News
News
abp shortsABP షార్ట్స్వీడియోలు ఆటలు
X

IND v ENG: 1 vs 11.. మిథాలీ సేనను ఓడించిన హెథర్‌ నైట్‌! 4 వికెట్లతో ఇంగ్లాండ్‌ విజయం

IND vs ENG: ఐసీసీ మహిళల వన్డే ప్రపంచకప్‌లో టీమ్‌ఇండియాకు మరో పరాభవం ఎదురైంది! ఇంగ్లాండ్‌తో జరిగిన మ్యాచులో మిథాలీ సేన ఘోర ఓటమి చవిచూసింది.

FOLLOW US: 
Share:

ICC World cup 2022: ఐసీసీ మహిళల వన్డే ప్రపంచకప్‌లో టీమ్‌ఇండియాకు మరో పరాభవం ఎదురైంది! ఇంగ్లాండ్‌తో జరిగిన మ్యాచులో మిథాలీ సేన ఘోర ఓటమి చవిచూసింది. బే ఓవల్‌లో టీమ్‌ఇండియా నిర్దేశించిన 135 పరుగుల లక్ష్యాన్ని ఇంగ్లిష్‌ అమ్మాయిలు 31.2 ఓవర్లలో 6 వికెట్లు నష్టపోయి ఛేదించారు. హెథర్‌ నైట్‌ (53*; 72 బంతుల్లో 8x4) కెప్టెన్‌ ఇన్నింగ్స్‌తో అదరగొట్టింది. నటాలీ షివర్‌ (45; 46 బంతుల్లో 8x4) ఆమెకు అండగా నిలిచింది. అంతకు ముందు ఇండియాలో స్మృతి మంధాన (35), రిచా ఘోష్‌ (33), జులన్‌ గోస్వామి (20) ఫర్వాలేదనిపించారు.

హెథర్‌ కెప్టెన్‌ ఇన్సింగ్స్‌

ఇచ్చింది తక్కువ టార్గెటే అయినా దానిని కాపాడుకొనేందుకు టీమ్‌ఇండియా ఎంతగానో శ్రమించింది! జట్టు స్కోరు 3 వద్ద డేనియెల్‌ వ్యాట్‌ (1)ను మేఘనా సింగ్‌ ఔట్‌ చేసింది. మరో పరుగుకే టామీ బ్యూమాంట్‌ (1)ను జులన్‌ గోస్వామి ఎల్బీగా పంపించింది. ఇదే జోష్‌లో మరిన్ని వికెట్లు తీయాలన్న టీమ్‌ఇండియా బౌలర్ల ఆశలను హెథర్‌ నైట్‌ భగ్నం చేసింది. తన అనుభవాన్ని ఉపయోగించి నటాలీ షివర్‌తో రెండో వికెట్‌కు 65 పరుగుల భాగస్వామ్యం నెలకొల్పింది. జట్టు స్కోరు 69 వద్ద షివర్‌ను ఔట్‌ చేయడం ద్వారా పూజా వస్త్రాకర్‌ ఈ జోడీని విడదీసినా లాభం లేకపోయింది. అమీ జోన్స్‌తో కలిసి 33, డంక్లీతో కలిసి 26 పరుగుల భాగస్వామ్యాలను నైట్‌ అందించింది. 102 వద్ద అమీ జోన్స్‌, 128 వద్ద సోఫియా డంక్లీ, కేథరిన్‌ బ్రంట్‌ను పెవిలియన్‌ పంపించినా అప్పటికే జరగాల్సిన నష్టం జరిగిపోయింది. ఇంగ్లాండ్‌కు విజయం దక్కింది.

ఓపెనింగ్ నుంచి తడబ్యాటు..


గత వన్డే వరల్డ్ కప్ ఫైనల్లో ఇంగ్లాండ్ చేతిలో పరాభవానికి భారత్ ప్రతీకారం తీర్చుకునేందుకు బరిలోకి దిగింది. మొదట టాస్ నెగ్గిన ఇంగ్లాండ్ బౌలింగ్ ఎంచుకుంది. యస్తికా భాటికా, స్మృతి మంధాన భారత ఓపెనర్లుగా క్రీజులోకి దిగారు. కానీ 18 పరుగులకే ఓపెనర్ యస్తికా భాటికా (8)ను ఔట్ చేసి ఇంగ్లాండ్‌కు శుభారంభం అందించింది బౌలర్ ష్రూబ్‌సోలే. ఆపై జట్టు స్కోరు 25 పరుగుల వద్ద కెప్టెన్ మిథాలీ రాజ్ ఔట్ కావడం భారత్ ‌కు బిగ్ షాకిచ్చింది. 10 బంతులాడిన దీప్తి శర్మ ఖాతా తెరవకుండానే డకౌట్ అయింది. అది కూడా రనౌట్ రూపంలో దీప్తి శర్మ(0) పెవిలియన్ బాట పట్టింది.

ఒకే ఓవర్లో డబుల్ షాక్..

ఇంగ్లాండ్ బౌలర్ చార్లీ డీన్ టీమిండియావకు ఒకే ఒవర్లో డబుల్ షాకిచ్చింది. క్రీజులో కుదురుకున్నట్లు కనిపించిన వైస్ కెప్టెన్ హర్మన్ ప్రీత్ కౌర్(14), స్నేహ్ రానా(0)లను పెవిలియన్ చేర్చింది. ఇన్నింగ్స్ 17వ ఓవర్లో రెండో బంతికి హర్మన్ ఔట్ కాగా, తాను ఎదుర్కొన్న రెండో బంతికే (అదే ఓవర్లో నాలుగో బంతికి) స్నేహ్ రానా ఔటై డకౌట్‌గా వెనుదిరిగింది. టాపార్డర్‌లో యస్తికా భాటియా, మిథాలీరాజ్, దీప్తి రానాలు విఫలం కావడంతో భారత్ భారీ స్కోరు చేయలేకపోయింది. 

ఆదుకున్న రిచా ఘోష్..

ఓవైపు వరుస వికెట్లు పడుతున్నా ఓపెనర్ స్మృతి మంధాన ఇన్నింగ్స్‌ను నడిపించే ప్రయత్నం చేసింది. కానీ 35 పరుగుల వ్యక్తిగత స్కోరు వద్ద మంధానను వికెట్ల ముందు దొరకబుచ్చుకుంది ఇంగ్లాండ్ బౌలర్ ఎస్సెల్‌స్టోన్. మంధాన (35; 58 బంతుల్లో 4x4) ఔట్ కావడంతో భారత్ 100 పరుగులకే ఆలౌట్ అయ్యేలా కనిపించింది. కానీ రిచా ఘోష్ భారత జట్టును ఆదుకుని ఇన్నింగ్స్‌ను ముందుకు నడిపించింది. పూజా వస్త్రాకర్ 6 పరుగులకు ఔటయ్యాక.. సీనియర్ పేసర్ ఝులన్ గోస్వామితో కలిసి రిచా ఘోష్ 8 వ వికెట్‌కు 37 పరుగుల కీలక భాగస్వామ్యం నెలకొల్పింది. స్కోరు పెంచే క్రమంలో అనవర పరుగుకు ప్రయత్నించి రిచా ఘోష్ (33; 56 బంతుల్లో 5x4) రనౌట్ అయి 8 వికెట్‌గా నిష్క్రమించింది. చివర్లో ఝులన్ గోస్వామి (20) పరవాలేదనిపించడంతో భారత్ ఆ మాత్రం స్కోరు చేయగలిగింది. 36.2 ఓవర్లో భారత్ 134 పరుగులకే కుప్పకూలడంతో ఇంగ్లాండ్ ముందు లక్ష్యాన్ని ఉంచింది. 

Published at : 16 Mar 2022 11:52 AM (IST) Tags: Mithali Raj Team India BCCI ind v eng smriti mandhana ICC Womens World Cup 2022 IND v ENG Women World Cup 2022 Live Score Heather Knight

ఇవి కూడా చూడండి

IND Vs AUS, 3rd ODI: ఆఖరి ఆట అదరాలి! - క్లీన్ స్వీప్‌పై భారత్ కన్ను - పరువు కోసం ఆసీస్ పాకులాట

IND Vs AUS, 3rd ODI: ఆఖరి ఆట అదరాలి! - క్లీన్ స్వీప్‌పై భారత్ కన్ను - పరువు కోసం ఆసీస్ పాకులాట

ODI World Cup 2023: ఐదు మ్యాచ్‌లే ఆడతా, అలా అయితే రాజీనామా చేస్తా! - బంగ్లా జట్టులో షకిబ్ వర్సెస్ తమీమ్

ODI World Cup 2023: ఐదు మ్యాచ్‌లే ఆడతా, అలా అయితే రాజీనామా చేస్తా! - బంగ్లా జట్టులో షకిబ్ వర్సెస్ తమీమ్

Asian Games 2023: భారత్‌ నయా చరిత్ర! 41 ఏళ్ల తర్వాత ఆసియా గుర్రపు పందేల్లో స్వర్ణం

Asian Games 2023: భారత్‌ నయా చరిత్ర! 41 ఏళ్ల తర్వాత ఆసియా గుర్రపు పందేల్లో స్వర్ణం

ODI World Cup 2023: సరే రండి! - పాక్ క్రికెట్ టీమ్‌‌కు వీసాలు మంజూరుచేసిన భారత్ - హైదరాబాద్‌కు పాక్ జట్టు

ODI World Cup 2023: సరే రండి! - పాక్ క్రికెట్ టీమ్‌‌కు వీసాలు మంజూరుచేసిన భారత్ - హైదరాబాద్‌కు పాక్ జట్టు

ODI World Cup 2023: కపిల్ దేవ్ కిడ్నాప్ కథ సుఖాంతం - ఎందుకోసమంటే!

ODI World Cup 2023: కపిల్ దేవ్ కిడ్నాప్ కథ సుఖాంతం - ఎందుకోసమంటే!

టాప్ స్టోరీస్

KCR Health Condition: సీఎం కేసీఆర్ కు అస్వస్థత, ప్రగతి భవన్ లో ఐదుగురు వైద్యుల బృందంతో చికిత్స

KCR Health Condition: సీఎం కేసీఆర్ కు అస్వస్థత, ప్రగతి భవన్ లో ఐదుగురు వైద్యుల బృందంతో చికిత్స

CM Jagan: సీఎం జగన్ మంచి మనస్సు- ఓ వ్యక్తి ప్రాణాన్ని కాపాడేందుకు హెలికాప్టర్ ఏర్పాటు

CM Jagan: సీఎం జగన్ మంచి మనస్సు- ఓ వ్యక్తి ప్రాణాన్ని కాపాడేందుకు హెలికాప్టర్ ఏర్పాటు

Mahesh Babu Rajamouli : నో డౌట్ - రాజమౌళి రికార్డులకు దగ్గరలో మహేష్ సినిమా కలెక్షన్స్!

Mahesh Babu Rajamouli : నో డౌట్ - రాజమౌళి రికార్డులకు దగ్గరలో మహేష్ సినిమా కలెక్షన్స్!

Hero Nani : హీరో నానికి ఆ లెజెండరీ క్రికెటర్ ఫ్యాన్ - ఆయన ఎవరో తెలుసా?

Hero Nani : హీరో నానికి ఆ లెజెండరీ క్రికెటర్ ఫ్యాన్ - ఆయన ఎవరో తెలుసా?