Lava Yuva 3 Pro: రూ.9 వేలలోపే 8 జీబీ + 128 జీబీ, 50 మెగాపిక్సెల్ కెమెరా - లావా యువ 3 ప్రో వచ్చేసింది!

Lava Yuva 3 Pro Features: ప్రముఖ స్మార్ట్ ఫోన్ బ్రాండ్ లావా తన కొత్త స్మార్ట్ ఫోన్‌ను మనదేశంలో లాంచ్ చేసింది. అదే లావా యువ 3 ప్రో.

లావా యువ 3 ప్రో మార్కెట్లో లాంచ్ అయింది.

Source : Lava

Lava New Phone: లావా యువ 3 ప్రో స్మార్ట్ ఫోన్ మనదేశంలో లాంచ్ అయింది. లావా ఇంటర్నేషనల్ లాంచ్ చేసిన లేటెస్ట్ బడ్జెట్ ఫోన్ ఇదే.  యూనిసోక్ టీ616 ప్రాసెసర్‌పై ఈ ఫోన్ పని చేయనుంది. ఇందులో 8 జీబీ ర్యామ్, 128 జీబీ స్టోరేజ్‌ను అందించారు. ఫోన్ వెనకవైపు 50 మెగాపిక్సెల్ కెమెరాను అందించారు. దీని బ్యాటరీ సామర్థ్యం 5000 ఎంఏహెచ్ కాగా, 18W ఫాస్ట్ ఛార్జింగ్‌ను సపోర్ట్ చేయనుంది. ఫింగర్ ప్రింట్ సెన్సార్‌ను ఫోన్ పక్కభాగంలో అందించారు.

లావా యువ 3 ప్రో ధర (Lava Yuva 3 Pro Price in India)
ఇందులో కేవలం 8 జీబీ ర్యామ్ + 128 జీబీ స్టోరేజ్ వేరియంట్ మాత్రమే అందుబాటులో ఉంది. డిజర్ట్ గోల్డ్, ఫారెస్ట్ విరీడియన్, మీడో పర్పుల్ కలర్ ఆప్షన్లలో దీన్ని కొనుగోలు చేయవచ్చు. లావా రిటైల్ నెట్‌వర్క్, లావా ఈ-స్టోర్లలో దీని సేల్ ఇప్పటికే ప్రారంభం అయింది.

లావా యువ 3 ప్రో స్పెసిఫికేషన్లు, ఫీచర్లు (Lava Yuva 3 Pro Specifications, Lava Yuva 3 Pro Features)
ఆండ్రాయిడ్ 13 ఆపరేటింగ్ సిస్టంపై ఈ ఫోన్ పని చేయనుంది. ఆండ్రాయిడ్ 14 అప్‌డేట్‌ను అందించనున్నారు. రెండు సంవత్సరాల పాటు సెక్యూరిటీ అప్‌డేట్లు కూడా వస్తాయి. ఇందులో 6.5 అంగుళాల హెచ్‌డీ+ డిస్‌ప్లే ఉండనుంది. దీని స్క్రీన్ రిఫ్రెష్ రేట్ 90 హెర్ట్జ్‌ కాగా, పిక్సెల్ డెన్సిటీ 269 పీపీఐగా ఉంది. సెల్ఫీ కెమెరా కోసం ముందువైపు హోల్ పంచ్ కటౌట్ కూడా అందించారు. వర్చువల్ ర్యామ్ ఫీచర్ ద్వారా ర్యామ్‌ను 16 జీబీ వరకు పెంచుకోవచ్చు.

ఇక కెమెరాల విషయానికి వస్తే... ఫోన్ వెనకవైపు రెండు కెమెరాలు ఉన్నాయి. వీటిలో ప్రధాన కెమెరా సామర్థ్యం 50 మెగాపిక్సెల్ కాగా, దీంతోపాటు ఏఐ లెన్స్ కూడా అందించారు. హెచ్‌డీఆర్, పొర్‌ట్రెయిట్, పనోరమ, బరస్ట్, స్లో మోషన్, నైట్, టైమ్ ల్యాప్స్ ఫొటోగ్రఫీ ఫీచర్లు ఈ కెమెరాలో చూడవచ్చు. సెల్ఫీలు, వీడియో కాల్స్ కోసం ముందువైపు 8 మెగాపిక్సెల్ కెమెరా ఉంది. 128 జీబీ ఇంటర్నల్ స్టోరేజ్ ఈ ఫోన్‌లో ఉంది. స్టోరేజ్‌ను మైక్రో ఎస్‌డీ కార్డు ద్వారా 512 జీబీ వరకు పెంచుకోవచ్చు.

4జీ వోల్టే, బ్లూటూత్ 5, జీపీఆర్ఎస్, ఓటీజీ, వైఫై, 3.5 ఎంఎం ఆడియో జాక్, యూఎస్‌బీ టైప్-సీ పోర్టు కూడా ఇందులో ఉన్నాయి. ఫింగర్ ప్రింట్ సెన్సార్‌ను ఫోన్ పక్కభాగంలో అందించారు. ఫేస్ అన్‌లాక్ కూడా ఉంది. యాక్సెలరో మీటర్, యాంబియంట్ లైట్ సెన్సార్, ప్రాక్సిమిటీ సెన్సార్లు అందించారు. దీని బ్యాటరీ సామర్థ్యం 5000 ఎంఏహెచ్ కాగా, 18W ఫాస్ట్ ఛార్జింగ్‌ను ఈ ఫోన్ సపోర్ట్ చేయనుంది. దీని మందం 0.87 సెంటీమీటర్లు కాగా, బరువు 200 గ్రాములుగా ఉంది.