India In Semis : సెమీస్లోకి దూసుకెళ్లిన భారత్..లీగ్ మ్యాచ్ లో హాంకాంగ్ పై బంపర్ విక్టరీ.. స్మృతి రికార్డు సెంచరీ
హాంకాంగ్పై 137 పరుగుల తేడాతో భారీ విజయం సాధించిన ఇండియా సెమీఫైనల్ బెర్త్ ఖాయం చేసుకుంది. స్మృతి మంధాన సరికొత్త ప్రపంచ రికార్డులతో చరిత్ర నెలకొల్పింది.

Smriti Mandhana Powers Dominant Indian Victory: మహిళల టీ20 ఆసియా కప్ 2026 టోర్నమెంట్లో అత్యంత విజయవంతమైన ఇండియా అప్రతిహత విజయాలతో సత్తా చాటుతోంది. దుబాయ్ ఇంటర్నేషనల్ క్రికెట్ స్టేడియంలో గురువారం జరిగిన గ్రూప్ ఏ రెండో మ్యాచ్లో భారత మహిళల జట్టు 137 పరుగుల భారీ తేడాతో హాంకాంగ్ను చిత్తు చేసి దర్జాగా సెమీఫైనల్లోకి అడుగుపెట్టింది. టాస్ ఓడి మొదట బ్యాటింగ్ చేపట్టిన భారత్ నిర్ణీత 20 ఓవర్లలో 5 వికెట్లకు 193 పరుగుల భారీ స్కోరు సాధించింది. భారత వైస్ కెప్టెన్ స్మృతి మంధాన సెంచరీ (124) తో సత్తా చాటింది. బౌలర్లలో మారినాకు రెండు వికెట్లు దక్కాయి. అనంతరం స్పిన్నర్ల ధాటికి హాంకాంగ్ 16.2 ఓవర్లలోనే 56 పరుగులకే కుప్పకూలింది. నటాషా మైల్స్ (15) టాప్ స్కోరర్ గా నిలిచింది. దీప్తి శర్మ మూడు వికెట్లతో రాణించింది.
That's that from the second game for India in the #WomensAsiaCup #TeamIndia with a resounding 137-run win against Hong Kong as they march into the semi-final 👏👏
— BCCI Women (@BCCIWomen) September 3, 2026
Scorecard - https://t.co/5owq9vvH2Z #INDvHK pic.twitter.com/3CVAox0O6c
మంధాన వీరవిహారం..
ఫస్ట్ బ్యాటింగ్ చేసిన భారత్ కు ఓపెనర్, స్టార్ లెఫ్ట్ హ్యాండర్ స్మృతి మంధాన మొదటి బంతి నుంచి దూకుడుగా ఆడి, మంచి స్కోరును అందించింది. ప్రత్యర్థి బౌలర్లను ఉతికారేసి కేవలం 64 బంతుల్లో 14 ఫోర్లు, 7 భారీ సిక్సర్లతో 124 పరుగులు బాది మైదానాన్ని హోరెత్తించింది. పవర్ ప్లేతో పాటు మిడిల్ ఓవర్లలోనూ హాంకాంగ్ బౌలర్లపై సంపూర్ణ ఆధిపత్యం ప్రదర్శించింది. ఆమె ఆడిన ఈ సుడిగాలి ఇన్నింగ్స్ భారత జట్టుకు కొండంత స్కోరు అందించడంలో కీలకంగా మారింది. మరో ఓపెనర్ షెఫాలీ వర్మ (28) తో తొలి వికెట్ కు 74 పరుగులు జోడించి మంచి పునాది వేసింది. ఆ తర్వాత బ్యాటర్లు తడబడినా, చివరి ఓవర్ వరకల్లా నిలిచి, జట్టుకు భారీ స్కోరు అందించింది.
The star of the show 🤩⭐️
— BCCI Women (@BCCIWomen) September 3, 2026
Vice-captain @mandhana_smriti is adjudged the Player of the Match for her exhilarating performance as #TeamIndia are through to the semis of the #WomensAsiaCup #INDvHK pic.twitter.com/TQRaDiTM3R
మిథాలీ రాజ్ రికార్డులు బ్రేక్..
ఈ చారిత్రాత్మక ఇన్నింగ్స్తో స్మృతి మంధాన పలు అంతర్జాతీయ ప్రపంచ రికార్డులను తిరగరాసింది. భారత మాజీ కెప్టెన్ మిథాలీ రాజ్ను వెనక్కి నెట్టి అంతర్జాతీయ మహిళల క్రికెట్లో అత్యధిక పరుగులు చేసిన బ్యాటర్గా అగ్రపీఠాన్ని కైవసం చేసుకుంది. అంతేకాకుండా అంతర్జాతీయ మహిళల క్రికెట్లో అత్యధిక సెంచరీలు బాదిన రికార్డును సొంతం చేసుకోవడంతో పాటు, మిథాలీ పేరిట ఉన్న 93 ఫిఫ్టీ-ప్లస్ స్కోర్ల రికార్డును సమం చేసింది.
దీప్తి శర్మ మ్యాజిక్
194 పరుగుల భారీ విజయలక్ష్యంతో బరిలోకి దిగిన హాంకాంగ్ జట్టు భారత బౌలర్ల ధాటికి కకావికలమైంది. క్రమం తప్పకుండా వికెట్లు కోల్పోయిన హాంకాంగ్ కేవలం 56 పరుగులకే కుప్పకూలింది. భారత స్టార్ స్పిన్ ఆల్రౌండర్ దీప్తి శర్మ తన అద్భుతమైన స్పెల్తో 3 వికెట్లు పడగొట్టి (3/9) మెరిసింది. అటు బ్యాటింగ్లో మంధాన, ఇటు బౌలింగ్లో దీప్తి రాణించడంతో భారత్ ఏకపక్ష విజయాన్ని నమోదు చేసుకుని టోర్నీలో వరుసగా రెండో విజయంతో తమ జోరును కొనసాగించింది.
ట్రెండింగ్ వార్తలు



















