iQoo U5x: రూ.13 వేలలోనే 8 జీబీ ర్యామ్, 128 జీబీ స్టోరేజ్ ఉన్న ఫోన్ -ఐకూ అదరగొట్టిందిగా!

ప్రముఖ స్మార్ట్ ఫోన్ బ్రాండ్ ఐకూ తన కొత్త ఫోన్ ఐకూ యూ5ఎక్స్‌ను చైనాలో లాంచ్ చేసింది.

ఐకూ యూ5ఎక్స్ స్మార్ట్ ఫోన్ లాంచ్ అయింది. (Image Credits: iQoo U5x)

iQoo U5x Launch: ఐకూ కొత్త బడ్జెట్ స్మార్ట్ ఫోన్ చైనాలో లాంచ్ అయింది. ఈ బడ్జెట్ 4జీ స్మార్ట్ ఫోన్‌లో క్వాల్‌కాం స్నాప్‌డ్రాగన్ 680 ప్రాసెసర్‌ను అందించారు. దీని బ్యాటరీ సామర్థ్యం 5000 ఎంఏహెచ్‌గా ఉంది. ఆండ్రాయిడ్ 11 ఆధారిత ఆరిజిన్ ఓఎస్ ఆపరేటింగ్ సిస్టంపై ఈ ఫోన్ పని చేయనుంది. ఇందులో 6.5 అంగుళాల ఎల్సీడీ ప్యానెల్‌ను అందించారు. వెనకవైపు రెండు కెమెరాలు ఉన్నాయి.

ఐకూ యూ5ఎక్స్ ధర
చైనాలో ఈ ఫోన్ రెండు వేరియంట్లలో లాంచ్ అయింది. వీటిలో ప్రారంభ వేరియంట్ అయిన 4 జీబీ ర్యామ్ + 128 జీబీ స్టోరేజ్ వేరియంట్ ధర 899 యువాన్లుగా (సుమారు రూ.10,700) ఉంది. ఇక 8 జీబీ ర్యామ్ + 128 జీబీ స్టోరేజ్ ఉన్న వేరియంట్ ధరను 1,099 యువాన్లుగా (సుమారు రూ.13,100) నిర్ణయించారు.

ఐకూ యూ5ఎక్స్ స్పెసిఫికేషన్లు
ఇందులో క్వాల్‌కాం స్నాప్‌డ్రాగన్ 680 ప్రాసెసర్‌ను అందించారు. ఆండ్రాయిడ్ 11 ఆధారిత ఆరిజిన్ ఓఎస్ ఆపరేటింగ్ సిస్టంపై ఈ ఫోన్ పనిచేయనుంది. ఇందులో 6.5 అంగుళాల హెచ్‌డీ+ డిస్‌ప్లేను అందించారు. ఈ స్మార్ట్ ఫోన్ స్క్రీన్ రిఫ్రెష్ రేట్ 60 హెర్ట్జ్‌గా ఉంది.

ఇక కెమెరాల విషయానికి వస్తే... ఐకూ యూ5ఎక్స్‌లో వెనకవైపు రెండు కెమెరాలు ఉన్నాయి. వీటిలో ప్రధాన కెమెరా సామర్థ్యం 13 మెగాపిక్సెల్ కాగా... దీంతోపాటు 2 మెగాపిక్సెల్ డెప్త్ సెన్సార్ కూడా ఉంది. సెల్ఫీలు, వీడియో కాల్స్ కోసం ముందువైపు 8 మెగాపిక్సెల్ కెమెరాను అందించారు.

పాలీ కార్బనేట్ బాడీతో ఈ స్మార్ట్ ఫోన్‌ను రూపొందించారు. పవర్ బటన్‌ను ఫోన్ కుడివైపు అందించారు. ఫింగర్ ప్రింట్ సెన్సార్ కూడా ఇందులోనే ఉంది. ఈ స్మార్ట్ ఫోన్‌లో మైక్రో యూఎస్‌బీ పోర్టును అందించారు. 3.5 ఎంఎం హెడ్ ఫోన్ జాక్ కూడా ఇందులో ఉంది.

ఐకూ యూ5ఎక్స్ బ్యాటరీ సామర్థ్యం 5000 ఎంఏహెచ్‌గా ఉంది. 10W ఫాస్ట్ చార్జింగ్‌ను ఇది సపోర్ట్ చేయనుంది. 25.8 రోజుల బ్యాటరీని ఇది అందించనుంది. ఒక్కసారి చార్జ్ చేస్తే 10 గంటల పాటు ఇందులో నాన్ స్టాప్‌గా గేమింగ్ చేయవచ్చని కంపెనీ అంటోంది.