Honor Tab 8 Launched: బడ్జెట్ ధరలో హానర్ కొత్త ట్యాబ్ - మనదేశంలో ఎంట్రీ!

ప్రముఖ స్మార్ట్ ఫోన్ బ్రాండ్ హానర్ మనదేశంలో కొత్త ట్యాబ్లెట్‌ను లాంచ్ చేసింది. అదే హానర్ ప్యాడ్ 8.

హానర్ ట్యాబ్ 8 మనదేశంలో లాంచ్ అయింది.

హానర్ ప్యాడ్ 8 ట్యాబ్లెట్ మనదేశంలో మంగళవారం లాంచ్ అయింది. ఇందులో మెటాలిక్ యూనిబాడీని అందించారు. 12 అంగుళాల 2కే ఎల్సీడీ డిస్‌ప్లేను ఈ ట్యాబ్‌లో అందించారు. క్వాల్‌కాం స్నాప్‌డ్రాగన్ 680 ప్రాసెసర్‌పై ఈ ఫోన్ పనిచేయనుంది. 7250 ఎంఏహెచ్ బ్యాటరీ కూడా ఇందులో ఉంది.

హానర్ ప్యాడ్ 8 ధర
ఇందులో 4 జీబీ ర్యామ్ వేరియంట్ ధర రూ.29,999గా ఉంది. అయితే ఫ్లిప్‌కార్ట్ సేల్‌లో దీన్ని రూ.19,999కే కొనుగోలు చేయవచ్చు. 6 జీబీ ర్యామ్ వేరియంట్ ధర రూ.31,999 కాగా, రూ.21,999కే అందుబాటులో ఉంది. సింగిల్ బ్లూ అవర్ కలర్‌లో దీన్ని కొనుగోలు చేయవచ్చు.

హానర్ ప్యాడ్ 8 స్పెసిఫికేషన్లు, ఫీచర్లు
ఇందులో 12 అంగుళాల 2కే ఎల్సీడీ డిస్‌ప్లేను అందించారు. దీని స్క్రీన్ రిజల్యూషన్ 2000 x 1200 పిక్సెల్స్ కాగా, స్క్రీన్ టు బాడీ రేషియో 87 శాతంగా ఉంది. హానర్ ప్యాడ్ 8 మందం కేవలం 0.69 సెంటీమీటర్లు మాత్రమే కావడం విశేషం. క్వాల్‌కాం స్నాప్‌డ్రాగన్ 680 ప్రాసెసర్‌పై ఇది పనిచేయనుంది.

8 జీబీ వరకు ర్యామ్, 128 జీబీ వరకు స్టోరేజ్ ఇందులో అందించారు. మైక్రో ఎస్‌డీ కార్డు ద్వారా స్టోరేజ్‌ను 1 టీబీ వరకు పెంచుకునే అవకాశం ఉంది. ట్యాబ్లెట్ వెనకవైపు, ముందువైపు 5 మెగాపిక్సెల్ కెమెరాలు అందుబాటులో ఉన్నాయి. దీని బ్యాటరీ సామర్థ్యం 7250 ఎంఏహెచ్ కాగా, 22.5W ఫాస్ట్ చార్జింగ్‌ను హానర్ ప్యాడ్ 8 సపోర్ట్ చేయనుంది.

ఎనిమిది స్పీకర్లను ఈ ట్యాబ్లెట్‌లో అందించడం విశేషం. వైఫై, బ్లూటూత్ 5, జీపీఎస్, యూఎస్‌బీ టైప్-సీ పోర్టు వంటి కనెక్టివిటీ ఫీచర్లు ఇందులో ఉన్నాయి. ఈ స్మార్ట్ ట్యాబ్లెట్ మందం 0.69 సెంటీమీటర్లు మాత్రమే కాగా, దీని బరువు 520 గ్రాములుగా ఉంది.

 

 

 

 

 

View this post on Instagram

 

 

 

 

 

 

 

 

 

 

 

A post shared by HONOR (@honorglobal)