Rohit Sharma: మా ఫీల్డింగ్ ఆశించిన స్థాయిలో లేదు - భారత కెప్టెన్ రోహిత్ శర్మ!

టీమిండియా ఫీల్డింగ్ ఆశించిన స్థాయిలో లేదని కెప్టెన్ రోహిత్ శర్మ అభిప్రాయపడ్డాడు.

రోహిత్ శర్మ (ఫైల్ ఫొటో) (Image Credit: BCCI)

ఐసీసీ టీ20 ప్రపంచకప్‌లో భాగంగా ఆదివారం జరిగిన గ్రూప్ 2 మ్యాచ్‌లో దక్షిణాఫ్రికా చేతిలో భారత్ ఐదు వికెట్ల తేడాతో ఓడిపోయింది. పాకిస్థాన్, నెదర్లాండ్స్‌ను ఓడించిన తర్వాత టోర్నీలో భారత్‌కు ఇదే తొలి ఓటమి. ఒక దశలో భారత్‌ను 49/5 స్కోరుకు పరిమితం చేసింది. అయితే సూర్యకుమార్ యాదవ్ మెరుపు ఇన్నింగ్స్‌తో భారత్ 133/9 స్కోరుకు చేరుకుంది.

ప్రారంభంలో అర్ష్‌దీప్ సింగ్ డబుల్ స్ట్రైక్ భారత్‌కు సరైన ప్రారంభాన్ని అందించింది. టీమిండియా మెరుగ్గా ఫీల్డింగ్ చేసి ఉంటే పరిస్థితులు మెరుగ్గా ఉండేవి. విరాట్ కోహ్లి ఒక క్యాచ్ డ్రాప్ చేయడం, కెప్టెన్ రోహిత్ శర్మ రనౌట్ మిస్ చేయడంతో ఎయిడెన్ మార్క్రమ్‌కు రెండు లైఫ్‌లు వచ్చాయి.

మార్క్రమ్, డేవిడ్ మిల్లర్ ద్వయం ఎన్నో డబుల్స్‌ను సింపుల్‌గా తీశాయి. మ్యాచ్ ముగిసిన తర్వాత రోహిత్ శర్మ మాట్లాడుతూ ఫీల్డ్‌లో తాము స్థాయికి తగ్గ ప్రదర్శన చేయలేదని అంగీకరించారు. ‘మేం సరిగ్గా ఫీల్డింగ్ చేయలేదు. మేము అలాంటి పరిస్థితుల్లో గతంలో కూడా ఆడాం కాబట్టి పరిస్థితులను నిందించలేం. మేం ఫీల్డింగ్‌లో నిలకడగా ఉండాలనుకుంటున్నాం. కొన్ని క్యాచ్‌లు వదిలేశాం, రనౌట్‌లు చేయలేకపోయాం.’ అని రోహిత్ చెప్పాడు.

ఇన్నింగ్స్ 18వ ఓవర్ అశ్విన్ ఎందుకు వేశాడో కూడా వివరించాడు. ‘స్పిన్నర్‌లతో చివరి ఓవర్ వేయిస్తే గతంలో ఏం జరిగిందో చూశాం. కాబట్టి నేను చివరి ఓవర్‌కి ముందే అశ్విన్‌ కోటా ముగించాలనుకున్నాను. సీమర్లు సరైన ఓవర్లు వేయాలని కోరుకున్నాను. కొత్త బ్యాటర్ వచ్చినందున అశ్విన్ బౌలింగ్ చేయడానికి ఇది సరైన సమయం.’ అని రోహిత్ వివరించాడు. దక్షిణాఫ్రికా ఇప్పుడు ఐదు పాయింట్లతో గ్రూప్ 2లో అగ్రస్థానంలో ఉంది. భారత్, బంగ్లాదేశ్ వరుసగా రెండు, మూడో స్థానాల్లో ఉన్నాయి. భారత్ నెట్ రన్‌రేట్ మెరుగ్గా ఉంది.

 

 

 

 

 

View this post on Instagram

 

 

 

 

 

 

 

 

 

 

 

A post shared by ICC (@icc)