ICC Champions Trophy: పీసీబీ సూపర్ స్కెచ్..! భారత మ్యాచ్ ల ద్వారా లబ్ధి పొందాలని ఎత్తుగడలు

ICC Champions Trophy: వచ్చేనెల 19 నుంచి మెగాటోర్నీ ప్రారంభమవుతుంది. గ్రూప్-ఏలో భారత్, న్యూజిలాండ్, పాక్, బంగ్లా, గ్రూప్-బిలో ఆస్ట్రేలియా, ఇంగ్లాండ్, సౌతాఫ్రికా, ఆఫ్ఘనిస్తాన్ ఉన్నాయి.

చాంపియన్స్ ట్రోఫీతో పీసీబీ చీఫ్

Source : PTI - TheRealPCB/X

Team India News: వచ్చేనెలలో పాకిస్థాన్ లో ఐసీసీ చాంపియన్స్ ట్రోఫీ జరుగనుంది. అయితే దీనికి సంబంధించి టికెట్ రేట్ల గురించి ఆసక్తికర చర్చ జరుగుతోంది. ఈ టోర్నీలో భారత్ హైబ్రిడ్ మోడల్లో మ్యాచ్ లు ఆడనుంది. దుబాయ్ వేదికగా ఈ మ్యాచ్ లు జరుగుతాయి. అయితే తాజాగా పాకిస్థాన్ లో జరిగే లీగ్, నాకౌట్ మ్యాచ్ ల వివరాలు తెలిశాయి. అయితే భారత్ కు సంబంధించిన టికెట్ల ప్రైస్ డీటైల్స్ ఇంకా వెల్లడి కాలేదు. అయితే భారత్ మ్యాచ్ లకు ఉన్న క్రేజ్ రిత్యా భారీగా ధరలు పెట్టి లాభపడాలని పీసీబీ చూస్తోందని తెలుస్తోంది. ఇక తమ దేశంలో జరిగే లీగ్ మ్యాచ్ లకు కనీస ధరను రూ.వెయ్యి పాక్ రూపీలు ( ఇండియన్ కరెన్సీలో సుమారు. 320 రూపాయలు)గా నిర్ధారించింది. అలాగే వివిధ మ్యాచ్ లకు వేదికలను బట్టి ఫీజులను నిర్ధారించినట్లు సమాచారం. 

బంగ్లా మ్యాచ్ లకు ధర రెట్టింపు..
ఇక బంగ్లాదేశ్ తో రావల్పిండి జరిగే మ్యాచ్ లో సాధారణ ఎన్క్లోజర్ కు రూ. 620 (భారత కరెన్సీ)ని నిర్ణయించింది. అలాగే ఇక్కడే జరిగే సెమీఫైనల్లో రూ.776 రేటును నిర్ణయించింది. ఇక వీవీఐపీ టికెట్ రేట్లను కూడా ప్రకటించంది. అన్ని గేమ్ లుకు ఈ టికెట్లు రూ.3726 నుంచి ప్రారంభమవుతాయని తెలిపింది. నాకౌట్ మ్యాచ్ లకు మాత్రం రెట్టింపు రేటు ఉంటుందని సమాచారం. ఇక సాధారణ కేటగిరీలో 18వేలకు పైగా టికెట్లను జారీ చేస్తారని తెలుస్తోంది. 

భారత మ్యాచ్ లపై త్వరలో నిర్ణయం..
మెగాటోర్నీలు జరిగినప్పుడు టికెట్ల ద్వారా వచ్చే ఆదాయాన్ని ఆయా నిర్వహణ బోర్డులో స్వీకరిస్తాయి. అలాగే టోర్నీ ఆతిథ్య ఫీజు రూపంలో ఐసీసీ నుంచి కొంత నగదు అందుతుంది. అయితే దుబాయ్ లో భారత్ ఆడే మ్యాచ్ ల ద్వారా లబ్ధి పొందాలని పాక్ భావిస్తోంది. ముఖ్యంగా హై వోల్టేజీ యాక్షన్ మ్యాచ్ అయిన భారత్-పాక్ మ్యాచ్ లకు భారీగా టికెట్లు రేట్లు పెట్టాలని నిర్ణయించినట్లు సమాచారం. అలాగే న్యూజిలాండ్, బంగ్లాలతోనూ భారత్ ఆడే మ్యాచ్ ల ద్వారా మంచి టికెటింగ్ ఆదాయాన్ని కళ్ల జూడాలని టార్గెట్ గా పెట్టుకుంది. ఇక దుబాయ్ లో జరిగే మ్యాచ్ లకు సంబంధించి టికెటింగ్ ఆదాయం తీసుకోవడంతో కేవలం గ్రౌండ్ రెంట్, ఇతర ఖర్చులను ఎమిరేట్ క్రికెట్ బోర్డుకు పాక్ చెల్లించనున్నట్లు సమాచారం. త్వరలోనే దీనిపై ఎమిరేట్ క్రికెట్ బోర్డు, ఐసీసీ, పాక్ లకు నివేదిక సమర్పించిన తర్వాత ఫీజులపై నిర్ణయం రానుంది. మొత్తానికి లాసులో నడుస్తున్న తమ బోర్డును భారత్ మ్యాచ్ ల ద్వారా గట్టెక్కించాలని పాక్ భావిస్తున్నట్లు తెలుస్తోంది.  ఇక తన తొలి మ్యాచ్ ను బంగ్లాతో ఫిబ్రవరి 20న, 23న పాక్ తో, మార్చి 2న న్యూజిలాండ్ తో భారత్ ఆడనుంది.