Ind vs SL 2nd T20I: తడబడిన భారత్.. లంక లక్ష్యం 133

శ్రీలంకతో జరగుతున్న రెండో టీ20లో టీమ్ ఇండియా తడబడింది. మెుదట బ్యాటింగ్ కు దిగిన భారత్.. 20 ఓవర్లలో 132 పరుగులే చేసింది.

India vs Sri Lanka

మెుదట టాస్ ఓడి టీం ఇండియా బ్యాటింగ్ కు దిగింది. ఇండియాకు ధావన్, రుతురాజ్ గైక్వాడ్ శుభారంబాన్ని అందిచారు. 49 పరుగులు ఉన్నప్పుడు 18 బంతుల్లో 21 పరుగులు చేసిన గైక్వాడ్ ఔటయ్యాడు. గబ్బర్ తో కలిసి అరంగేట్ల బ్యాట్స్ మెన్ దేవదత్ పడికల్ సమయోచితంగా బ్యాటింగ్ చేశారు. వీరు దూకుడు పెంచిన టైమ్ లో 40 పరుగులు చేసిన ధావన్ ను ధనుంజయ పెవిలియన్ చేర్చాడు. మరికొద్దిసేపటికే పడిక్కల్ 29 పరుగులు చేసి క్లీన్​బౌల్డ్​గా వెనుదిరిగాడు. సంజూ శాంసన్​ (7) విఫలమయ్యాడు. చివర్ లో భువనేశ్వర్ కుమార్(13) దాటిగా ఆడటం వల్ల నిర్ణీత ఓవర్లలో 132 పరుగులు చేసింది టీమ్ఇండియా. 
శ్రీలంక బౌలర్లలో అఖిల ధనంజయ 2, హసరంగ, దసున్ శనక, చమీరా చెరో వికెట్ దక్కించుకున్నారు.

తొలి టీ20లో భారత్ విజయం
శ్రీలంకతో జరిగిన తొలి టీ20లో 38 పరుగుల తేడాతో ఇండియా గెలుపొందింది. భారత బౌలర్లలో భువనేశ్వర్​ కుమార్ నాలుగు వికెట్లు, దీపక్​ చాహర్​ రెండు వికెట్లతో రాణించారు. 
మెుదటి టీ 20లో 165 పరుగుల లక్ష్యంతో బరిలోకి దిగిన లంకకు.. ఫెర్నాండో- మినోద్​ భానుక జోడీ 23 పరుగుల భాగస్వామ్యం నమోదు చేసింది.  ఈ జంటను కృనాల్ విడదీశాడు. అనంతరం బ్యాటింగ్​ వచ్చిన డిసిల్వా కూడా స్వల్ప స్కోరుకే వెనుదిరిగాడు. చాహల్​ బౌలింగ్​లో క్లీన్​ బౌల్డ్​గా పెవిలియన్​ చేరాడు. స్కోరు బోర్డులో మరో రెండు పరుగులు కలిశాయో లేదో మరో ఓపెనర్ ఫెర్నాండో​ భువీ బౌలింగ్​లో నిష్క్రమించాడు.
అనంతరం క్రీజులోకి వచ్చిన అసలంక దూకుడుగా ఆడే ప్రయత్నం చేశాడు. అతనికి మరో ఎండ్​ నుంచి తగిన సహకారం లభించలేదు. తర్వాత వచ్చిన బ్యాట్స్​మెన్​ ఎవరూ ధాటిగా ఆడలేకపోయారు. మెుదటి టీ20లో లంక విజయానికి 38 పరుగుల దూరంలో నిలిచిపోయింది.