Darshan Nalkande Profile: దయాల్‌ పోయే దర్శన్ వచ్చే - ఎవరీ నల్కండే?

CSK vs GT Qualifier 1: చెన్నై సూపర్ కింగ్స్ - గుజరాత్ టైటాన్స్ మధ్య జరుగుతున్న మ్యాచ్‌లో జీటీ.. యశ్ దయాల్‌ను తప్పించి దర్శన్ నల్కండేను తీసుకుంది.

దర్శన్ నల్కండే

Source : Darshan Nalkande Twitter

Darshan Nalkande Profile: ఇండియన్ ప్రీమియర్ లీగ్  2023 ఎడిషన్ లో భాగంగా చెన్నైలోని ఎంఎ చిదంబరం స్టేడియం వేదికగా చెన్నై సూపర్ కింగ్స్‌తో  జరుగుతున్న ఫస్ట్ క్వాలిఫయర్ మ్యాచ్‌లో గుజరాత్ టైటాన్స్ తమ జట్టులో కీలక మార్పు చేసింది. ఈ మ్యాచ్‌లో  గుజరాత్   పేసర్ యశ్ దయాల్‌ను తప్పించి  యువ బౌలర్ దర్శన్ నల్కండేకు అవకాశం ఇచ్చింది.  

ఎవరీ దర్శన్..? 

దర్శన్ నల్క్ండే‌కు ఐపీఎల్‌లో ఇదే ఫస్ట్ మ్యాచ్ కాదు. అతడు  గత సీజన్‌లోనే ఈ లీగ్‌కు ఎంట్రీ ఇచ్చాడు. మహారాష్ట్ర (వార్దా) కు చెందిన ఈ యువ పేసర్ పూర్తి పేరు దర్శన్ గిరీష్ నల్కండే. దేశవాళీ క్రికెట్‌లో విదర్భ   తరఫున ఆడుతున్నాడు. రైట్ ఆర్మ్ మీడియం పేసర్ అయిన దర్శన్‌కు.. వాస్తవానికి ఐపీఎల్‌లో ఇది ఐదో సీజన్.  2019లోనే దర్శన్‌ను పంజాబ్ కింగ్స్  రూ. 30 లక్షల కనీస ధరతో కొనుగోలు చేసింది.  2019, 2020, 2021 దాకా అతడు  పంజాబ్ టీమ్‌తోనే ఉన్నాడు. కానీ మూడు సీజన్లలో అతడు ఒక్క మ్యాచ్‌ కూడా ఆడించలేదు.   ఐపీఎల్ -2022లో అతడిని  గుజరాత్ టైటాన్స్..  రూ. 20 లక్షలతో కొనుగోలు చేసింది. 

గత సీజన్‌లో  గుజరాత్ తరఫున దర్శన్ రెండు మ్యాచ్‌లు కూడా ఆడాడు. తనను మూడు సీజన్ల పాటు ఆడించకుండా దూరంగా  పెట్టిన పంజాబ్ కింగ్స్‌తో  జరిగిన మ్యాచ్‌లో   రెండు వికెట్లు తీశాడు.  తర్వాత సన్ రైజర్స్ హైదరాబాద్‌తో కూడా ఆడినా ఈ మ్యాచ్‌లో ఒక్క వికెట్ కూడా తీయలేకపోయాడు. 

 

Upwards and onwards @gujarat_titans #surreal #IPL2022 #AavaDe pic.twitter.com/L6xEtb6gWg

— Darshan nalkande (@NalkandeDarshan) April 9, 2022

ఫస్ట్ క్లాస్ క్రికెట్‌‌లో.. 

ఈ విదర్భ బౌలర్  2018లో  మహారాష్ట్రతో జరిగిన మ్యాచ్‌తో ఫస్ట్ క్లాస్ క్రికెట్‌లో ఎంట్రీ  ఇచ్చాడు.  ఇప్పటివరకూ 3 ఫస్ట్ క్లాస్ మ్యాచ్‌లు, 21 లిస్ట్ ఎ, 34 టీ20లు ఆడాడు.   ఫస్ట్ క్లాస్ క్రికెట్‌ల ఒక్క వికెట్ మాత్రమే తీసినా  లిస్ట్ ఎ లో  34, టీ20లలో  57 వికెట్లు పడగొట్టాడు.   టీ20 మ్యాచ్ లో అత్యుత్తమ ప్రదర్శన 5-9 గా ఉండటం గమనార్హం.  సయీద్ ముస్తాక్ అలీ ట్రోపీలో అతి తక్కువ మ్యాచ్‌లలోనే 50 వికెట్లు పడగొట్టిన బౌలర్లలో  దర్శన్ (28 మ్యాచ్‌లు) ఫస్ట్ ప్లేస్ లో ఉన్నాడు.

 

Fastest to 50 wickets in #SyedMushtaqAliTrophy in terms of inns

28 - Darshan Nalkande(today)
29 - Mohammad Siraj
30 - C Milind
32 - L Meriwala
33 - C Stephen
34 - P Jaswal
35 - A Mishra
35 - P Prasanth
© @ppushp7 @lal__kal @KrishnaKRM @kaustats @IndianIdcf @NalkandeDarshan

— Aby Siby (@Aby_Siby) October 20, 2022

చెన్నైతో మ్యాచ్‌లో దర్శన్..  సీఎస్కే  ఇన్నింగ్స్ రెండో ఓవర్ వేశాడు.  ఈ ఓవర్‌లో అతడు వేసిన మూడో బంతికి  గైక్వాడ్.. గిల్‌కు క్యాచ్ ఇచ్చినా అది నోబాల్ కావడంతో  అతడు బతికిపోయాడు.  కానీ అవుట్ అయ్యే  ప్రమాదం నుంచి తప్పించుకున్న గైక్వాడ్ మాత్రం తర్వాత రెచ్చిపోయాడు. ఇదే ఓవర్లో   6,4 కొట్టాడు.  కాగా ఈ మ్యాచ్ లో గైక్వాడ్.. 44 బంతుల్లోనే  7 బౌండరీలు, ఓ సిక్సర్  సాయంతో 60 పరుగులు చేశాడు.