Honor 90 5G: రూ.40 వేల ఫోన్ రూ.20 వేలలోపే - హానర్ 90పై బంపర్ ఆఫర్!

Honor 90 5G Price Cut: ప్రముఖ స్మార్ట్ ఫోన్ బ్రాండ్ హానర్ తన ఫోన్‌పై భారీ డిస్కౌంట్ లభించింది. హానర్ 90 5జీని రూ.20 వేలలోపు ధరకే కొనుగోలు చేయవచ్చు.

హానర్ 90 5జీపై భారీ తగ్గింపు లభించింది.

Source : Honor

Honor 90 5G Price Drop: హానర్ 90 5జీ స్మార్ట్ ఫోన్ గతంలో మనదేశంలో లాంచ్ అయింది. ఇప్పుడు ఆ ఫోన్‌పై భారీ ఆఫర్ అందించారు. ఏకంగా రూ.20 వేల ధరలోపే ఈ ఫోన్ కొనుగోలు చేయవచ్చు. క్వాల్‌కాం స్నాప్‌డ్రాగన్ 7 జెన్ 1 ప్రాసెసర్‌పై హానర్ 90 5జీ పని చేయనుంది. ఈ స్మార్ట్ ఫోన్ బ్యాటరీ సామర్థ్యం 5000 ఎంఏహెచ్ కాగా, 66W వైర్డ్ సూపర్ ఛార్జ్ టెక్నాలజీ కూడా అందించారు. ఫోన్ వెనక వైపు 200 మెగాపిక్సెల్, ముందు వైపు 50 మెగాపిక్సెల్ ఫ్రంట్ కెమెరా సెన్సార్‌ అందుబాటులో ఉంది. రెండు సంవత్సరాల పాటు ఆపరేటింగ్ సిస్టం అప్‌డేట్స్, మూడు సంవత్సరాల పాటు సెక్యూరిటీ అప్‌డేట్స్‌ను కంపెనీ అందించనుంది.

హానర్ 90 5జీ ధర, ఆఫర్ వివరాలు
ఇందులో రెండు వేరియంట్లు ఉన్నాయి. వీటిలో ప్రారంభ వేరియంట్ అయిన 8 జీబీ ర్యామ్ + 256 జీబీ స్టోరేజ్ వేరియంట్ ధరను రూ.37,999గా ఉండగా, తర్వాత దీన్ని రూ.28,999కు తగ్గించారు. ఎస్‌బీఐ క్రెడిట్ కార్డు ద్వారా కొనుగోలు చేస్తే దీన్ని రూ.19,699కే పొందవచ్చు. 12 జీబీ ర్యామ్ + 512 జీబీ స్టోరేజ్ వేరియంట్ ధర లాంచ్ అయినప్పుడు రూ.39,999 కాగా, ఇప్పుడు రూ.30,999కే అందుబాటులో ఉంది. ఇప్పుడు ఈ ఆఫర్ కింద రూ.22,749కే కొనుగోలు చేయవచ్చు.

హానర్ 90 5జీ స్పెసిఫికేషన్లు, ఫీచర్లు ఎలా ఉన్నాయి?
ఈ స్మార్ట్ ఫోన్‌లో 6.7 అంగుళాల అమోఎల్ఈడీ డిస్‌ప్లేను అందించారు. దీని డిస్‌ప్లే రిజల్యూషన్ 1.5కే పిక్సెల్స్‌గా ఉండగా, రిఫ్రెష్ రేట్ 120 హెర్ట్జ్‌గానూ, పీక్ బ్రైట్‌నెస్ 1600 నిట్స్‌గానూ ఉంది. క్వాల్‌కాం స్నాప్‌డ్రాగన్ 7 జెన్ 1 ప్రాసెసర్‌పై హానర్ 90 5జీ పని చేయనుంది. 12 జీబీ వరకు ఎల్పీడీడీఆర్5 ర్యామ్, 256 జీబీ వరకు యూఎఫ్ఎస్ 3.1 స్టోరేజ్ అందించారు.

ఇక కెమెరాల విషయానికి వస్తే... ఈ స్మార్ట్ ఫోన్‌లో వెనకవైపు మూడు కెమెరాలు అందించారు. ఇందులో ప్రధాన కెమెరా సామర్థ్యం 200 మెగాపిక్సెల్ కాగా, 12 మెగాపిక్సెల్ అల్ట్రా వైడ్ యాంగిల్ లెన్స్, 2 మెగాపిక్సెల్ మాక్రో లెన్స్ కూడా ఉన్నాయి. ముందువైపు సెల్ఫీలు, వీడియో కాల్స్ కోసం 50 మెగాపిక్సెల్ కెమెరాను అందించారు. ఆండ్రాయిడ్ 13 ఆధారిత మ్యాజిక్ ఓఎస్ 7.1 ఆపరేటింగ్ సిస్టంపై హానర్ 90 5జీ రన్ కానుంది.

దీని బ్యాటరీ సామర్థ్యం 5000 ఎంఏహెచ్ కాగా, 66W వైర్డ్ ఫాస్ట్ ఛార్జింగ్‌ను హానర్ 90 5జీ సపోర్ట్ చేయనుంది. సెక్యూరిటీ కోసం ఫింగర్ ప్రింట్ సెన్సార్ కూడా హానర్ 90 5జీలో అందించారు. 5జీ, 4జీ ఎల్టీఈ, డ్యూయల్ బ్యాండ్ వైఫై, బ్లూటూత్ వీ5.2, ఎన్ఎఫ్‌సీ, జీపీఎస్, యూఎస్‌బీ టైప్-సీ కనెక్టివిటీ ఫీచర్లు ఉన్నాయి. ఈ స్మార్ట్ ఫోన్ మందం 0.78 సెంటీమీటర్లు కాగా, బరువు 183 గ్రాములుగా ఉంది. చాలా కాలం హానర్ మనదేశంలో లాంచ్ చేసిన ఫోన్ ఇదే. ప్రస్తుతం మరిన్ని ఫోన్స్ లాంచ్ చేస్తూ మార్కెట్లో దూసుకుపోవాలని చూస్తుంది.