Virat Kohli: ఐసీసీ మెచ్చిన కోహ్లీ టీ20 వరల్డ్ కప్ ప్రదర్శన- మీరు వీడియో చూశారా!
Virat Kohli: టీ20 ప్రపంచకప్ లో విరాట్ కోహ్లీ ప్రదర్శనకు సంబంధించిన వీడియోను ఐసీసీ తన ఇన్ స్టాగ్రామ్ ఖాతాలో పోస్ట్ చేసింది. మరి ఇంకెందుకు ఆలస్యం. ఆ వీడియోపై మీరూ ఓ లుక్కేయండి.
Virat Kohli: టీ20 ప్రపంచకప్ 2022... ఈ మెగా టోర్నీలో టీమిండియా కథ సెమీస్ లోనే ముగిసింది. సెమీఫైనల్ మ్యాచులో ఇంగ్లండ్ చేతిలో ఘోర ఓటమితో టోర్నీ నుంచి నిష్క్రమించింది. లీగ్ దశల్లోనూ ఇద్దరు, ముగ్గురు రాణించటంతో సెమీస్ వరకు వచ్చిన భారత్... కీలక మ్యాచులో చేతులెత్తేసింది.
అయితే ఈ ప్రపంచకప్ లో విరాట్ కోహ్లీ అద్భుతంగా రాణించాడు. ఆసియా కప్ నకు ముందు ఒక నెల విరామం తీసుకుని తిరిగొచ్చిన విరాట్ ఆసియా కప్ లోనూ ఆకట్టుకున్నాడు. అనంతరం జరిగిన పొట్టి వరల్డ్ కప్ లో విజృంభించాడు. కప్పు గెలవడంలో టీం విఫలమైనా వ్యక్తిగతంగా కోహ్లీ చాలా మంచి ప్రదర్శన చేశాడు. ఆ టోర్నీలో అత్యధిక పరుగులు చేసిన వారిలో అగ్రస్థానంలో నిలిచాడు. నాలుగు అర్ధశతకాలతో 98.66 స్ట్రైక్ రేట్ తో 296 పరుగులు చేశాడు. అందులో పాకిస్థాన్ పై ఆడిన 82 పరుగుల వీరోచిత ఇన్నింగ్స్ ఎప్పటికీ చరిత్రలో నిలిచిపోతుంది. అలాగే ఫీల్డింగ్ లోనూ కింగ్ కోహ్లీ అదరగొట్టాడు. 2 అద్భుతమైన క్యాచులతో పాటు కళ్లు చెదిరే ఫీల్డింగ్ తో ఒక రనౌట్ కూడా చేశాడు.
ప్రస్తుతం బంగ్లాదేశ్ తో జరుగుతున్న వన్డే సిరీస్ లో విరాట్ కోహ్లీ ఆడుతున్నాడు.
October 23rd 2022 will always be special in my heart. Never felt energy like that in a cricket game before. What a blessed evening that was 💫🙏 pic.twitter.com/rsil91Af7a
— Virat Kohli (@imVkohli) November 26, 2022
తాజాగా టీ20 ప్రపంచకప్ లో విరాట్ కోహ్లీ ప్రదర్శనకు సంబంధించిన వీడియోను ఇంటర్నేషనల్ క్రికెట్ కౌన్సిల్ (ఐసీసీ) తన ఇన్ స్టాగ్రామ్ ఖాతాలో పోస్ట్ చేసింది. విరాట్ ఆడిన సూపర్బ్ ఇన్నింగ్స్, పట్టిన క్యాచులు, రనౌట్ చేసిన వీడియోను పంచుకుంది. దీనికి కొద్ది సేపట్లోనే లక్షల్లో లైక్స్ వచ్చాయి. మీరు ఆ వీడియోను చూసేయండి.
View this post on Instagram
టాప్ హెడ్ లైన్స్
ట్రెండింగ్ వార్తలు
