KKR Vs RCB Live Updates: పది ఓవర్లలోనే ఖేల్ ఖతం.. తొమ్మిది వికెట్ల తేడాతో కోల్కతా విజయం
IPL 2021, Match 31, KKR Vs RCB: కోల్కతా, బెంగళూరుల మధ్య జరుగుతున్న ఈ మ్యాచ్లో బెంగళూరు టాస్ గెలిచి బ్యాటింగ్ ఎంచుకుంది.
Background
ఐపీఎల్లో నేటి మ్యాచ్లో కోల్కతా నైట్రైడర్స్, రాయల్ చాలెంజర్స్ బెంగళూరు తలపడనున్నాయి. ఈ మ్యాచ్లో కోహ్లి సారథ్యంలోని రాయల్ చాలెంజర్స్ బెంగళూరే హాట్ ఫేవరెట్గా కనపడుతుంది. ఆడిన ఏడు మ్యాచ్ల్లో ఐదు విజయాలతో బెంగళూరు పాయింట్ల పట్టికలో మూడో స్థానంలో ఉంది. ఇక కోల్కతా ఏడు మ్యాచ్ల్లో ఏకంగా ఐదు ఓటములను ఎదుర్కొని ఏడో స్థానంలో ఉంది. ఈ మ్యాచ్ కూడా ఓడిపోతే కోల్కతాకు ప్లేఆఫ్ అవకాశాలు కష్టం అవుతుంది.
కోల్కతా నైట్ రైడర్స్ ఈ మ్యాచ్ గెలవాలంటే ఆండ్రీ రసెల్ కచ్చితంగా ఫాంలోకి రావాల్సిందే. కెప్టెన్ ఇయాన్ మోర్గాన్, శుభ్మన్ గిల్, రాహుల్ త్రిపాఠిలు బ్యాట్తో రాణించాల్సిన అవసరం కూడా ఉంది. కోల్కతా కీలక బౌలర్ ప్యాట్ కమిన్స్ ఈ ఐపీఎల్కు దూరం కావడంతో అతని స్థానంలో న్యూజిలాండ్ పేసర్ టిమ్ సౌతీ జట్టులోకి వచ్చాడు.
ఆర్సీబీ పటిష్టంగా ఉంది. విరాట్ కోహ్లీ, గ్లెన్ మ్యాక్స్వెల్, ఏబీ డివిలియర్స్, దేవ్దత్ పడిక్కల్తో బ్యాటింగ్ ఆర్డర్ దుర్భేద్యంగా కనిపిస్తుంది. అయితే డెత్ ఓవర్లలో బౌలింగ్ విషయంలో బెంగళూరు బౌలర్లు కైల్ జేమీసన్, హర్షల్ పటేల్, మహ్మద్ సిరాజ్లు దృష్టి పెట్టాలి.
కోల్కతా నైట్రైడర్స్ వర్సెస్ రాయల్ చాలెంజర్స్ బెంగళూరు: పది ఓవర్లలో కోల్కతా స్కోరు 94-1, తొమ్మిది వికెట్ల తేడాతో ఘనవిజయం
చాహల్ వేసిన ఈ ఓవర్లో వెంకటేష్ అయ్యర్ 12 పరుగులు సాధించాడు. దీంతో కోల్కతా 10 ఓవర్లలోనే లక్ష్యాన్ని ఛేదించింది.
ఆండ్రీ రసెల్ 0(0)
వెంకటేష్ అయ్యర్ 41(27)
శుభ్మన్ గిల్ అవుట్
అర్థసెంచరీ ముంగిట్ గిల్ను చాహల్ అవుట్ చేశాడు.
శుభ్మన్ గిల్ (సి) సిరాజ్ (బి) చాహల్ (48: 34 బంతుల్లో, ఆరు ఫోర్లు, ఒక సిక్సర్)
టాప్ హెడ్ లైన్స్
ట్రెండింగ్ వార్తలు
