Noise Colorfit Vision 2: రూ.మూడు వేలలోపే నాయిస్ కొత్త స్మార్ట్ వాచ్ - వారం రోజులకు పైగా బ్యాటరీ!
ప్రముఖ ఫిట్‌నెస్ బ్రాండ్ నాయిస్ కొత్త స్మార్ట్ వాచ్ లాంచ్ చేసింది. అదే నాయిస్ కలర్ ఫిట్ విజన్ 2.
నాయిస్ మనదేశంలో కొత్త స్మార్ట్ వాచ్ లాంచ్ చేసింది. అదే నాయిస్ కలర్‌ఫిట్ విజన్ 2. ఈ స్మార్ట్ వాచ్‌లో అమోఎల్ఈడీ డిస్‌ప్లేను అందించారు. దీని బ్యాటరీ వారం రోజులకు పైగా బ్యాకప్‌ను అందించనుంది. దీంతోపాటు ఈ వాచ్ మ్యాగ్నటిక్ చార్జింగ్‌ను కూడా సపోర్ట్ చేయనుంది. స్మార్ట్ ఫోన్‌తో పెయిర్ చేసినప్పుడు స్మార్ట్ నోటిఫికేషన్లను కూడా చూపిస్తుంది.
నాయిస్ కలర్‌ఫిట్ విజన్ 2 ధర
కలర్‌ఫిట్ విజన్ 2 స్మార్ట్ వాచ్ ధరను రూ.2,999గా నిర్ణయించారు. ఫ్లిప్‌కార్ట్‌లో ఈ వాచ్ అందుబాటులో ఉండనుంది. బ్లాక్, బ్లూ, గ్రీన్, రోజ్ గోల్డ్ రంగుల్లో దీన్ని కొనుగోలు చేయవచ్చు. దీనికి సంబంధించిన సేల్ ఇప్పటికే ప్రారంభం అయింది.
నాయిస్ కలర్‌ఫిట్ విజన్ 2 స్పెసిఫికేషన్లు
ఇందులో 1.78 అంగుళాల అమోఎల్ఈడీ డిస్‌ప్లేను అందించనున్నారు. దీని స్క్రీన్ రిజల్యూషన్ 368 x 448 పిక్సెల్స్‌గా ఉంది. వాచ్ పక్కభాగంలో బటన్లు ఉన్నాయి. హార్ట్ రేట్ సెన్సార్, ఎస్‌పీఓ2 మానిటర్, సైకిల్ ట్రాకర్, స్లీప్ ట్రాకర్లు అందించనున్నారు.
ఇందులో 40కి పైగా స్పోర్ట్స్ మోడ్స్ కూడా ఉండనున్నాయి. వాటిలో కొన్నిటికి ఆటో డిటెక్షన్ ఫీచర్ కూడా ఉంది. దీంతోపాటు స్మార్ట్ నోటిఫికేషన్లు, టెక్స్ట్ మెసేజ్‌లు, ఈ-మెయిల్స్, సోషల్ మీడియా అలెర్ట్స్, వెదర్ అలెర్ట్స్, అలారం క్లాక్స్, క్యాలెండర్ అలెర్ట్స్ వంటి వాటికి స్మార్ట్ నోటిఫికేషన్లు కూడా రానున్నాయి. ఒకసారి చార్జింగ్ పెడితే వారం రోజుల బ్యాటరీ బ్యాకప్‌ను ఈ వాచ్ అందించనుంది. మ్యాగ్నటిక్ చార్జింగ్‌ను కూడా ఈ వాచ్ సపోర్ట్ చేయనుంది.
Also Read: వన్‌ప్లస్ 10ఆర్ వచ్చేసింది - ఏకంగా 150W ఫాస్ట్ చార్జింగ్ - ధర ఎంతంటే?
Also Read: రూ.10 వేలలోనే ట్యాబ్లెట్ - లాంచ్ చేసిన రియల్‌మీ - ఎలా ఉందో చూశారా!
View this post on Instagram
టాప్ హెడ్ లైన్స్
ట్రెండింగ్ వార్తలు
