఈ రెండు ఫోన్లలోనూ క్వాల్‌కాం స్నాప్‌డ్రాగన్ 8 జెన్ 2 ప్రాసెసర్ ఉండే అవకాశం ఉంది. ఐకూ 11 ప్రోలో 2కే రిజల్యూషన్ ఉన్న ఈ6 అమోఎల్ఈడీ డిస్‌ప్లే అందించనున్నారు. ఐకూ 11 సిరీస్ స్పెసిఫికేషన్లు కూడా ఆన్‌లైన్‌లో లీకయ్యాయి. వీటిలో 1 నుంచి 1.5 అంగుళం పరిమాణం ఉండే సెన్సార్ ఉండనుందని తెలుస్తోంది. 

ఐకూ 11 సిరీస్ ఫోన్లను కంపెనీ వైస్ ప్రెసిడెంట్ టీజ్ చేశారు. గతంలో వచ్చిన లీకుల ప్రకారం ఐకూ 11 ప్రోలో శాంసంగ్ ఈ6 అమోఎల్ఈడీ ఫ్లెక్సిబుల్ డిస్‌ప్లే ఉండనుంది. 2కే రిజల్యూషన్, 120 హెర్ట్జ్ రిఫ్రెష్ రేట్ వంటి ఫీచర్లను ఇందులో అందించనున్నారు. 

ఐకూ జెడ్6 లైట్ 5జీ స్మార్ట్ ఫోన్ ఇటీవలే మనదేశంలో లాంచ్ అయింది. ప్రపంచంలోనే క్వాల్‌కాం స్నాప్‌డ్రాగన్ 4 జెన్ 1 ప్రాసెసర్‌తో లాంచ్ అయిన మొదటి స్మార్ట్ ఫోన్ ఇదే. ఇందులో రెండు వేరియంట్లు అందుబాటులో ఉన్నాయి. 4 జీబీ ర్యామ్ + 64 జీబీ స్టోరేజ్ వేరియంట్ ధర రూ.13,999 కాగా, 6 జీబీ ర్యామ్ + 128 జీబీ స్టోరేజ్ వేరియంట్ ధర రూ.15,499గా నిర్ణయించారు. స్టెల్లార్ గ్రీన్, మిస్టిక్ నైట్ కలర్ ఆప్షన్లలో దీన్ని కొనుగోలు చేయవచ్చు.

ఇందులో 6.58 అంగుళాల ఫుల్ హెచ్‌డీ+ డిస్‌ప్లేను అందించారు. క్వాల్‌కాం స్నాప్‌డ్రాగన్ 4 జెన్ 1 ప్రాసెసర్‌పై ఈ ఫోన్ పని చేయనుంది.  6 జీబీ వరకు ర్యామ్, 128 జీబీ వరకు స్టోరేజ్ ఈ ఫోన్‌లో అందించారు. స్టోరేజ్‌ను మైక్రో ఎస్‌డీ కార్డు ద్వారా 1 టీబీ వరకు పెంచుకోవచ్చు.

ఫోన్ వెనకవైపు రెండు కెమెరాలు ఉన్నాయి. వీటిలో ప్రధాన కెమెరా సామర్థ్యం 50 మెగాపిక్సెల్ కాగా, దీంతోపాటు 2 మెగాపిక్సెల్ మాక్రో కెమెరా కూడా అందించారు. సెల్ఫీలు, వీడియో కాల్స్ కోసం ముందువైపు 8 మెగాపిక్సెల్ కెమెరా ఉంది. ఆండ్రాయిడ్ 12 ఆధారిత ఫన్‌టచ్ ఓఎస్ ఆపరేటింగ్ సిస్టంపై ఐకూ జెడ్6 లైట్ 5జీ పని చేయనుంది. దీని బ్యాటరీ సామర్థ్యం 5000 ఎంఏహెచ్ కాగా, 18W ఫాస్ట్ చార్జింగ్‌ను ఇది సపోర్ట్ చేయనుంది.