BSNL New Plan: రూ.87కే బీఎస్ఎన్ఎల్ కొత్త ప్లాన్ - రోజూ డేటా, కాల్స్, ఎస్ఎంఎస్ కూడా - ప్లాన్ లాభాలు ఇవే!

భారత్ సంచార్ నిగం లిమిటెడ్ (బీఎస్ఎన్ఎల్) మనదేశంలో కొత్త ప్రీపెయిడ్ ప్లాన్ లాంచ్ చేసింది. ఇది రూ.87 ప్రీపెయిడ్ ప్లాన్. దీని వ్యాలిడిటీ 14 రోజులుగా ఉంది. ఈ ప్లాన్ ద్వారా రోజుకు 1 జీబీ హై స్పీడ్ డైలీ డేటాను అందించనున్నారు. అంటే మొత్తంగా 14 జీబీ డేటా లభించనుందన్న మాట.

ఈ డేటా అయిపోయాక ఇంటర్నెట్ స్పీడ్ 40 కేబీపీఎస్‌కు తగ్గిపోనుంది. ఈ ప్లాన్ ప్రస్తుతం మనదేశంలో అన్ని సర్కిళ్లలో అందుబాటులోకి వచ్చింది. టెలికాం టాక్ కథనం ప్రకారం చత్తీస్‌ఘర్, అస్సాంల్లో మాత్రం ఈ ప్లాన్ లాంచ్ కాలేదు.

కేవలం డేటా మాత్రమే కాకుండా... రోజుకు 100 ఎస్ఎంఎస్, అన్‌లిమిటెడ్ వాయిస్ కాలింగ్ కూడా లభించనున్నాయి. దీంతోపాటు వన్97 కమ్యూనికేషన్స్ లిమిటెడ్ అందించే హార్డీ గేమ్స్ మొబైల్ సర్వీస్ కూడా లభించనుంది.

ఈ సంవత్సరం ప్రారంభంలో బీఎస్ఎన్ఎల్ తన కొత్త రూ.797 వార్షిక ప్రీపెయిడ్ ప్లాన్ లాంచ్ చేసింది. దీని వ్యాలిడిటీ 365 రోజులుగా ఉంది. 60 రోజుల పాటు రోజుకు 2 జీబీ డేటా, అన్‌లిమిటెడ్ కాలింగ్, 100 ఎస్ఎంఎస్ (ప్రతి రోజూ) లభించనున్నాయి. 2 జీబీ డైలీ డేటా అయిపోయాక నెట్ స్పీడ్ 80 కేబీపీఎస్‌కు తగ్గిపోయింది.

అన్‌లిమిటెడ్ కాలింగ్, ఎస్ఎంఎస్, డేటా లభించే 60 రోజుల తర్వాత సిమ్ కార్డు యాక్టివ్‌గానే ఉండనుంది. దాని తర్వాత డేటా, కాల్స్, ఎస్ఎంఎస్ కోసం ప్రత్యేకంగా టాప్-అప్ రీచార్జ్ చేసుకోవాల్సి ఉంటుంది. 

 

 

 

 

 

View this post on Instagram

 

 

 

 

 

 

 

 

 

 

 

A post shared by BSNL News & Services (@bsnl_services_news)