IND vs WI 2nd T20: 6 వికెట్లతో మెకాయ్‌ మెకానిజం! సెయింట్‌ కీట్స్‌లో టీమ్‌ఇండియా డిస్మాంటిల్‌!!
IND vs WI 2nd T20 highlights: వెస్టిండీస్‌ పర్యటనలో టీమ్‌ఇండియాకు తొలి ఓటమి ఎదురైంది. హిట్‌మ్యాన్‌ సేన నిర్దేశించిన టార్గెట్‌ను కరీబియన్లు సులభంగా ఛేదించేశారు.
భారత్‌ vs వెస్టిండీస్‌ ( Image Source : ICC Twitter )
IND vs WI 2nd T20 highlights: వెస్టిండీస్‌ పర్యటనలో టీమ్‌ఇండియాకు తొలి ఓటమి ఎదురైంది. సెయింట్‌ కీట్స్‌లో జరిగిన రెండో టీ20లో కరీబియన్లు తొలి విజయం అందుకున్నారు. హిట్‌మ్యాన్‌ సేన నిర్దేశించిన 139 పరుగుల టార్గెట్‌ను సునాయసంగా ఛేదించేశారు. మరో 4 బంతులు మిగిలుండగానే 5 వికెట్ల తేడాతో గెలుపు బావుటా ఎగరేశారు. బ్రాండన్‌ కింగ్‌ (68; 52 బంతుల్లో 8x4, 2x6), డేవాన్‌ థామస్‌ (31*; 19 బంతుల్లో 1x4, 2x6) అదరగొట్టారు. అంతకు ముందు ఒబెడ్‌ మెకాయ్‌ (6/17) టీమ్‌ఇండియా పతనాన్ని శాసించాడు. హార్దిక్‌ పాండ్య (31; 31 బంతుల్లో 1x4, 2x6), రవీంద్ర జడేజా (27; 30 బంతుల్లో 0x4, 1x6) టాప్ స్కోరర్లు.
'కింగ్‌'లా ఆడారు!
సెయింట్‌ కీట్స్‌లో విండీస్‌ గతంలో 45కే ఆలౌటైంది! సహజంగా తక్కువ స్కోర్లు నమోదయ్యే పిచ్‌. అందుకే మోస్తరు లక్ష్యమే నిర్దేశించినా టీమ్‌ఇండియాకు గెలుపు అవకాశాలు ఉంటాయని భావించారు. కానీ కరీబియన్లు అలా జరగనివ్వలేదు. పట్టుదలగా ఆడారు. బ్రాండన్‌ కింగ్‌, కైల్‌ మేయర్స్‌ (8) మెరుగైన ఆరంభమే అందించారు. వికెట్‌ నష్టపోకుండా పవర్‌ప్లేలో 46 పరుగులు చేశారు. 6.1వ బంతికి మేయర్స్‌ను పాండ్య ఔట్‌ చేసినా కింగ్‌ మాత్రం దూకుడు ప్రదర్శించాడు. 39 బంతుల్లోనే హాఫ్‌ సెంచరీ చేశాడు. జట్టు స్కోరు 71 వద్ద పూరన్‌ (14)ను అశ్విన్‌ ఔట్‌ చేశాడు. మరికాసేపటికే హెట్‌మైయిర్‌ (6), కింగ్‌ పెవిలియన్‌ చేరడంతో 15.3 ఓవర్లకు విండీస్‌ 107/4తో కష్టాల్లో పడింది. ఈ పరిస్థితుల్లో డేవాన్‌ థామస్‌ అజేయంగా నిలిచాడు. ఆచితూచి ఆడుతూనే సిక్సర్లు బాది తొలి విజయం అందించాడు.
మెకాయ్‌ దెబ్బకు ఆలౌట్‌!
సెయింట్‌ కీట్స్‌లో టీమ్‌ఇండియాకు ఏదీ అచ్చిరాలేదు. మ్యాచ్‌ 4 గంటలు ఆలస్యంగా మొదలైంది. ఆరంభం నుంచే ఒబెడ్‌ మెకాయ్‌ జట్టు పతనాన్ని శాసించాడు. ఖాతా తెరవక ముందే రోహిత్‌ శర్మ (0)ను ఔట్‌ చేశాడు. జట్టు స్కోరు 17 వద్ద ఓపెనర్‌ సూర్యకుమార్‌ (11)ను పెవిలియన్‌ పంపించాడు. ఇన్నింగ్స్‌ను నిలబెట్టేందుకు ప్రయత్నించిన శ్రేయస్‌ అయ్యర్‌ (10)ను అల్జారీ జోసెఫ్‌, రిషభ్ పంత్‌ (24; 12 బంతుల్లో 1x4, 2x6)ను హుసేన్‌ ఔట్‌ చేయడంతో భారత్‌ 61కే 4 వికెట్లు నష్టపోయింది. ఈ క్రమంలో హార్దిక్‌ పాండ్య, రవీంద్ర జడేజా నిలకడగా ఆడారు. నాలుగో వికెట్‌కు 43 బంతుల్లో 43 పరుగుల విలువైన భాగస్వామ్యం అందించారు. జట్టు స్కోరు 104 వద్ద పాండ్యను హోల్డర్‌ ఔట్‌ చేశాడు. ఆ తర్వాత మెకాయ్‌ వరుసగా జడ్డూ, యాష్‌, దినేశ్‌ కార్తీక్‌ (7), భువీ (1)ని పెవిలియన్‌కు పంపించడంతో టీమ్‌ఇండియా 19.4 ఓవర్లకు 138కి ఆలౌటైంది.
Series level!
— ICC (@ICC) August 1, 2022
Obed McCoy's six-wicket haul lifts the West Indies to victory in the second T20I 👏#WIvIND scorecard: https://t.co/QBDdAUb7Gm pic.twitter.com/wizD9GksYW
ఇవి కూడా చూడండి
IND Vs AUS, Innings Highlights: ఆసీస్ లక్ష్యం 160, ఆడతారా? ఓడతారా ?
IND Vs AUS 5th T20: నేడే నామమాత్రపు మ్యాచ్‌, మార్పులతో బరిలోకి భారత్‌
IPL 2024 Auction: ఎన్నికల ఫలితాల హీట్‌లో కూల్ న్యూస్ చెప్పిన బీసీసీఐ - ఐపీఎల్ 2024 వేలం తేదీ ప్రకటించిన బోర్డు!
WPL 2024 auction: వుమెన్స్‌ ప్రీమియర్‌ లీగ్‌ వేలం ఎప్పుడంటే , అందుబాటులో 165 మంది క్రికెటర్లు
BAN vs NZ: చారిత్రాత్మక విజయంతో బంగ్లాదేశ్‌ కొత్త చరిత్ర
టాప్ స్టోరీస్
Dil Raju : 'యానిమల్' లాంటి సినిమాల్ని మేమూ తీస్తాం - ‘గేమ్ ఛేంజర్’ 90 శాతం పూర్తయింది : దిల్ రాజు
Best Browser: మైక్రోసాఫ్ట్ ఎడ్జ్ వర్సెస్ గూగుల్ క్రోమ్ - ఈ మూడు విషయాల్లో ‘ఎడ్జ్’నే బెస్ట్!
Yash 19: కొత్త సినిమాపై హింట్ ఇచ్చిన రాకీ భాయ్ - ఫ్యాన్స్‌కు పూనకాలే
Rajasthan Election Result 2023: రాజస్థాన్‌లో కాంగ్రెస్ ఓటమికి కారణాలేంటి? గహ్లోట్ జాదూ ఎందుకు పని చేయలేదు?
