On This Day: క్రికెట్ చరిత్రలో ప్రత్యేకమైన రోజు - ఇదే తేదీన మూడు డబుల్ సెంచరీలు!

24 February In Cricket History: క్రికెట్ చరిత్రలో ఫిబ్రవరి 24వ తేదీ చాలా ప్రత్యేకమైనది. వాస్తవానికి ఈ తేదీన మూడు డబుల్ సెంచరీలు చరిత్రకెక్కాయి. ఇందులో వన్డే ఫార్మాట్‌లో రెండు డబుల్ సెంచరీలు వచ్చాయి. మరో డబుల్ సెంచరీ టెస్టు మ్యాచ్‌లో వచ్చింది.

వన్డే చరిత్రలోనే మాస్టర్ బ్లాస్టర్ సచిన్ టెండూల్కర్ మొదటి డబుల్ సెంచరీ
భారత మాజీ బ్యాట్స్‌మెన్ మాస్టర్ బ్లాస్టర్ సచిన్ టెండూల్కర్ 2010 సంవత్సరం ఫిబ్రవరి 24వ తేదీన దక్షిణాఫ్రికాపై డబుల్ సెంచరీ సాధించాడు. వన్డే క్రికెట్ చరిత్రలోనే ఇది మొట్టమొదటి డబుల్ సెంచరీ కావడం విశేషం. గ్వాలియర్ వేదికగా భారత్ దక్షిణాఫ్రికా మధ్య ఈ మ్యాచ్ జరిగింది. 13 సంవత్సరాల క్రితం ఇదే రోజున సచిన్ టెండూల్కర్ అంతర్జాతీయ వన్డే మ్యాచ్‌లో తొలిసారి డబుల్ సెంచరీ మార్కును అధిగమించి చరిత్ర సృష్టించాడు.

ఆస్ట్రేలియాపై కెప్టెన్ కూల్ మహేంద్ర సింగ్ ధోనీ డబుల్ సెంచరీ
భారత మాజీ కెప్టెన్ మహేంద్ర సింగ్ ధోనీ తన టెస్ట్ కెరీర్‌లో మొదటి డబుల్ సెంచరీని 2013 ఫిబ్రవరి 24వ తేదీన సాధించాడు. కెప్టెన్ కూల్ చెన్నైలో ఆస్ట్రేలియాపై ఈ డబుల్ సెంచరీని కొట్టాడు. ఈ మ్యాచ్‌లో టీమిండియా మాజీ కెప్టెన్ 224 పరుగులతో అద్భుత ఇన్నింగ్స్ ఆడాడు.

మహేంద్ర సింగ్ ధోనీ అద్భుత ఇన్నింగ్స్ కారణంగా టీమిండియా భారీ స్కోరు చేయగలిగింది. దీంతో పాటు ఈ టెస్టు మ్యాచ్‌లో మైకేల్ క్లార్క్ సారథ్యంలోని ఆస్ట్రేలియా జట్టుపై భారత జట్టు విజయం సాధించింది. సచిన్ టెండూల్కర్ డబుల్ సెంచరీ సాధించినప్పుడు కూడా నాన్ స్ట్రైకర్ ఎండ్‌లో మహేంద్ర సింగ్ ధోని ఉండటం విశేషం.

వన్డేల్లో క్రిస్ గేల్ డబుల్ సెంచరీ
వెస్టిండీస్ విధ్వంసకర ఓపెనర్ క్రిస్ గేల్ 2015 సంవత్సరంలో ఫిబ్రవరి 24వ తేదీన వన్డేల్లో డబుల్ సెంచరీ సాధించాడు. ఇది 2015 వన్డే వరల్డ్ కప్ మ్యాచ్. ఈ మ్యాచ్‌లో వెస్టిండీస్, జింబాబ్వే జట్లు తలపడ్డాయి. ఈ మ్యాచ్‌లో యూనివర్స్ బాస్ 215 పరుగులు చేశాడు.

అదే సమయంలో క్రిస్ గేల్ అద్భుత ఇన్నింగ్స్ కారణంగా జింబాబ్వే ముందు కరీబియన్ జట్టు భారీ లక్ష్యాన్ని ఉంచింది. అలాగే ఈ మ్యాచ్‌లో వెస్టిండీస్ జట్టు చాలా సులువుగా విజయం సాధించింది. ఈ విధంగా ఫిబ్రవరి 24వ తేదీన క్రికెట్ చరిత్రలో ఇప్పటి వరకు మూడు బ్యాట్స్‌మెన్ డబుల్ సెంచరీ మార్కును దాటారు.

On this day in 2010, Sachin Tendulkar becomes the first Men cricketer to complete double hundred in ODI.

The GOD arrived in Gwalior. pic.twitter.com/2FTHkD1qhj

— Johns. (@CricCrazyJohns) February 24, 2023

How Old were You When 37yr old SRT proved Nothing is Impossible.

Today in 2010 Sachin Tendulkar Made 200* in Gwalior Vs South Africa.

When @sachin_rt at 198*, Cricinfo got crashed Bcz 5.5M user opened the site to watch.#SachinTendulkar@CrickeTendulkarpic.twitter.com/BfJdqCevXr

— CrickeTendulkar 🇮🇳 (@CrickeTendulkar) February 24, 2023